Kishilik hoquq teshkilati xitayning ten jazasini toxtatmighanliqini qattiq tenqid qildi

Merkizi nyuyorktiki " junggo kishilik hoquq teshkilati " peyshenbe küni, xitayda saqchilarning yenila ten jazasini qolliniwatqanliqini, bolupmu türme ichide ten jazasi bérishning nahayiti éghir ikenlikini bildürdi.

Bu heqte élan qilin'ghan doklatta kishilik hoquq pa'aliyetchisi gaw féyshungning dilosi alahide misalgha ilin'ghan bolup, ötken yili gaw féyshung qolgha élin'ghanda, saqchilar uning qol ‏ - putlirini kariwatqa baghlap 42 kün yatquzghandin sirt, uni ikki qoli bilen ésip qoyup, bedinining sezgür jaylirigha tok kaltek tekküzgen. Qattiq qéyin - qistaqqa berdashliq bérelmigen gaw féyshung jinayitini qobul qilip, 5 yilliq qamaq jazasigha tartilghan.

Junggo kishilik hoquq teshkilatining bildürüshiche, xitayda köpligen jinayet gumandarliri hemde kishilik hoquq pa'aliyetchilirining hemmisi éghir ten jazasining ziyankeshlikige uchrighuchilar bolup, xitay hökümiti xelq'ara qanunlar hemde üz dölitining qanunigha xilap heriket élip barmaqta.

Ilgiri xitay türmiside qattiq qéyin - qistaqlargha uchrighan Uyghur mehbuslar, chet'ellerde panahliq tilesh jeryanida xitaylar qollan'ghan ten jazasi heqqide ispat bergendin sirt, istansimizgha téléfun urup, xitay saqchilirining ularni qandaq qiynighanliqi heqqide tepsiliy melumatlar bergen idi.