អនុប្រធាន​ទី​១​រដ្ឋសភា​ទន្ទឹង​រង់ចាំ​ព្រះរាជ​អន្តរាគមន៍​ឲ្យ​លោក អាឡិក បន្ត​ស្នាក់នៅ​កម្ពុជា

ដោយ វណ្ណ វិចារ
2015-02-20
អ៊ីម៉ែល
មតិ
Share
បោះពុម្ព
លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ស្ថាបនិក​នៃ​អង្គការ​មាតា​ធម្មជាតិ ថ្លែង​ក្នុង​សន្និសីទ​កាសែត នៅ​ល្ងាច​ថ្ងៃ​ទី​៣ ខែ​តុលា ឆ្នាំ​២០១៤។
លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) ស្ថាបនិក​នៃ​អង្គការ​មាតា​ធម្មជាតិ ថ្លែង​ក្នុង​សន្និសីទ​កាសែត នៅ​ល្ងាច​ថ្ងៃ​ទី​៣ ខែ​តុលា ឆ្នាំ​២០១៤។
RFA/Mom Sophon

ព្រះមហាក្សត្រ នៅ​មិន​ទាន់​ឆ្លើយ​ថា​យ៉ាង​ណា​ចំពោះ​សំណើ​របស់​អនុប្រធាន​ទី​១​រដ្ឋសភា ដែល​សុំ​ព្រះរាជទាន​បន្ត​ទិដ្ឋាការ​ឲ្យ​អ្នក​ការពារ​បរិស្ថាន​តំបន់​អារ៉ែង ឡើយ គិត​មក​ដល់​ថ្ងៃ​ចុង​ក្រោយ​នៃ​សុពលភាព​ទិដ្ឋាការ​របស់​សកម្មជន​រូប​នេះ។

ស្រប​គ្នា​នេះ ក្រុម​យុវជន​ដែល​ស្រឡាញ់​បរិស្ថាន បាន​នាំ​គ្នា​ដាក់​ញត្តិ​ទៅ​រដ្ឋសភា ឲ្យ​ជួយ​អន្តរាគមន៍​ការពារ​សកម្មជន​រូប​នោះ ហើយ​ក្រុម​អង្គការ​មិន​មែន​រដ្ឋាភិបាល​ជិត ១០០​ស្ថាប័ន ក៏​បាន​បង្ហាញ​ការ​គាំទ្រ​ដោយ​ចេញ​សេចក្តី​ថ្លែងការណ៍​ឈឺ​ឆ្អាល​រឿង​នេះ​ដែរ។

អនុប្រធាន​ទី​១​នៃ​រដ្ឋសភា និង​ជា​អនុប្រធាន​គណបក្ស​ប្រឆាំង លោក កឹម សុខា កំពុង​ទន្ទឹង​រង់ចាំ​ព្រះរាជ​អន្តរាគមន៍​ពី​ព្រះមហាក្សត្រ ដើម្បី​ត្រួសត្រាយ​ផ្លូវ​បង្គាប់​រដ្ឋាភិបាល​បន្ត​ទិដ្ឋាការ​ថ្មី​ឲ្យ​ស្ថាបនិក​បណ្ដាញ​ចលនា​មាតា​ធម្មជាតិ។ នៅ​ថ្ងៃ​ទី​២០ ខែ​កុម្ភៈ នេះ ជា​ថ្ងៃ​ចុង​ក្រោយ​នៃ​សុពលភាព​ទិដ្ឋាការ​របស់ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន (Alejandro Gonzalez Davidson) បាន​ន័យ​ថា ចាប់​ពី​ម៉ោង ១២​កណ្ដាល​អាធ្រាត្រ​ត​ទៅ ជន​អន្តោប្រវេសន៍​រូប​នេះ​នឹង​ក្លាយ​ជា​ជន​ចំណាក​ស្រុក​ខុស​ច្បាប់​ក្នុង​ប្រទេស​កម្ពុជា។

លោក កឹម សុខា មាន​ប្រសាសន៍​ថា លោក​សង្ឃឹម​ថា​ព្រះមហាក្សត្រ​ព្រះអង្គ​នឹង​ធ្វើ​ការ​ប្រោស​ព្រះរាជទាន​បន្ត​ទិដ្ឋាការ​ឲ្យ លោក អាឡិក ដើម្បី​កិច្ច​ការពារ​បរិស្ថាន និង​ព្រៃ​ឈើ​នៅ​កម្ពុជា ប៉ុន្តែ​មក​ដល់​ល្ងាច​ថ្ងៃ​ទី​២០ ខែ​កុម្ភៈ នេះ លោក​មិន​ទាន់​បាន​ទទួល​ព្រះរាជសារ​តប​ពី​ព្រះមហាក្សត្រ​នៅ​ឡើយ​ទេ៖ «យើង​កំពុង​ទន្ទឹង​ចាំ​ព្រះរាជសារ​ពី​ព្រះមហាក្សត្រ»

លោក កឹម សុខា បាន​ដាក់​លិខិត​ថ្វាយ​ព្រះមហាក្សត្រ​ស្នើសុំ​ឲ្យ​ព្រះរាជទាន​អន្តរាគមន៍ បន្ត​ទិដ្ឋាការ​ឲ្យ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន កាល​ពី​ថ្ងៃ​ទី​១៨ ខែ​កុម្ភៈ ដោយ​ថ្វាយ​ហេតុផល​ថា ជនជាតិ​អេស្ប៉ាញ រូប​នេះ​ជា​សកម្មជន​ការពារ​បរិស្ថាន​យ៉ាង​សកម្ម និង​មិន​មែន​ជា​ឧក្រិដ្ឋជន។

ទន្ទឹម​នឹង​នេះ ក្រុម​យុវជន​មួយ​ចំនួន នៅ​ព្រឹក​ថ្ងៃ​ទី​២០ ខែ​កុម្ភៈ ក៏​បាន​ដាក់​ញត្តិ​ជូន​រដ្ឋសភា ដើម្បី​ស្នើសុំ​ឲ្យ​រដ្ឋសភា​ជួយ​អន្តរាគមន៍​ចំពោះ​រឿង​នេះ​ដែរ។ នៅ​ក្នុង​បណ្ដាញ​សង្គម​ហ្វេសប៊ុក (facebook) វិញ ប្រជាពលរដ្ឋ ជាពិសេស​យុវជន បាន​នាំ​គ្នា​សរសេរ​ថា និយាយ​ពី​ធនធាន​ធម្មជាតិ​នៅ​តំបន់​អារ៉ែង និង​អំពាវនាវ​ឲ្យ​រាជ​រដ្ឋាភិបាល​បន្ត​ទិដ្ឋាការ​ឲ្យ អាឡិក។

យុវជន​ម្នាក់​ជា​បុគ្គលិក​របស់​អង្គការ​ក្រៅ​រដ្ឋាភិបាល​មួយ បាន​យក​រូបភាព​កន្លែង​កម្សាន្ត​មួយ​នៅ​តំបន់​អារ៉ែង ដោយ​ភ្ជាប់​សារ​សរសេរ​ថា «ថត​ពី​លើ​ភ្នំ​ម្រេចកង្កែប ក្នុង​តំបន់​អារ៉ែង ដែល​ខ្ញុំ​ទៅ​កាល​ពី​លើក​មុន​លំបាក​ណាស់ ទម្រាំ​បាន​រូប​មួយ​សន្លឹកៗ ត្រូវ​ប្រឈម​មុខ​នឹង​គ្រោះថ្នាក់​សព្វ​គ្រប់​បែប​យ៉ាង តែ​ពួក​ឈ្លើង​សង្គម​មិន​ខ្វល់ ចង់​បាន​តែ​ផល​ប្រយោជន៍​ផ្ទាល់​ខ្លួន»

លើស​ពី​នេះ​ទៅ​ទៀត អង្គការ​សង្គម​ស៊ីវិល​ជិត ១០០​អង្គការ ក៏​បាន​ចេញ​សេចក្តី​ថ្លែងការណ៍​រួម ដោយ​សំណូមពរ​ទទូច​ឲ្យ​រាជ​រដ្ឋាភិបាល និង​ក្រសួង​មហាផ្ទៃ មេត្តា​ផ្តល់​ទិដ្ឋាការ​ដល់​សកម្មជន​ការពារ​បរិស្ថាន​នៅ​តំបន់​អារ៉ែង នេះ​ដែរ។ សេចក្តី​ថ្លែងការណ៍​បញ្ជាក់​ថា សង្គម​ស៊ីវិល និង​ប្រជាពលរដ្ឋ​ភាគ​ច្រើន ពិសេស​អ្នក​នៅ​តំបន់​អារ៉ែង សុទ្ធតែ​គាំទ្រ​នូវ​សកម្មភាព​របស់ លោក  អាឡិកហ្សង់ដ្រូ ហ្គន់ហ្សាឡេស ដេវិតសឹន។

លោក ហូរ វ៉ាន់ តំណាងរាស្ត្រ​គណបក្ស​សង្គ្រោះជាតិ (រូប​កណ្ដាល) ចេញ​ទទួល​ញត្តិ​របស់​យុវជន និង​សង្គម​ស៊ីវិល នៅ​ថ្ងៃ​ទី ២០ កុម្ភៈ ២០១៥។ RFA/Rann Samnang
លោក ហូរ វ៉ាន់ តំណាងរាស្ត្រ​គណបក្ស​សង្គ្រោះជាតិ (រូប​កណ្ដាល) ចេញ​ទទួល​ញត្តិ​របស់​យុវជន និង​សង្គម​ស៊ីវិល នៅ​ថ្ងៃ​ទី ២០ កុម្ភៈ ២០១៥។ RFA/Rann Samnang

ទោះ​ជា​បែប​ណា​ក្តី ក្រសួង​រ៉ែ និង​ថាមពល បាន​ប្រមូល​ស្នាម​មេដៃ​បុគ្គលិក​ជាច្រើន​នាក់ ដោយ​គាំទ្រ​ចំណាត់​ការ​រាជ​រដ្ឋាភិបាល​ឲ្យ​បណ្ដេញ លោក អាឡិកហ្សង់ដ្រូ ហ្គន់ហ្សាឡេស ដេវិតសឹន ចេញ​ពី​ប្រទេស​កម្ពុជា។ បុគ្គលិក​ក្រសួង​រ៉ែ និង​ថាមពល​មួយ​ចំនួន ជា​អ្នក​ធ្វើ​ការ​ឲ្យ​ក្រុមហ៊ុន​សាវ៉ាក់ (SAVAC) ដែល​ទទួល​បន្ទុក​ម៉ៅការ​សិក្សា​ផល​ប៉ះពាល់​ពី​គម្រោង​វារីអគ្គិសនី​ស្ទឹង​ឆាយ​អារ៉ែង របស់​ក្រុមហ៊ុន​ចិន ស៊ីណូ ហាយដ្រូ (Sino Hydro)។

មន្ត្រី​អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ ប្រាប់​វិទ្យុ​អាស៊ីសេរី នៅ​ថ្ងៃ​ទី​១៩ ខែ​កុម្ភៈ ថា សមត្ថកិច្ច​មិន​មែន​ទៅ​សំពះ​អង្វរ​ឲ្យ លោក អាឡិក ចាក​ចេញ​ពី​កម្ពុជា នោះ​ឡើយ។ ជន​ណា​ក៏ដោយ​ឲ្យ​តែ​ធ្វើ​ខុស​ច្បាប់ គឺ​មាន​វិធានការ​ហើយ។ ច្បាប់​មាន​ចរិត​បង្ខំ ច្បាប់​មិន​ថ្វាយ​បង្គំ​សុំ​ឲ្យ អាឡិក ចេញ​នោះ​ទេ។

