គណបក្សនយោបាយចំនួន៩ ត្រូវក្រសួងមហាផ្ទៃប្តឹងរំលាយចោល
2017.08.29
នាយករដ្ឋមន្ត្រីស្តីទី និងជារដ្ឋមន្ត្រីក្រសួងមហាផ្ទៃ លោក ស ខេង ថ្លែងក្នុងពិធីប្រកាសផ្ទេរភារកិច្ច និងតែងតាំងមុខតំណែងអភិបាលថ្មីខេត្តកំពត នាសាលាខេត្តកំពត នៅព្រឹកថ្ងៃទី២២ ខែមីនា ឆ្នាំ២០១៦។
RFA
គណបក្សចំនួន៩ ដែលស្ទើរតែមិនឃើញបង្ហាញសកម្មភាពរបស់ខ្លួនក្នុងឆាកនយោបាយ ត្រូវរដ្ឋមន្ត្រីក្រសួងមហាផ្ទៃ ប្រកាសប្តឹងរំលាយចោល ដោយចោទប្រកាន់ថាបានប្រព្រឹត្តល្មើសច្បាប់គណបក្សនយោបាយ ព្រោះមិនបានផ្ញើរបាយការណ៍ប្រចាំឆ្នាំរបស់ខ្លួនមកក្រសួងមហាផ្ទៃ ហើយកំពុងជាប់បណ្តឹងនៅសាលាដំបូងរាជធានីភ្នំពេញ។
លិខិតរបស់លោក ស ខេង រដ្ឋមន្ត្រីក្រសួងមហាផ្ទៃ ចុះថ្ងៃទី២៩ ខែសីហា បង្ហាញថា ក្នុងចំណោមគណបក្សទាំងនោះ គឺគណបក្សស្ត្រីសង្គ្រោះកម្ពុជា គណបក្សប្រជាជាតិខ្មែរ គណបក្សពលរដ្ឋខ្មែរពន្លឺសេរីភាពលោក ថាច់ រ៉េង និងគណបក្សសេរីបង្រួបបង្រួមជាតិ បានប្រព្រឹត្តល្មើសច្បាប់គណបក្សនយោបាយ ព្រោះមិនបានផ្ញើរបាយការណ៍ប្រចាំឆ្នាំរបស់ខ្លួនមកក្រសួងមហាផ្ទៃ។
ទន្ទឹមនឹងនេះ សាលាដំបូងរាជធានីភ្នំពេញ ក៏បានចេញសាលក្រមផ្អាកសកម្មភាពបណ្ដោះអាសន្នគណបក្សចំនួន៤ ក្នុងចំណោម ៩ រួមមាន គណបក្សនាងនាគនារីខ្មែរ គណបក្សពលរដ្ឋខ្មែរពន្លឺសេរីភាពលោក ថាច់ រ៉េង គណបក្សសេរីបង្រួបបង្រួមជាតិ គណបក្សស្ត្រីសង្គ្រោះកម្ពុជា។
លិខិតដដែលរបស់លោក ស ខេង ឲ្យដឹងទៀតថា មកដល់ពេលនេះ គណបក្សនយោបាយទាំងនេះមិនបានបំពេញកាតព្វកិច្ចក្នុងការបំពេញបែបបទរបស់ខ្លួនមកក្រសួង ដូចមានចែងនៃច្បាប់វិសោធនកម្មច្បាប់គណបក្សនយោបាយ។
អាស៊ីសេរី មិនអាចសុំការបំភ្លឺបន្ថែមពីអ្នកនាំពាក្យក្រសួងមហាផ្ទៃ លោក ខៀវ សុភ័គ ជុំវិញបញ្ហានេះបានទេនៅថ្ងៃទី២៩ សីហា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ហ៊ុន សែន បញ្ចេញសារសំឡេង ដែលប៉ុនប៉ងធ្វើឃាតលោក
- លោក ហ៊ុន សែន និងលោក សេង សារី បន្តឆ្លើយឆ្លងគ្នាលើបណ្ដាញសង្គមពាក់ព័ន្ធសារបែកធ្លាយ
- លោក ហ៊ុន សែន ថា មានអ្នកប៉ុនប៉ងសម្លាប់លោក ដោយប្រើយន្តហោះដ្រូន ខណៈបក្សប្រឆាំងថា ជារឿងប្រឌិត
- លោក ហ៊ុន ម៉ាណែត ជះលុយជិត ២លានដុល្លារឱ្យក្រុមហ៊ុនហ្វេសប៊ុកផ្សព្វផ្សាយសកម្មភាពរបស់លោកក្នុងរយៈពេល ៣ឆ្នាំ
- តុលាការថា នឹងដកហូតទ្រព្យសម្បត្តិលោក រ៉ុង ឈុន និងសកម្មជនពីរនាក់ទៀត បើគ្មាន ១០ម៉ឺនដុល្លារបង់ទៅឱ្យដើមបណ្ដឹង
អត្ថបទពេញនិយម
នយោបាយ
- ពលរដ្ឋខ្មែរនៅជប៉ុនបាតុកម្មជំរុញឱ្យរដ្ឋាភិបាលប្តឹងទាមទារចំណែកកម្ពុជានៅលើកោះគជ់
- ការព្រមានរបស់ចិនបង្ក្រាបសំឡេងរិះគន់ទំនាក់ទំនងកម្ពុជា-ចិន «ដើម្បីការពារអំណាចផ្ដាច់ការទៅវិញទៅមក»
- បណ្ដាញយុវជនកម្ពុជានៅជប៉ុនទាមទារឱ្យលោក ហ៊ុន ម៉ាណែត ចុះចេញពីតំណែងនាយករដ្ឋមន្ត្រី
- លោក ស៊ន តារា បន្តរិះគន់លោក ហ៊ុន សែន ដែលចាប់ឪពុកលោកធ្វើជាចំណាប់ខ្មាំង
- មន្ត្រីជាន់ខ្ពស់គណបក្សប្រជាជនកម្ពុជាទទួលស្គាល់ថា ការតែងតាំងកូនស្នងឪពុក ជារបៀបសន្តតិវង្ស