Кондилиза райс кишилик һоқуқ мәсилисидә хитайға бесим ишләтти

Шаңхәй һәмкарлиқ тәшкилатиға әза дөләтләрниң "диний вә миллий ишларға мәсул һөкүмәт әмәлдарлири аспирантлиқ буйичә тәрбийиләш курси" 28 - июн үрүмчидә аяғлашқан болуп, тәңритағ ахбарат торида хәвәр қилинишичә, мәзкур курс хитай дөләтлик сода министирлиқиниң һавалиси билән тәшкилләнгән икән.
Мухбиримиз өмәр қанат хәвири
2008-06-30
Share

Хәвәрдә көрситилишичә, курсни уйғур аптоном районлуқ ташқи сода назарити үстигә алған болуп, курс 16 - июн үрүмчидә башланған.

Мәлум болишчә, бу шу хилдики курсларниң үрүмчидә тунҗи қарар ечилиши болуп, курсқа шаңхәй һәмкарлиқ тәшкилатиға әза дөләтләрдин кәлгән 19 нәпәр һөкүмәт әмәлдари қатнашқан.

Хәвәр қилинишичә, мәзкур курсантларға педагогика университети, аптоном районлуқ иҗтимаий пәнләр академийиси, диний вә миллй ишлар комитети қатарлиқ органлардин кәлгән мутәхәссисләр дәрс өткән һәмдә хитайниң миллий вә диний ишларни башқурушқа алақидар бир қисим сиясәт һәмдә чәтәлликләрниң диний паалийәтлирини башқурушқа алақидар бәлгилимиләрдин ликсийә сөзлигән.

Шаңхәй һәмкарлиқ тәшкилати хитайниң тәшәббуси билән 2001 - йили 15 - июн рәсмий қурулған болуп, бәзиләр уни асиядики шималий атлантик әһди тәшкилати дәп қарайдиған болсиму, әмма йәнә бәзиләр һазирчә бу тәшкилатниң асаслиқ нишани оттура асияда сиясий паалийәт елип бериватқан уйғурларни чәкләшкә қаритилғанлиқини илгири сүрмәктә.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт