Xitayda mal bahasining örlishi yéngi rékort yaratti

4 ‏ - Ay ichide xitayda tawar buyumlirining zawut bahasining örlishi yene yéngi rékort yaratqan. Bu kéler heptide élan qilinidighan tawar buyumlirining bazarda sétilish bahasi yeni istimal bahasining körsetküchige zor bésim shekillendürüshi mumkin, dep qaralmaqta.
Muxbirimiz erkin xewiri
2008.05.09

 Xitay döletlik istatistika idarisining jüme küni élan qilishiche, 4 ‏ - ay ichide sana'et mehsulatlirining zawut bahasi 1.8 Pirsent örligen bolup, buni 2007 ‏ - yilning oxshash mezgili bilen sélishturghanda 2.5Pirsent artqan. 4 - Ay ichide xam néfitning zawut bahasi 9.37 Pirsent, kömürning zawut bahasi 9.20 Pirsent, yimek ‏ - ichmekning zawut bahasi 9.11 Pirsent örligen.

Xitayda pul paxalliqining körsetküchi tawarning bazardiki istimal bahasining körsetküchi yeni sétilish bahasining igiz - pesliki bilen ölchinidu. Xitay hökümiti 3 ‏ - ayda istimal bahasining örlesh körsetküchini 3.8 Pirsent, dep élan qilghan. Döletlik statistika idarisi 4 ‏ - aydiki istimal bahasining körsetküchini 12 ‏ - may küni élan qilishi mumkin. Tawar buyumlirining zawut bahasidiki artish uning istimal bahasigha choqum tesir körsitidu.

Xitay bash ministiri wén jyabaw, xelq qurultiyining yighinida hökümetning bu yilqi eng muhim wezipisi pul paxalliqini kontrol qilish ikenlikini bildürgen idi. Közetküchilerning eskertishiche, pul paxalliqi kontroldin chiqip ketse, bu puqralirining sétiwélish küchi ajiz xitayda zor ijtima'iy muqimsizliqlarni keltürüp chiqirishi mumkin.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.