Küresh qaynimida ötken yillar - 13

Koriye paytexti sé'uldiki xelq'ara ayrodromida koriye chégra xadimliri teripidin tutup turulghan dolqun eysa üch - töt kün'ge sozulghan murekkep jeryanlardin kéyin axiri dubeyge qarap uchidighan ayropilan'gha élip chiqilidu. Bu ayropilan dubeyge uchamdu yaki béyjingghimu? bu so'al téxiche uning kallisida guman halitide turmaqta idi.

Ayropilan taki sé'ul asminigha kötürülgüche bolghan ariliqta uning kallisida türlük - tümen xiyallar kéchidu. Emdi dubeyge yétip barghandin kéyin uni qandaq bir teqdir kütüp turidu?...

Uzaqqa sozulghan wehimilik seperdin kéyin ayropilan dubey ayrodromigha qonidu. Ereb birleshme xelipilikining chégra xadimliri uni ayropilandin chüshürüp, ayrim ishiklerdin ötküzüp axiri gérmaniyige uchidighan ayropilan'gha sélip qoyidu. Ayropilan alp taghlirini késip ötüp gérmaniye hawa boshluqigha kirgende andin u bir meydan qorqunchluq chüshke oxshaydighan hayat - mamatliq kechürmishning axirlashqanliqini hés qilidu.

Bir indiwidu'al shexs bolush süpiti bilen Uyghurlarning muhajirettiki murekkep hayati we weten dewasining qaynamlirida yürgen dolqun ene shu peytte heqqaniyetning haman kommunist xitaygha oxshash mustebit küchlerning boyunturuqidin üstün turidighanliqini téximu chongqur chüshinidu.

Dolqun eysaning béshidin kechürgen kechürmishlirining axirqi qismining tepsilatigha qiziqsingiz uning aghzaki bayanlirigha qulaq salghaysiz.

(Tügidi)