6 Neper xitay saqchisini öltürgen yang jyagha ölüm jazasi bérildi

 Xewerde körsitilishiche, bu yil 28 yashliq yang jyagha qesten adem öltürüsh jinayiti artilghan bolup, sot hökümi shangxey sheherlik 2 - sot mehkimisi teripidin chiqirilghan.

Xewerde körsitishiche, sot mehkimisi yang jyaning rohiy saghlamliqi üstidinmu tekshürüsh élip barghan hemde uning rohiy jehette saghlam ikenlikini békitken bolup, yang jyamu özining adem öltürüsh jinayitini iqrar qilghan.

Xitay saqchi da'irilirining bayanatigha qarighanda, bu yil iyulning birinchi küni yang jya pichaq, bolqa we partlatquch dorilarni kötürgen halda shangxey shehiri jabéy rayonluq saqchixanisigha hujum qilghan we 6 saqchini pichaq tiqip öltürgendin kéyin 4 nepirini éghir yarilandurghan.

Saqchilarning bildürüshiche, u aldinqi yili wélisipit oghrilash gumandari süpitide mezkur saqchixana teripidin tekshürülgen bolghachqa, shunga u bu hujumni saqchilardin öch élishi üchün élip barghan iken.

Chet'ellerdiki xitay öktichiliri yang jyani qehriman sanap yang jya palwan dep atashqan idi.