អាជ្ញាធរ​ប្រើ​ហិង្សា​បង្ក្រាប​អ្នក​ភូមិ​បឹងកក់ មនុស្ស​១១​នាក់​ត្រូវ​ចាប់​ខ្លួន

អ្នក​ភូមិ​បឹង​កក់​ប្រមាណ ១០០​នាក់ ត្រូវ​សមត្ថកិច្ច​ចម្រុះ​​ប្រើ​អំពើ​ហិង្សា​បង្ក្រាប​ ខណៈ​ពួកគេ​​ប្រមូល​ផ្ដុំ​គ្នា​នៅ​មុខ​សាលា​រាជធានី​ភ្នំពេញ ដើម្បី​សុំ​ឲ្យ​ធ្វើ​អន្តរាគមន៍​ទៅ​ក្រុមហ៊ុន​ស៊ូកាគូ ឲ្យ​ផ្អាក​ការ​បូម​ខ្សាច់​លុប​បឹងកក់។
ដោយ ខែ សុណង
2011-04-21
Share
បឹង​កក់ ៣០៥ ២១-មេសា-២០១១៖ សមត្ថកិច្ច​ប្រើ​ហិង្សា​លើ​អ្នក​ភូមិ​បឹងកក់ បណ្ដាល​ឲ្យ​រង​របួស ខណៈ​ពេល​ដែល​ពលរដ្ឋ​ទាំង​នោះ​មក​ប្រមូល​ផ្ដុំ​គ្នា​នៅ​មុខ​សាលា​រាជធានី​ភ្នំពេញ។
RFA/Khe Sonorng

យ៉ាង​ហោច​ណាស់​មាន​ពលរដ្ឋ​តំបន់​បឹងកក់ ៣​នាក់​សន្លប់ ១១​នាក់​ត្រូវ​បាន​ចាប់​ខ្លួន​ភ្លាមៗ និង​ពលរដ្ឋ​មួយ​ចំនួន​ទៀត​បាន​រង​របួស ក្នុង​គ្រា​ដែល​កង​កម្លាំង​ប៉ូលិស​ប៉េអឹម បាន​ប្រើ​អំពើ​ហិង្សា​វាយ​បង្ក្រាប​ដោយ​ខែល និង​ដំបង​ឆក់​ទៅ​លើ​អ្នក​តវ៉ា​ទាំង​នោះ កាល​ពី​ព្រឹក​ថ្ងៃ​ព្រហស្បតិ៍ ទី​២១ ខែ​មេសា នៅ​ខាង​មុខ​សាលា​រាជធានី​ភ្នំពេញ។

អ្នកស្រី សុធន់ ពលរដ្ឋ​តំបន់​បឹងកក់ រស់​នៅ​ភូមិ​១ ក្នុង​សង្កាត់​ស្រះចក ខណ្ឌ​ដូនពេញ បាន​ថ្លែង​ថា កម្លាំង​សមត្ថកិច្ច​បាន​ប្រើ​អំពើ​ហិង្សា​វាយ និង​ឆក់​ទៅ​លើ​ស្ត្រី ដោយ​គ្រាន់តែ​ពួកគេ​ទៅ​សុំ​ឲ្យ​អាជ្ញាធរ​ក្រុង​ធ្វើ​អន្តរាគមន៍​ទៅ​ក្រុមហ៊ុន​ឲ្យ​បញ្ឈប់​ការ​បូម​ខ្សាច់​ពន្លិច​ផ្ទះ​របស់​ពលរដ្ឋ​ប៉ុណ្ណោះ។

អ្នកស្រី​បន្ត​ថា ៖ «គ្មាន​ទាមទារ​ដើម្បី​អី​ទេ គេ​ថា ដោះស្រាយ គេ​អត់​ដោះស្រាយ​ឲ្យ​ទេ ទឹក​លិច​អស់​ហើយ ខ្ញុំ​ឈឺ​ចាប់​ណាស់ ខ្ញុំ​ឈឺ​ចាប់​ជា​ទីបំផុត។ ខ្ញុំ​ខ្មែរ​ដូច​តែ​គេ​ដែរ​ហេតុ​អី​បាន​គេ​ធ្វើ​អ៊ីចឹង​ដាក់​ប្រជាជន? គេ​វាយ គេ​អត់​មាន​អាណិត​អាសូរ​ប្រជាជន​រក​ដំណោះស្រាយ​ទេ»

បឹង​កក់ ៣០៥
អ្នក​ភូមិ​បឹងកក់​ម្នាក់​ក្នុង​ចំណោម​អ្នក​តវ៉ា​ប្រមាណ ១០០​នាក់ ត្រូវ​សមត្ថកិច្ច​ចាប់​ក្រៀក​ឡើង​រថយន្ត​បញ្ជូន​ទៅ​ស្នងការដ្ឋាន​រាជធានី​ភ្នំពេញ នៅ​ថ្ងៃ​២១ ខែ​មេសា ឆ្នាំ​២០១១។
RFA/Khe Sonorng