ស្ថាបនិក​អង្គការ​ចលនា​មាតា​ធម្មជាតិ លោក អាឡិក បាន​ចូល​រស់នៅ​ក្នុង​ប្រទេស​កម្ពុជា តាំង​ពី​ឆ្នាំ​២០០៦ ដោយ​លោក​កាន់​ទិដ្ឋាការ​ការងារ​ដែល​មាន​សុពលភាព​រយៈពេល ១​ឆ្នាំ។ អ្នក​ជំនាញ​ផ្នែក​នយោបាយ​មួយ​ចំនួន​ផ្តល់​យោបល់​ថា ការ​បណ្ដេញ លោក អាឡិក ចេញ​ពី​ស្រុក​ខ្មែរ នឹង​កាន់​តែ​ធ្វើ​ឲ្យ​គណបក្ស​ប្រជាជន​កម្ពុជា ខាត​សំឡេង​គាំទ្រ​ពី​ប្រជាពលរដ្ឋ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (11)
Share

អ្នក​អាន​អនាមិក

He must be out of Cambodia as we need to spare some rooms for Vietnamese.

Feb 21, 2015 12:56 AM

Curse dictator Husein in hell

We know hydroelectric energy is produced by the force of falling water and the capacity to produce this energy is dependent on both the available and the height from which it falls .China is the 1st place in the world for hydroelectric power generation after Canada is 2nd place .Some hydroelectric dam do a good job does not pollute the water or the air with clean greenhouse gas and clean emission .However ,hydropower facilities can have large environment impacts by changing the enronment and affecting land use ,homes ,pple relocate , and natural habitual in the dam area "environment impacts of dam construction site " .You know what...the environment consequences of large dams are the one numerous and varied , and includes direct impacts to the biological ,chemical and physical properties of the rivers and riparian "or stream-side " environments .The dam wall itself block fish migrations,which in some cases and with some species completely separate spawning habitual from rearing habituals .The dam also traps sediment ,which are critical for maintaining physical processes and habitual downstream of the dam "include the maintenance of productive deltas ,barrier ,island , risks land slide ,fertile floodplains,disappearance species or migrate to neighboring countries and coastal wetlands" .Another significant and obvious impacts is the transformation upstream and downstream of the dam from a free flowing rivers eco-system to an artificial-slack-water reservoir habitual .Changing in temperature ,chemical composition ,dissolved oxygen levels and physical properties of a reservoir are often not suitable to the aquatic plants/animals that evolved with given river system .Indeed , the reservoirs often host non-native and invasive species like "snails ,algae ,predator fish "that further undermine the river's natural communities of plants/animals .Risks land slide ,large dams have led to the extinction of many fish and other aquatic species , the disappearance of birds in floodplains ,huge losses of forest ,wetland /farmland ,erosion of coastal deltas,many species disappearance+many other impacts .We know dams and reservoirs can be used to supply drinking water,generate hydroelectric power ,increase the water supply for irrigation ,provide recreation opportunities , and improve certain aspects of the environment .If its reservoir submerged a large area of land ,it could be force of thousands to million pple to relocate .Dam related relocation affects society in 3 ways such as an economic disaster , human trauma and social catastrophic .

Feb 20, 2015 07:54 PM

អ្នក​អាន​អនាមិក

មន្ត្រីរាជការក្រសួសរ៉ែនិងថាមពលសុទ្ទជាមនុស្សឆ្កួត ឬក្រុមយុវជននិងព្រះសង្ឃជាមនុស្សឡប់។

Feb 20, 2015 07:10 PM

អ្នក​អាន​អនាមិក

Hi Alex, we would like you to stay in Cambodia, but these corrupt government know only the money. Plz be safe.
PS: you can married to Cambodian woman and you can come back or become Cambodia. Look at those illegal Vietnamese, they don't even have resident permit, but they stay in Cambodia forever.

Feb 20, 2015 06:05 PM

Armagedon Hun Sen

Alex you'll be the best geoengineering in environmental field and we want to see Areng is the best greens mountain on earth and very attractive from tourism around the world .Sinohydro dam are not create jobs for many people...just make for their own company benefit with corrupt thugs govn't only .Most china hydraulic dam company expert just looking khmer' national resources in the name of development+billion cashes threw into dictator Husein hands and china scheme business can do whatever they want and forced hundreds of thousands pple from their houses and farmland .

Feb 20, 2015 03:21 PM

មើល​មតិ​ទាំង​អស់.

គេហទំព័រ​ទាំងមូល