Паҗиә вә күрәш ичидә өткән һаят

Һөрмәтлик оқурмән, қолиңиздики бу китаб һаятиниң зор бир қисми күрәш вә изтирап ичидә өткән, оттуз йиллап паний дуняниң дозиқи болған коммунист түрмилиридә азаб чәккән бир пешқәдәм җәңчиниң әслимисидур.  Бәхтсиз миллитимизниң бундақ җәңчилири аз әмәс; шундақла көпму әмәс. Бу қарму-қаршилиққа толған  хуласимизни пешқәдәм җәңчиниң әслимисиниң ахирқи қисимлиридики түрмә тәсвирлири тәстиқлайду. Бир еғиз қуруқ гәп үчүн талай адәмләрни өлтүридиған, фашистларниң “җәвһири” болған коммунистларниң түрмисидин бундақ бир җәңчиниң тирик қайтип чиқиши, һәтта һөр дуняға чиқип ашу паҗиәләрни һекайә қилиши алланиң бир мөҗизиси болса керәк!