នៅ​ក្នុង​ព្រឹត្តិការណ៍​បង្ក្រាប​ទៅ​លើ​អ្នក​ភូមិ​បឹងកក់ ដែល​ភាគ​ច្រើន​លើសលប់​ជា​ស្ត្រី​នោះ គេ​ឃើញ​មាន​កម្លាំង​សមត្ថកិច្ច​ប្រមាណ​ជាង ១០០​នាក់ បាន​ប៉ះ​ទង្គិច​ដាក់​គ្នា​ជា​ច្រើន​លើក។ ក្រុម​បង្ក្រាប​បាន​វាយ​ដោយ​ដំបង​ឆក់ និង​លើក​អ្នក​ភូមិ​បោះ​ចូល​ទៅ​លើ​រថយន្ត រួម​ទាំង​មាន​ការ​រុញ​ច្រាន​គ្នា​ទៅ​វិញ​ទៅ​មក​ជាមួយ​អ្នក​ភូមិ។ ការ​ប៉ះ​ទង្គិច​នេះ​បាន​បង្ក​ឲ្យ​ស្ត្រី​ចំនួន ៣​នាក់​បាន​សន្លប់ ស្ត្រី​វ័យ​ជាង ៧០​ឆ្នាំ​ម្នាក់​រង​របួស​ក្បាល និង​ស្ត្រី ៩​នាក់ ព្រមទាំង​ក្មេង​ប្រុស​អាយុ ១១​ឆ្នាំ ២​នាក់​ទៀត ត្រូវ​គេ​ចាប់​បញ្ជូន​ទៅ​ស្នងការដ្ឋាន​រាជធានី​ភ្នំពេញ។

នៅ​ថ្ងៃ​នេះ​ដែរ សមាគម​ការពារ​សិទ្ធិ​មនុស្ស​អាដហុក បាន​ចេញ​សេចក្ដី​ប្រកាស​ព័ត៌មាន​មួយ ដោយ​សរសេរ​ថា បន្ទាប់​ពី​អ្នក​ភូមិ​បាន​ជួប​ពិភាក្សា​ជាមួយ​តំណាង​សាលា​រាជធានី​ភ្នំពេញ រួម​មក សហគមន៍​នៅ​តែ​តវ៉ា ពីព្រោះ​ពុំ​មាន​លទ្ធផល​ជា​វិជ្ជមាន​នោះ កង​កម្លាំង​ប្រដាប់​អាវុធ​បាន​ចូល​វាយ​បំបែក​អ្នក​ភូមិ ដោយ​ធ្វើការ​វាយ​ដំ ឆក់​នឹង​ដំបង​ឆក់ ទាត់ ធាក់​ទៅ​លើ​អ្នក​ភូមិ​យ៉ាង​សាហាវ​ឃោរឃៅ​នៅ​ចំពោះ​មុខ​មន្ត្រី​សាលា​រាជធានី ដែល​បាន​ឈរ​ឱប​ដៃ​មើល​អំពើ​ហិង្សា​នេះ។

លោក អំ សំអាត អ្នក​ឃ្លាំមើល​ការ​រំលោភ​សិទ្ធិ​មនុស្ស​របស់​អង្គការ​លីកាដូ បាន​ចាត់​ទុក​ការ​បង្ក្រាប​របស់​កម្លាំង​ប៉ូលិស​ប៉េអឹម​នេះ​ថា ជា​ការ​ប្រើប្រាស់​អំពើ​ហិង្សា​រំលោភ​សិទ្ធិ​ពលរដ្ឋ​ធ្ងន់ធ្ងរ ៖ «ខ្ញុំ​គិត​ថា ការ​ប្រើប្រាស់​នេះ​គឺ​វា​ជ្រុល​ហើយ ទោះ​បី​យើង​បញ្ចៀស​ការ​ប៉ះពាល់​សណ្ដាប់ធ្នាប់​ក៏ដោយ ក៏​ត្រូវ​ដោះស្រាយ​ទៅ​តាម​សន្តិវិធី​ឲ្យ​អស់​លទ្ធភាព​សិន យើង​មិន​កាន់​ជើង​ទេ ថា​មាន​ទៅ​មាន​មក​ដែរ ប៉ុន្តែ​គ្រាន់​ថា ប្រជាជន​គាត់​ប្រើ​ទឹក​សុទ្ធ ឬ​ក៏​ដៃ​អី​រុញ​ច្រាន​ណាស់ ប៉ុន្តែ​យ៉ាង​ណា​យើង​អាជ្ញាធរ​ត្រូវ​អត់ធ្មត់​ជាង​ប្រជាពលរដ្ឋ និង​ដោះស្រាយ​ទៅ​តាម​នីតិវិធី​ផង​ដែរ»

ការ​ប្រើ​អំពើ​ហិង្សា​មក​លើ​អ្នក​ភូមិ​នេះ​ បាន​ធ្វើ​ឡើង​ក្រោយ​មួយ​ថ្ងៃ​បន្ទាប់​ពី​កិច្ច​ប្រជុំ​ប្រទេស​ផ្ដល់​ជំនួយ​មក​ឲ្យ​​កម្ពុជា កាល​ពី​ថ្ងៃ​ទី​២០ មេសា ដែល​ប្រមុខ​រដ្ឋាភិបាល​បាន​សន្យា​អភិវឌ្ឍ​កម្ពុជា ឲ្យ​បាន​ស៊ី​ជម្រៅ រួម​ទាំង​​បញ្ហា​កែ​ទម្រង់​ដីធ្លី​ផង​ដែរ។

បន្ទាប់​ពី​បាន​ឃាត់​ខ្លួន​អ្នក​ភូមិ​មក​ មន្ត្រី​អង្គការ​សហប្រជាជាតិ​បាន​ធ្វើ​អន្តរាគមន៍​ទៅ​ស្នងការដ្ឋាន​រាជធានី​ភ្នំពេញ​ ដើម្បី​ដោះលែង​ពលរដ្ឋ​វិញ​រហូត​មក​ដល់​ម៉ោង​ប្រមាណ ៥​ល្ងាច តែ​ពុំ​បាន​សម្រេច។

ទាក់​ទង​បញ្ហា​នេះ ស្នងការ​រង​រាជធានី​ភ្នំពេញ លោក ប៉ុល ភិធេយ្យ បាន​ថ្លែង​ថា លោក​កំពុង​រង់ចាំ​គោលការណ៍​ពី​អភិបាល​រាជធានី​ភ្នំពេញ លោក កែប យុតិមា ជា​មុន​សិន ៖ «គាត់​មាន​បញ្ហា​ជេរ ការ​បំពារបំពាន​លើ​សមត្ថកិច្ច​ក្នុង​ពេល​បំពេញ​ភារកិច្ច»

តែ​ទោះ​ជា​យ៉ាង​ណា រហូត​មក​ដល់​ពេល​នេះ មនុស្ស​ដែល​ត្រូវ​បាន​កម្លាំង​សមត្ថកិច្ច​ចាប់​បញ្ជូន​ទៅ​ស្នង​ការដ្ឋាន​រាជធានី​ភ្នំពេញ​ កំពុង​ស្ថិត​នៅ​ក្នុង​ការ​ឃុំ​ខ្លួន​នៅ​ឡើយ៕

ព័ត៌មាន (8)

មើល​មតិ​ទាំង​អស់.

Anonymous says:
Apr 21, 2011 11:21 AM

i can see

Anonymous says:
Apr 21, 2011 02:14 AM

Cambodian must unite to end this oppressive regime. Let's come together and tell this government that they cannot do whatever they please. this is our land

Anonymous says:
Apr 20, 2011 10:50 PM

When you oppress the poor God will not forgive you you country will be given to the other's hand, you have no way to escape from God's wrath, Oh Cambodia repent or you will be like CHAMPA country, JESUS is the way the truth and the life. death or life?, blessing or curse? judgement or redeeming? choose now that it won't be too late for you. "if we cofess our sins God is faithful and just to forgive us from our sins and to clean us from all unrighteousness." " Righteousness exalts a nation, but sin is a reproach to any people. the wage of sin is DEATH BUT the gift of God, the righteousness is everlasting life. wake up and get up Cambodian we love you. for God we make a U-turn because He is the only way to restore and save your country and nation.

Anonymous says:
Apr 21, 2011 03:07 AM

Time to change the leader!

Anonymous says:
Apr 20, 2011 11:18 PM

They are our Cambodian Police? They act like Pol Pot

Anonymous says:
Apr 21, 2011 02:22 AM

old people is also not excepted! where is the pure HEART of Cambodian Citizen? I don't think you are counted in...

Anonymous says:
Apr 21, 2011 04:09 PM

You don't have to pretend to be someone to express yourself.

This kind of violence is not the first time. I just wonder what will these stupid policemen will do if their children, wife and parents or relatives are among these poor villagers? Are they Khmer or they are just dressing in Cambodian police uniform? It is sad that a govt police does not know what to do beside violence.

Anonymous says:
Apr 21, 2011 05:49 PM

Even if I haven't seen the violensce by my own eyes. But violence is violence. The gov't should have better non-violence measures to stop the violence which occur from the protest. "Think deep before you leap, Officer" where is your salary come from? I am telling you in case you can't think of it, pigs. your salary come from population saying in short.
Again those protesters are women. they could be your grand-mother, mother, aunt, sister ... don't you think? of course it's self-defense, you would say to get an excuse or clean up the disorder or anarchy. But on duty we can't make up any reasons to harm people. Although the violence starting from other party, you the gov't party should have more patient and try the smooth way to minimize the impact. Look what you have done to your own people? Open up your eyes! if you think a little deeper you will see what is the root issue? Please learn to think carefully and deeply to find the root of problem. Thank you!

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល