Бейҗиң олимпик мусабиқиси ахирлишип, йепилиш мурасими өткүзүлди

Йәкшәнбә күни бейҗиңда 2008 - йиллиқ бейҗиң олимпик тәнһәрикәт йиғининиң йепилиш мурасими өткүзүлди. Йепилиш мурасими сәнәт номурлири вә салийотлар билән дағдуғилиқ өткүзүлгән болуп, бир қисим дөләтләрниң башлиқлири вә вәкиллири иштирак қилди.
Мухбиримиз үмидвар хәвири
2008.08.24

Бу қетимқи олимпик йиғинида хитай, америка вә русийә әң көп алтун медал алған дөләткә айланған болуп, хитай тәнһәрикәтчилири 51 алтун медал елиш билән олимпик тарихидики йеңи рекортни яратти.

Олимпик мурасиминиң йепилишида 2012 - йиллиқ олимпикни өткүзидиған дөләт әнгилийә икәнлики елан қилинған болуп, 2012 - йиллиқ олимпик йиғини лондонда өткүзүлүш шәрипигә сазавәр болуп, мәшәлни тапшурувалди.

Әнгилийә б б с агентлиқиниң хәвәр қилишичә, әнглийә баш министири гордон бровн мурасимға қатнашқан, бровн буниң алдида хитай рәиси ху җинтав билән көрүшүп икки дөләт һәмкарлиқлири һәққидә сөһбәтләшкән иди. Йепилиш мурасимиға әнгилийиниң бир қисим чолпанлири иштирак қилип, сәнәт номурлирини көрсәткән.

Бейҗиңда ечилған йепилиш мурасимида келәрки қетимлиқ олимпикниң лондонда өткүзүлидиғанлиқи елан қилиниватқанда лондондиму дағдуғилиқ мурасимлар уюштурулған. Әнглийә аял падишаһи әнглийә тәнһәрикәтчилириниң бейҗиңда қолға кәлтүргән нәтиҗилирини шуниңдәк келәр қетимлиқ мурасимниң лондонда өткүзүлүш шәрипигә еришкәнликини тәбриклигән.

23 - Авғуст күни хәлқара гимнастика җәмийити хитай тәнтәрбийә комитетиниң гимнастика мусабиқисида алтун медал алған хитай гимнастика маһирлириниң яш әһвалини ениқлап беришни тәләп қилған.
Мунасивәтлик хәвәрләр
Хитай вә тәйвән хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.