អ្នកភូមិបុរីកីឡាប្ដឹងមន្ត្រីសាលាខណ្ឌ៧មករា

ប្រជាពលរដ្ឋបុរីកីឡាជាង ៧០នាក់ បាននាំគ្នាឡើងទៅការិយាល័យអង្គភាពប្រឆាំងអំពើពុករលួយ នៅថ្ងៃទី២០ កុម្ភៈ ដើម្បីប្ដឹងមន្ត្រីសាលាខណ្ឌ ៧មករា ២រូប និងមន្ត្រីសហគមន៍បុរីកីឡា ៦នាក់ទៀត ពីបទស៊ីសំណូក។

ដោយ វោហារ ជាតិ
2012-02-20

ហើយមន្ត្រីទាំងនោះក៏ត្រូវបានចោទថាបន្លំឈ្មោះប្រជាពលរដ្ឋបុរីកីឡា ដែលត្រូវទទួលផ្ទះល្វែងសង់ថ្មី ប្រគល់ជូនដោយក្រុមហ៊ុនផានអ៊ីមិច (Phan Imex)។

បុរសម្នាក់ក្នុងចំណោមប្រជាពលរដ្ឋដើមបណ្ដឹងជាង ៧០នាក់ ដែលបានទៅដាក់ពាក្យបណ្ដឹងនោះ មានប្រសាសន៍ថា មន្ត្រីអង្គភាពប្រឆាំងអំពើពុករលួយម្នាក់ បានមកទទួលពាក្យបណ្ដឹង ដោយបានសន្យាថា អង្គភាពប្រឆាំងអំពើពុកនឹងស៊ើបអង្កេតបណ្ដឹងនេះ។

ក្រុមហ៊ុនផានអ៊ីមិចបានទទួលសិទ្ធិពីរដ្ឋាភិបាលកម្ពុជា អភិវឌ្ឍន៍សំណង់នៅបុរីកីឡានៅនឹងកន្លែង ហើយបានចុះកិច្ចសន្យាសង់ផ្ទះល្វែងឲ្យអ្នកបុរីកីឡារស់នៅចំនួន ១០អាគារ តែក្រុមហ៊ុននេះបានសង់តែ ៨អាគារ៕

កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។