កម្ពុជាអាចនឹងខ្វះទឹកប្រើប្រាស់រយៈពេល៦ខែនៅឆ្នាំ២០១៦ដោយសារបញ្ហារាំងស្ងួត
កសិករនៅឃុំព្រះបាទជាន់ជុំ ស្រុកគិរីវង់ ដើរពិនិត្យវាលស្រែប្រាំងកំពុងក្រៀមស្វិតថ្ងៃទី១៣ កុម្ភៈ ឆ្នាំ២០១៥។
RFA
កម្ពុជាអាចនឹងខ្វះទឹកប្រើប្រាស់ រយៈពេល៦ខែ ចាប់ពីដើមខែកុម្ភៈ រហូតដល់ពាក់កណ្ដាលខែកក្កដា ឆ្នាំ២០១៦ ដោយសារបញ្ហារាំងស្ងួត នេះបើយោងតាមការព្យាករណ៍ របស់ក្រសួងធនធានទឹក និងឧតុនិយម។
សារាចរណែនាំរបស់រដ្ឋាភិបាលកម្ពុជាចុះថ្ងៃទី២៣ ធ្នូ បានណែនាំដល់ក្រសួង ស្ថាប័នពាក់ព័ន្ធ និងអាជ្ញាធរគ្រប់ជាន់ថ្នាក់ ត្រូវថែរក្សាទឹកទុកឲ្យបានល្អ សម្រាប់ប្រើប្រាស់ប្រចាំថ្ងៃ រហូតដល់មានភ្លៀងធ្លាក់។
សារាចរដដែលនេះបញ្ជាក់ថា កសិករដែលធ្វើស្រូវប្រាំងនៅឆ្នាំ២០១៥-២០១៦ គឺអាចធ្វើបានតែ១ដងប៉ុណ្ណោះ។
ការព្យាករណ៍របស់ក្រសួងធនធានទឹក និងឧតុនិយម បង្ហាញថា បញ្ហារាំងស្ងួតនេះ ដោយសារកម្ពុជាទទួលរងនូវបាតុភូតអេលនីណូ (El Nino) ដែលអាចនឹងបង្កឲ្យរដូវវស្សាមកដល់យឺត ហើយដើមរដូវវស្សានឹងមានភ្លៀងធ្លាក់តិច មានបាតុភូតផ្គររន្ទះ ខ្យល់កន្ត្រាក់កើតឡើងច្រើនជាដើម។ ប៉ុន្តែចាប់ពីពាក់កណ្ដាលខែកក្កដា ភ្លៀងនឹងចាប់ផ្ដើមធ្លាក់វិញ ដោយសារមានបាតុភូតថ្មីឡានីណូ (La Nina) មានឥទ្ធិពលមកលើកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- លោក ហ៊ុន សែន ព្រមានបណ្ដេញអ្នកណាដែលមិនព្រមស្ម័គ្រចិត្តចាក់វ៉ាក់សាំងការពារជំងឺកូវីដ-១៩ ចេញពីក្របខ័ណ្ឌមន្រ្តីរាជការ
- អ្នកឃ្លាំមើលសិទ្ធិការងារថា ការព្រមានបញ្ឈប់កម្មករដោយសារមិនព្រមចាក់វ៉ាក់សាំង គឺខុសនឹងគោលការណ៍ស្ម័គ្រចិត្ត
- លោក សម រង្ស៊ី ថាកត្តាប្រសិទ្ធភាពនិងសុវត្ថិភាពទើបលោកគាំទ្រឲ្យពលរដ្ឋខ្មែរនាំគ្នាចាក់វ៉ាក់សាំងចិន
- អ្នកឧបត្ថម្ភថវិកាឱ្យមន្ទីរពេទ្យស្ត្រីនគរទេពមិនពេញចិត្តការទិញលក់មន្ទីរពេទ្យនេះ
- ប៉ូលិសខេត្តបាត់ដំបង រងការចោទប្រកាន់ថា ធ្វើទារុណកម្មជនសង្ស័យម្នាក់រហូតដល់ស្លាប់
