Хитай ташқи ишлар министирлиқи олимпик комитетиниң тәнқидини рәт қилди

Тибәт аптоном райониниң партиком секритари җаң чиңли, олимпик мәшилиниң тибәткә йетип келиши мунасивити билән сөзлигән нутқида далай ламани алаһидә тәнқид қилғандин кейин, хәлқара олимпик комитети бейҗиң олимпик комитетини агаһландуруп, бейҗиңдин сиясәт билән тәнтәрбийини айрип қаришини тәләп қилған иди.
Мухбиримиз әқидә хәвири
2008-06-26
Share

 Б б с да көрситилишичә, бейҗиң тәрәп далай лама вә униң қоллиғучилириниң лхасада йүз бәргән 14 ‏ - март зораванлиқ һәрикитиниң мәйданға келишигә сәвәбчи икәнликини оттуриға қоюш билән биргә, далай ламаниң тибәтни хитайдин айрип чиқиш ғәризи бар дәп әйиблигән.

Хәлқара олимпик комитети баянат елан қилип, хитайни сиясәт билән тәнтәрбийини ениқ айривелиши һәмдә бундин кейин бундақ вәқәләрниң қайта садир болмаслиқи һәққидә агаһландурған.

Хитай ташқи ишлар министирлиқиниң баянатчиси лю җәнчав бу мунасивәт билән баянат елан қилип, олимпик комитетиниң тәнқидини рәт қилди һәмдә " җуңго тәрәп олимпикниң сиясийлаштүрүлүшигә қәтий қарши, җаң чиңлиниң сөзи олимпик үчүн муқимлиқ вә инақлиқ муһити елип келиду," деди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт