CCHR៖ កម្ពុជា​ជា​ប្រទេស​ដែល​គ្រោះថ្នាក់​ក្នុង​ការ​ធ្វើ​ជា​អ្នក​ដឹក​នាំ​សហជីព

មជ្ឈមណ្ឌល​សិទ្ធិ​មនុស្ស​កម្ពុជា (CCHR) បាន​ចេញ​សលាកបត្រ​ព័ត៌មាន​នៅ​ថ្ងៃ​ទី​៣១ មករា បាន​សរសេរ​ថា កម្ពុជា ជា​ប្រទេស​ដែល​គ្រោះថ្នាក់​ក្នុង​ការ​ធ្វើ​ជា​អ្នក​ដឹក​នាំ​សហជីព ហើយ​ជា​ញឹកញាប់ សមាជិក​សហជីព​តែង​តែ​ប្រឈម​នឹង​ហិង្សា និង​ការ​ចាប់​ខ្លួន​ជុំវិញ​សកម្មភាព​របស់​ខ្លួន​នៅ​ក្នុង​បរិយាកាស​និទ្ទណ្ឌភាព។
ដោយ ទីន ហ្សាការីយ៉ា
2014.01.31
Share on WhatsApp
Share on WhatsApp
រ៉ុង ឈុន កម្មករ ៦១០ ប្រធាន​សហភាព​សហជីព​កម្ពុជា និង​ជា​ប្រធាន​សមាគម​គ្រូបង្រៀន​កម្ពុជា​ឯករាជ្យ លោក រ៉ុង ឈុន ដឹកនាំ​កម្មករ​ហែ​ក្បួន​បាតុកម្ម​នា​រាជធានី​ភ្នំពេញ នៅ​ថ្ងៃ​ទី​២៦ ធ្នូ ឆ្នាំ​២០១៣។
RFA/Mom Sophon

នៅ​ក្នុង​សលាកបត្រ​នោះ​បាន​រៀប​រាប់​ថា ចំពោះ​ស្ថានភាព​នៃ​សេរីភាព​បង្កើត​សហជីព សមាគម កម្ពុជា កំពុង​តែ​ប្រឈម​ខ្លាំង ជាពិសេស​វិស័យ​កាត់​ដេរ​ដែល​ជា​ប្រភព​ចំណូល​តាម​រយៈ​ការ​នាំ​ចេញ​ដ៏​ធំ​បំផុត​របស់​កម្ពុជា ត្រូវ​បាន​ញាំញី​ដោយ​ការ​មិន​គោរព និង​ការ​រំលោភ​បំពាន​ជាច្រើន​លើ​សិទ្ធិ​សេរីភាព​ខាង​បង្កើត​សមាគម។

កូដកម្ម និង​បាតុកម្ម​នានា ដែល​ដឹក​នាំ​សហជីព ជា​រឿយៗ​ត្រូវ​បាន​បំបែក​ដោយ​ហិង្សា​ពី​អាជ្ញាធរ​រដ្ឋាភិបាល និង​មាន​ការ​ប្រើប្រាស់​គ្រាប់​រំសេវ​បណ្ដាល​ឲ្យ​គ្រោះថ្នាក់​ដល់​ជីវិត​កើត​ឡើង​ជាទូទៅ។ ក្រៅ​ពី​នេះ​ទៀត សមាជិក​សហជីព​ក៏​ប្រឈម​នឹង​ការ​គំរាម​សម្លាប់ ដោយសារ​តែ​សកម្មភាព​របស់​ខ្លួន។ រោងចក្រ​មួយ​ចំនួន​កំពុង​ចាត់​វិធាន​ការ​ផ្លូវ​ច្បាប់ ដែល​ពួក​គេ​បាន​ធ្វើ​បាតុកម្ម​ប្រឆាំង​នឹង​រដ្ឋាភិបាល។ ក្នុង​រយៈពេល ១០​ឆ្នាំ​កន្លង​ទៅ​នេះ មេ​ដឹក​នាំ​សហជីព​ចំនួន ៣​នាក់ ត្រូវ​បាន​ឃាតក​បាញ់​សម្លាប់ រួម​មាន លោក ជា វិជ្ជា លោក រស់ សុវណ្ណារ៉េត និង​លោក ហ៊ី វុទ្ធី។ រហូត​មក​ទល់​ពេល​នេះ ឃាតក​នៅ​ក្រៅ​សំណាញ់​ច្បាប់​នៅ​ឡើយ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។