Хитай һөкүмити чәтәллик сәнәтчиләрни хитайниң игилик һоқуқиға чеқилмаслиққа агаһландурди

Бейҗиң һөкүмити пәйшәнбә күни хитайда оюн көрситидиған чәтәллик сәнәтчиләр яки тәнтәрбийичиләрни хитай қануни, милләтләр иттипақлиқи вә хитайниң игилик һоқуқиға дәхли - тәруз қилидиған сөз ‏ - һәрикәтләрдә болмаслиққа агаһландурди.
Мухбиримиз әркин хәвири
2008.07.18
Share on WhatsApp
Share on WhatsApp

 Чәтәл мәтбуатлири бу агаһландурушни хитай даирилириниң олимпик йиғини йетип келиштин бурун җиддийлишиватқанлиқи вә биарам болуватқанлиқиниң йәнә бир ипадиси, дәп қаримақта.

Хитай мәдинийәт министирлиқи тор бекитидә елан қилған бу һәқтики бир уқтурушида, чәтәллик сәнәтчиләрниң җуңгода көрситидиған сәнәт номурлириниң мәзмуни милләтләрни өз ‏ - ара өчмәнликкә күшкүртидиған, җуңго қануни, дөләтниң игилик һоқуқи, дөләтниң бихәтәрлики вә милләтләр иттипақлиқиға зиян салидиған мәзмунларда болмаслиқи керәк, дәп тәкитлигән. Исландийилик нахшичи бҗорк бу йил 3 ‏ - айда шаңхәйдә нахша кечилики өткүзүп, нахша арисида хитай тамашибинларға " тибәт", " тибәт", дәп хитап қилған.

Бу вәқә хитай даирилири үчүн бир агаһландуруш болуп қалған. Бейҗиң һөкүмити әйни чағда бҗоркниң һәрикитини " җуңго қанунини бузғанлиқ, җуңго хәлқиниң һессиятиға азар бәргәнлик " дәп әйиблигән иди. Бҗорк нахша кечиликидә уйғурларни тилға алмиған болсиму, лекин униң әтләстин көйнәк кийивалғанлиқи чәтәлләрдики уйғур көзәткүчиләрниң диққитини тартқан шундақла бу уйғур мәдәнийитини қоғдап қелиш керәкликигә даир бир "бишарәтниң аламити" дәп мулаһизә қилинған.

Бирләшмә агентлиқи даириләрниң бейҗиңдики қавақханиларда нәқ мәйдан консерт қоюшни чәклигәнлики, бир музика көрикиниң бикар қилинғанлиқи вә кулублар консерт қоймақчи болса рухсәт елишни бекиткәнлики түпәйли" бейҗиңда яз пәсли болушиға қаримай, музикантларниң қишлиқ уйқуда " икәнликини билдүрди.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.