វេទិកាអ្នកស្ដាប់៖ តើការរៃអង្គាសលុយពីពលរដ្ឋ អាចដោះស្រាយកង្វល់រ៉ាំរ៉ៃរឿងព្រំដែនជាមួយវៀតណាមបានដែរឬទេ?
2024.09.03
លោក គឹម សុខ អ្នកធ្វើអត្ថាធិប្បាយនយោបាយ nigលោក អ៊ុំ សំអាន តំណាងរាស្ត្រពីគណបក្សសង្គ្រោះជាតិ.
Photo: RFA
នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃអង្គារ ទី៣ ខែកញ្ញា ជជែកពិភាក្សាលើប្រធានបទ៖ តើការរៃអង្គាសលុយពីពលរដ្ឋ អាចដោះស្រាយកង្វល់រ៉ាំរ៉ៃរឿងព្រំដែនជាមួយវៀតណាមបានដែរឬទេ?
ប្រឈមមុខនឹងសម្រែកផ្ទុះការតវ៉ាដ៏រីករាលដាលពីសំណាក់ក្រុមប្រជាពលរដ្ឋខ្មែរនៅក្រៅប្រទេសជុំវិញរឿងរ៉ាវកិច្ចសហប្រតិបត្តិការ CLV-DTA ជាមួយវៀតណាម និងឡាវ រដ្ឋាភិបាលលោកនាយករដ្ឋមន្ត្រី ហ៊ុន ម៉ាណែត នៅតែប្រកាន់ជំហរមិនព្រមដកកម្ពុជាចេញពីកិច្ចសហប្រតិបត្តិការរួមគ្នាដ៏ចម្រូងចម្រាសនេះនៅឡើយទេ។ ផ្ទុយទៅវិញ រដ្ឋាភិបាលនេះបានធ្វើផ្គើន ដោយចាប់ចងក្រុមយុវជនសកម្មក្នុងស្រុកដាក់ពន្ធនាគារតាមទំនើងចិត្តជាបន្តបន្ទាប់ដោយចោទប្រកាន់ពួកគេពីបទ «រួមគំនិតក្បត់» ចង់ផ្ដួលរំលំរដ្ឋាភិបាលជាដើម។ លើសពីនេះទៀត រដ្ឋាភិបាលដែលតែងតែអួតអាងថា មិនខ្ចីពឹងច្រមុះបរទេសដកដង្ហើមនោះ តែនៅតែបន្តដាក់ខេត្តខ្មែរចំនួន៤ អភិវឌ្ឍន៍រួមគ្នាជាមួយវៀតណាម និងឡាវដដែល ហើយបែរជាថែមទាំងប្រកាសរៃអង្គាសលុយពីពលរដ្ឋខ្លួនឯង រាប់ចាប់តាំងពីកូនសិស្សសាលាផងនោះ ដោយអះអាងថា យកមក «កសាងហេដ្ឋារចនាសម្ព័ន្ធតាមព្រំដែន»។
តើការប្រកាសរៃអង្គាសលុយពីពលរដ្ឋ ដោយរដ្ឋាភិបាលចំណាស់មួយឆ្នាំរបស់លោក ហ៊ុន ម៉ាណែត នេះ អាចដោះស្រាយកង្វល់រ៉ាំរ៉ៃរឿងព្រំដែនជាមួយវៀតណាម ដែលជាសត្រូវប្រវត្តិសាស្ត្របានដែរឬទេ?
តើរដ្ឋាភិបាលបង្ហាញតម្លាភាពប៉ុណ្ណា ជុំវិញការប្រមូលលុយនេះ?
សូមលោកអ្នកនាងចុចស្ដាប់សំឡេង នៃកិច្ចពិភាក្សារវាងលោក មាន ឫទ្ធិ ជាមួយលោក អ៊ុំ សំអាន តំណាងរាស្ត្រពីគណបក្សសង្គ្រោះជាតិ និងលោក គឹម សុខ អ្នកធ្វើអត្ថាធិប្បាយនយោបាយ ដែលបានជជែកពិភាក្សាអំពីរឿងនេះ នៅយប់ថ្ងៃអង្គារ ទី៣ ខែកញ្ញា ឆ្នាំ២០២៤៕
អត្ថបទពេញនិយម
RFA
- ក្រសួងមហាផ្ទៃបញ្ជាក់ថា កូនមន្ត្រីជាន់ខ្ពស់ ដែលបើកឡានបុកមនុស្សស្លាប់ពីរនាក់ នៅអូស្ត្រាលីនោះ គឺឈ្មោះ ឌឿន ឧត្ដមសេនីយ៍
- ក្រុមប្រឹក្សាអភិវឌ្ឍន៍កម្ពុជាគ្រោងធ្វើបេសកកម្មដើរគោះទ្វាររកវិនិយោគិននៅអាមេរិកជាថ្មី
- លោក ហ៊ុន សែន បង្កើនការគំរាមកំហែងឆ្លងដែនលើអ្នករិះគន់
- លោក ហ៊ុន ម៉ាណែត ប្រតិកម្មអ្នករិះគន់ព្រឹត្តិការណ៍ Gumball 3000
- សមត្ថកិច្ចម៉ាឡេស៊ីចាប់ពលករខ្មែរម្នាក់ពាក់ព័ន្ធរិះគន់រដ្ឋាភិបាលកម្ពុជា