Хитай олимпик мәзгилидә намайишчилар үчүн мәхсус орун айримақчи

Бирләшмә ахбарат агентлиқиниң хәвәр қилишичә, хитай бүгүн олимпик мәзгилидики намайишлар үчүн олимпик мәйданиға йеқин әтрапта орун айрийдиғанлиқини билдүргән. Бейҗиң олимпик комитетиниң бихәтәрлик ишлири мәсули Liu Shaowu бүгүн бу һәқтики баянатида, һазирға қәдәр олимпик мәйданиға йеқин болған үч бағчини намайишчилар райони қилип бекиткәнликини билдүргән.
Мухбиримиз шөһрәт һошур хәвири
2008.07.23

Liu Shaowu Йеқин арилиқта дәп көрсәткән бу 3 бағча, олимпик мәйданлиридин 3 вә 5 километир узақлиқта. Liu Shaowu Баянатида йәнә, намайишчиларниң намайиштин аввал илтимас сунуп рухсәт елиши керәкликини уқтурған. Мухбирлар һазирға қәдәр намайиш үчүн илтимас қилғанларниң болған ‏ - болмиғанлиқини сориғанда, у бу соални җавабсиз қалдурған.

Хитайниң намайишчиларға мәхсус орун айрийдиғанлиқи һәққидә баянат бериши олимпик мәзгилидә һеч болмиғанда, қәғәз йүзидә болсиму намайишниң чәкләнмәйдиғанлиқини көрсәтмәктә. Әмма хитайниң откән һәптә елан қилған қаидә - түзүмлири олимпик мәзгилидә намайишниң мүмкинсизликидин бишарәт бәргән иди. Болупму чәтәлләрдики инсан һәқлири паалийәтчилиригә вә өктичи затларға виза бәрмәслики бу бишарәтни күчләндүргән иди.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.