Xunende bügün bir puqra yerlik hökümet ishxanisigha ot qoyup 12 ademni zexmilendürdi
Xitay hökümiti béyjingda ötküzilidighan olimpik musabiqisini qoghdash üchün, jaylarda jidiy weqe yüz bérishning aldini élish lazimliqini jakarlap kéliwatqan mushu peytte, bügün xunende tyen keyyü isimlik bir puqra öyining hökümet teripidin 'qanunsiz turalghu' dep chéqiwétilgenlikige qattiq ghezeplinip, jang jajé kochisi ahale komitéti dep atilidighan yerlik asasi qatlam hökümet ishxanisida ikki qota prislan'ghan gazni partlitip ot qoyghan. Bu weqede 12 adem zexmilen'gen.
Muxbirimiz weli xewiri
2008.07.02
Fransiye agéntliqining bayan qilishiche, yerlik hökümet ishxanisigha ot qoyghan bu kishi, gerche weqe yüz bergendin kéyinla qolgha élin'ghan bolsimu, emma hökümet partlitish - ot qoyush sheklini qollan'ghan bu kishi üstide térrorchi yaki bashqa jinayi nam bilen eyiblep sotqa shikayet sunmighan.