Xitay béyjing olimpik murasimining bixeterlik xizmitini jiddiy kücheytmekte

Xitay da'iriliri bu yil 8 ‏ - ayda ötküzülidighan olimpik murasimi duch kélidighan her qandaq bir tehditning aldini élish üchün, alahide saqchi qisim etriti we armiye qisimlirini öz ichige alghan 100 ming kishilik térrorluqqa qarshi herbiy qisim hazirlashni pilan qildi.
Muxbirimiz eqide xewiri
2008.06.19

 Hökümet organ metbu'atliridin shinxu'a agéntliqining peyshenbe küni bildürüshiche, olimpik mezgilidiki bixeterlikni nezerde tutqan hökümet, mushu ayning bashliridin buyan, bir qatar herbiy manéwirlarni ötküzüsh bilen birge nuqtiliq sheherlerde charlash xizmitini kücheytken.

Béyjing olimpik komitéti bixeterlikni qoghdash orginining mes'uli lyu jawwuning éytishiche, 5" ‏ - nomurluq changchéng " namidiki herbiy manéwirda ximiyilik oq - dora hujumlirigha zerbe bérish ", " aptomobilda kétiwétip oq chiqarmaqchi bolghan mergenlerni yoqitish" qatarliq her xil shekildiki hujumlargha taqabil turushqa oxshash herbiy meshiqler élip bérilghan.

Lyuning tekitlishiche, nöwette bixeterlik, qatnash, ot kétishning aldini élish, térrorluqqa zerbe bérish shuningdek muhim shexslerni qoghdash xizmitige da'ir 500 din artuq muhim türler buyiche élip bérilidighan teyyarliq xizmiti ishlinip bolghan.

Xewerde yene, béyjingning sheher ichidiki barliq poyiz istansilirida bixeterlik tekshürüshi élip bérilidighanliqi qeyt qilin'ghan bolup, hökümet orunlashturghan 150 mingdin artuq bixeterlikke mes'ul xadimdin bashqa,özini tizimlatqan 290 ming pida'iy kochilarda charlash élip bérishqa mes'ul qilin'ghan.

Béyjing olimpik tenterbiye murasimining échilish murasimi 8 - ayning 8 ‏ - küni resmiy bashlanmaqchi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.