Хитай олимпик йиғинидин бурун б д т ниң "пуқралар һоқуқи вә сияси һәқләр әһдинамиси" ни рәсмий тәстиқлиши мумкин

Бошүн тор бекитиниң хоңкоңда чиқидиған " дагуңбав" гезитидин нәқил кәлтүрүп хәвәр қилишичә, бейҗиңдики нопузлуқ затлар хитай даирилири нәччә йиллардин бери тәстиқлашни арқиға сүрүп келиватқан б д т ниң " пуқраларһоқуқи вә сияси һәқләр әһдинамиси"ни бейҗиң олимпик йиғинидин бурун тәстиқлимақчи болуватқанлиқини билдүргән.
Мухбиримиз әркин хәвири
2008.07.25
Share on WhatsApp
Share on WhatsApp

 " Пуқралар һоқуқи вә сияси һәқләр әһдинамиси" б д т ниң әң муһим сиясий вә кишилик һәқләр әһдинамилириниң бири болуп, мәзкур әһдинамидә пуқраларда болушқа тегишлик әң асасий әркинлик вә сиясий һәқләр, җүмлидин пуқраларниң яшаш һоқуқи, әркинлик вә кишилик бихәтәрлик һоқуқи, тән җазасидин хали болуш, халиғанчә қолға елиниш, тутқун қилиниш яки сүргүн қилиштин хали болуш һоқуқи, идийә, виҗдан вә диний әркинлик, адил вә очуқ - ашкара сотлиниш һоқуқи қатарлиқларни өз ичигә алиду.

Мәзкур әһдинамини хитайниң б д т дики вәкили чин хуасүн 1998 ‏ - йили 10 ‏ - айниң 25 ‏ - күни имзалиған болсиму, лекин бу әһдинамә һазирға қәдәр хитай хәлқ қурултийи тәрипидин тәстиқланмиған иди. Хитай хәлқара кишилик һоқуқи тәшкилатлири тәрипидин әһдинамидә чәкләнгән нурғун мәзмунлар җүмлидин сияси мәһбусларға йепиқ сот ечиш, тән җазаси бериш, халиғанчә тутқун қилиш, диний әркинлик, идийә вә виҗданий рәт қилғучиларни қолға елиш қатарлиқлар билән әйибләнмәктә иди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.