Gu'angshidiki ximiye sana'et zawutida partilash yüz bérip 16 adem öldi

Xitaydiki uchur wastilirining xewiridin melum bolushiche, 26 - awghust seyshenbe küni seher 6 de gu'angshining yiju sheher etrapigha jaylashqan bir ximiye sana'iti zawutida partilash weqesi yüz bergen.
Muxbirimiz gülchéhre xewiri
2008.08.26

  Mezkür partilash weqesi heqqide ige bolghan eng yéngi melumatlargha asaslan'ghanda, hazirghiche partlashta 16 ademning ölgenliki, yene 60 kishining yarilan'ghanliqi we yene 6 sining iz dériki bolmighanliqi melum boldi.

Xitay axbaratlirining gu'angshi ju'angzu aptonom rayonluq zeherlen'genlerni jiddi qutquzush doxturxanisidin igilep tarqitishiche, partilash yüz bergen xémiye sana'etـ zawutigha yéqin bir kilométir da'iridin on mingche a'ile bixeter jaylargha köchürülgen.

Nöwette mezkur partilash weqesi yüz bergen jayda qutquzush, ot öchürüsh dawamlishiwatqan bolup, zeherlik gazdin mudapi'elinish kiyimlirini kiygen xadimlar karantin qilin'ghan zawut etrapida yene ximiyilik gazlardin zeherlinip ölgüchi hem yaridar bolghuchilarni dawamliq izdimekte iken.

Da'iriler deslepki qedemdiki tekshürüshke asasen, weqeni ishlepchiqirish bixeterlikige da'ir partilash weqesi dep élan qildi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.