Бейҗиңдики өйлиридин мәҗбури көчүрүветилгән 20 гә йеқин киши наразилиқ намайиши өткүзди

4 - Авғуст дүшәнбә күни бейҗиңдики өйлиридин мәҗбури көчүрүветилгән 20 гә йеқин киши наразилиқ намайиши өткүзгән болуп, бирләшмә агентлиқида хәвәр қилинишичә, бу намайишчилар 2003 - йили олимпиккә алақидар қурулуш сәвәбидин өйлиридин көчүрүлгән, әмма һазирғичә мувапиқ төләмгә еришәлмигән кишиләр икән.
Мухбиримиз җүмә хәвири
2008.08.04

 Хәвәрдә нәқил елип көрситилишичә, мәшчи лю фумий өзлириниң олимпиккә қарши әмәсликини, лекин һөкүмәтниң олимпик сәвәбидин буларниң өйлирини чиқиветишиниң хата икәнликини билдүргән.

Мәлум болушичә, мәзкур намайишчиларниң өйлири җайлашқан мәркизи бейҗиң райониға һазир хәлқаралиқ даңлиқ марка сода сарайлири селинған заманиви сода райони бәрпа қилинған.

Намайишчи ма шиюлән, мәзкур районда сода райони тәрәққий қилдурғучиларниң олимпикни баһанә қилип өзлириниң маканлирини тартивелишқа һәққи йоқ икәнликини һәмдә өзлириниң пәқәт олимпик үчүнла өз һоқуқини қоғдимаслиққа қарап туралмайдиғанлиқини билдүргән.

Намайишчиларға сақчилар тосқунлуқ қилмиған болсиму, әмма намайиш йүз бәргән районниң аилиликләр комитети хадимлири намайишчиларниң қайтуруп елип кәткән.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.