ពលរដ្ឋរស់នៅក្បែរគំនរសំរាមស្ទឹងមានជ័យត្អូញត្អែរអំពីបញ្ហាសុខភាព
ប្រជាពលរដ្ឋប្រមាណជាង ៣០គ្រួសារក្នុងភូមិចម្រើនផលដែលមានលំនៅក្បែរទីតាំងចាក់សំរាម សង្កាត់ស្ទឹងមានជ័យ ក្រុងភ្នំពេញ បានត្អូញត្អែរថា ពួកគេកំពុងរងនូវផលប៉ះពាល់សុខភាពខ្លាំងពីកាកសំណល់សំរាមដែលត្រូវបានគេចាក់ចោលគរដូចភ្នំសព្វថ្ងៃនេះ មានដូចជាផ្ដាសាយ ក្អក និងជំងឺរាក ជាដើម ហើយដែលប៉ះពាល់ខ្លាំងនោះគឺកុមារតូចៗ។
ដោយ កែវពេជ្រ មេត្តា និង អ៊ួន ឈិន
2009-05-19
អ្នកភូមិទាំងនោះបានធ្វើការអំពាវនាវដល់រាជរដ្ឋាភិបាលសូមកុំឲ្យមានការចាក់សំរាមនៅទីនោះតទៅទៀតដើម្បីជួយឲ្យពួកគេមានជីវិតរស់នៅក្នុងបរិស្ថានមួយស្អាតនិងមានអនាម័យល្អសម្រាប់សុខភាព។
