Хитай өктичилиридин бири ху шиген 16 йилдин кейин қоюп берилди

Хитайда партийә тәшкилләп, сиясий һәрикәтләргә қатнашқанлиқи үчүн хитай һөкүмити тәрипидин 16 йил түрмигә қамалған өктичи ху шиген бүгүн бейҗиңдә қоюп берилгән.
Мухбиримиз гүлчеһрә хәвири
2008.08.26
Share on WhatsApp
Share on WhatsApp

 Бу йил 53 яшқа киргән хушиген, илгири бейҗиң чәтәл тили унверситетиниң дотсенти болуп, у 1992 - йили ваң гочи қатарлиқлар билән хитай әркин демукиратийә партийисини қурған. У 1992 - йили лиу җиңшин қатарлиқлар билән бейҗиң,шаңхәй, вухән қатарлиқ җайларда, 4 - ийон тйәнәнмин оқуғучилар һәрикитини хатирләп, хитай һөкүмитиниң 1989 - йилидики оқуғучилар намайишини қанлиқ бастурғанлиқиға наразилиқ баянлири йезилған тәшвиқат варақчилирини тарқатқанлиқи үчүн, рәсмий қолға елинған.

1994 - Йили 12 - айда бейҗиң шәһәрлик оттура соти униңға, әксил инқилабчи җинайити билән 20 йиллиқ қамақ җазаси елан қилип, сиясий һоқоқидин бәш йил мәһрум қилған.Ху шигенниң җаза муддити бәш йил қисқартилип, 16 йил түрмидә қамалғандин кейин қоюп берилди.

Хусигенниң акиси ху шүйген мухбиримизниң телефон зияритини қобул қилип,ху шиген қоюп берилгән болсиму йәнила сиясий һоқоқидин мәһрум икәнлики, ахбарат орунлириниң зияритини қобул қилишқа рухсәт қилинмиғанлиқи, хели бир мәзгилгичә йәнила хитай сақчилириниң назаритидә болидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.