Sabiq xitay muxbiri shiwitsariyining mukapatidin mehrum qalduruldi

 Istansimizning igilishiche, li changching 2008 ‏ - yilliq dunya gézitchilik birleshmisi teripidin tarqitilidighan " altun qelem erkinlik mukapati" gha érishken bolup, hökümet li changchingni'ing pasport élish hoquqini élip tashlighanliqi üchün, uning ayali uninggha wakaliten mukapatni tapshurup élishqa teyyarlan'ghan iken.

Biraq hökümet li changchining ayali baw dinglingni béyjing ayropilan istansisidin chiqish resmiyiti béjiriwatqan yéride tosiwélip, uning pasportini musadire qilghan.

Dunyaning herqaysi jayliridiki 1 ming 800 din artuq gézitning wekilliri ishtirak qilidighan mezkür mukapatlash yighinigha qatnashmaqchi bolghan li changching, fujo géziti ziyaret bölümining mu'awin mudiri idi, u 2004 ‏ - yili 10 ‏ - ayda boshun tor bétide fujo shehiride bir xil jiddiy yuqumluq késellik tarqalghanliq heqqide xewer élan qilghanliqi üchün, " qesten qabahetlik uchur oydurup tarqitish jinayiti" sadir qilghan dégen jinayet bilen 3 yilliq qamaq jazasigha höküm qilin'ghan.

Emma organ metbu'atliri li changchingning yuqumluq késellik tarqalghanliq toghrisidiki xewiridin kéyin, fujo hökümitining bu heqtiki étiraplirini ashkarilighan iken.