អនុរក្ស​ពន្ធនាគារ មិន​ទាន់​​អនុញ្ញាត​ឲ្យ​សាច់ញាតិ​​ចូល​សួរ​សុខ​ទុក្ខ​កញ្ញា សូ មេត្តា

ដោយ មួង ណារ៉េត
2020-09-10
អ៊ីម៉ែល
មតិ
Share
បោះពុម្ព
កញ្ញា សូ មេត្តា សមាជិក​យុវជន​ខ្មែរ​ថាវរៈ ពេល​ធ្វើ​បាតុកម្ម​នៅ​រាជធានី​ភ្នំពេញ មុន​ពេល​ចាប់​ខ្លួន នៅ​ថ្ងៃ​ទី៧ ខែ​កញ្ញា ឆ្នាំ២០២០ និង​ខាង​ស្ដាំ ថត​នៅ​ពេល​ហែ​ក្បួន​តវ៉ា កាល​ពី​ខែ​កក្កដា ឆ្នាំ២០២០។
កញ្ញា សូ មេត្តា សមាជិក​យុវជន​ខ្មែរ​ថាវរៈ ពេល​ធ្វើ​បាតុកម្ម​នៅ​រាជធានី​ភ្នំពេញ មុន​ពេល​ចាប់​ខ្លួន នៅ​ថ្ងៃ​ទី៧ ខែ​កញ្ញា ឆ្នាំ២០២០ និង​ខាង​ស្ដាំ ថត​នៅ​ពេល​ហែ​ក្បួន​តវ៉ា កាល​ពី​ខែ​កក្កដា ឆ្នាំ២០២០។
រូប៖ ហ្វេសប៊ុក

អាជ្ញាធរ​​ពន្ធនាគារ​មិន​ ​អនុញ្ញាត​ឲ្យ​សាច់ញាតិ​ចូល​សួរ​សុខ​ទុក្ខ​កញ្ញា​​ សូ មេត្តា ទេ នៅ​ថ្ងៃ​ទី​១០ កញ្ញា ដោយសារ​​កញ្ញា​កំពុងជាប់​​ធ្វើ​ចត្តាឡឺស័ក រយៈ​ពេល ​១៤​ថ្ងៃ​សិន។

ប្អូន​ស្រី សូ មេត្តា គឺកញ្ញា អេង​ វ៉ាន់ឌី ឲ្យ​ដឹង​ថា អាជ្ញាធរ​មិន​បាន​អនុញ្ញាត​ឱ្យ​កញ្ញា​ចូល​ជួប​បងស្រីទេ ប៉ុ​ន្តែ​​បាន​អនុញ្ញាត​ឲ្យ​ទិញ​ម្ហូប​អាហារ​ពី​ម៉ាត (Mart) ក្នុង​បរិវេណ​ពន្ធនាគារ​ និង​​អាច​ផ្ញើ​លុយ​ឲ្យ​កញ្ញា សូ មេត្តា​ បាន។ កញ្ញា​សោកស្ដាយ ដែល​មិន​បាន​ជួប​សួរ​សុខ​ទុក្ខ​បងស្រី ប៉ុន្តែ​កញ្ញា នឹង​ដាក់​ពាក្យ​ស្នើសុំ​ជួប​ម្ដង​ទៀត នៅ​ចុង​ខែ​កញ្ញា​នេះ គឺ​​រយៈ​ពេល​ ១៤​ថ្ងៃ​ក្រោយ៖ «សោកស្ដាយ​ដែល ​បង​ខ្លួន​ឯង ជាប់​ពន្ធនាគារ​ហើយ មិន​បាន​សួរ​សុខ​ទុក្ខ និង​មិន​ដឹង​ស្ថានភាព​គាត់​យ៉ាង​ម្ដេច

នគរបាល​រាជធានី​ភ្នំពេញ បាន​ចាប់​ខ្លួន​កញ្ញា សូ មេត្តា កាល​ពី​ល្ងាច​ថ្ងៃ​ទី៧ កញ្ញា នៅ​​ខណ្ឌ​ច្បារ​អំពៅ ហើយ​បញ្ជូន​​ទៅ​តុលាការ​ ដោយ​ចោទ​ប្រកាន់​ពី​បទ​ញុះញង់​បង្ក​ភាព​វឹកវរ​ធ្ងន់ធ្ងរ ​ដល់​សន្តិសុខ​សង្គម។ ការ​ចាប់​ខ្លួន​នេះ ​ក្រោយ​ពេល​កញ្ញា សូ មេត្តា ​និង​យុវជន​ដទៃ​ទៀត ព្យាយាម​ប្រមូល​ផ្ដុំ​គ្នា​​តវ៉ា​សម្ដែង​មតិ នៅ​ទីលាន​ប្រជាធិបតេយ្យ​ថ្មី នៅ​ខណ្ឌ​ឫស្សីកែវ។ ប៉ុន្តែ​គម្រោង​នេះ​បាន​បរាជ័យ​ ដោយសារ​ការរារាំង​ពី​អាជ្ញាធរ។ គិត​ពី​ចុង​ខែកក្កដា រហូត​ដល់​ថ្ងៃ​ទី៩ កញ្ញា របប​លោក ហ៊ុន សែន បាន​ចាប់​ខ្លួន​សកម្មជន អ្នកនយោបាយ និង​យុវជន​ដាក់​ពន្ធនាគារ​ចំនួន ​១៦នាក់​ហើយ ស្រប​ពេល​មន្ត្រី​បក្ស​សង្គ្រោះ​ជាតិ​ម្នាក់​ ត្រូវ​តុលាការ​ខេត្ត​កំពត​កាត់​ទោស​ឱ្យ​ជាប់​ពន្ធនាគារ​ ៥ឆ្នាំ​ ពី​បទ​រួម​គំនិត​ក្បត់៕

 

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
Share
គេហទំព័រ​ទាំងមូល