دۇنيا سەھىيە تەشكىلاتى خىتاينىڭ زەھەرلىك سۈت پاراشوكى مەسىلىسىدە خىتاي بىلەن ھەمكارلاشماقتا

بوۋاقلار سۈت پاراشوكىغا زەھەرلىك خىمىيىلىك ماددا ئارىلاشتۇرۇلۇش سەۋەبىدىن 6200 دىن ئارتۇق بوۋاقتا كېسەللىك كۆرۈلۈشى ھەمدە تۆت نەپەر بوۋاقنىڭ ئۆلۈم كېتىش ئەھۋالى سادىر بولغاندىن كېيىن، بۇ مەسىلە بىردىنلا خەلقئارا مىقياسىدا جىددىي ئىنكاسلارنى قوزغىغان ئىدى.
مۇخبىرىمىز ئۈمىدۋار
2008-09-21
Share

خىتاي سەھىيە تارماقلىرى 22 شىركەتنىڭ مەھسۇلاتلىرىنى تەكشۈرۈپ، ئۇنىڭدىن خىمىيىلىك زەھەرلىك ماددا بايقىغان ئىدى. بۇ مۇناسىۋەت بىلەن خىتاي پۇقرالىرىدا كۈچلۈك نارازىلىق ئىنكاسلىرى پەيدا بولدى.

دۇنيا سەھىيە تەشكىلاتىنىڭ بىر خادىمىنىڭ ئاشكارىلىشىچە، ھازىر دۇنيا سەھىيە تەشكىلاتى خىتاي تەرەپ بىلەن ھەمكارلىشىپ، زەھەرلىك سۈت پاراشوكىدىن زەھەرلىنىشنىڭ ئالدىنى ئېلىش ۋە باشقا مۇناسىۋەتلىك چارىلارنى قوللىنىش قاتارلىق پائالىيەتلەرنى ئېلىپ بارماقتا. بىراق، سەھىيە تەشكىلاتى خىتاينىڭ چوقۇم مەھسۇلاتلارغا قارىتا خىمىيىلىك تەكشۈرۈش تۈزۈمىنى كۈچەيتىشى لازىملىقىنى تەلەپ قىلغان. ئۇنىڭ ئۈستىگە يەنە خىتاي بوۋاقلار سۈت پاراشوكى بېنگال قاتارلىق بەش دۆلەتكە ئېكسپورت قىلىنغان.

مالايشىيا ۋە سىنگاپور ھۆكۈمەتلىرى خىتاينىڭ سۈتلۈك مەھسۇلاتلىرىنى ئىمپورت قىلىشنى توختاتقان بولۇپ، خىتاينىڭ سۈتلۈك مەھسۇلاتلىرىنىڭ تاشقى سودىسى تەھدىتكە دۇچ كەلگەن.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.