តុលាការត្បូងឃ្មុំដោះលែងអ្នកគាំទ្របក្សប្រឆាំងម្នាក់ទៀត ក្រោយឃុំគាត់គ្រប់មួយឆ្នាំ
2022.01.27
អ្នកស្រី ខន ទន (កាន់ក្រដាស) សកម្មជនគណបក្សសង្គ្រោះជាតិ ពេលចេញពីពន្ធនាគារខេត្តត្បូងឃ្មុំ នៅថ្ងៃទី២៧ ខែមករា ឆ្នាំ២០២២។
រូប៖ លោក ស៊ូ យាន
តុលាការខេត្តត្បូងឃ្មុំសម្រេចដោះលែងសមាជិកក្រុមស្ត្រីថ្ងៃសុក្រ និងជាអ្នកគាំទ្រគណបក្សសង្គ្រោះជាតិ លោកស្រី ខន ទន់ ឱ្យមានសេរីភាពវិញហើយ នៅថ្ងៃទី ២៧ មករា នេះ ក្រោយពីឃុំឃាំងគាត់ក្នុងពន្ធនាគារគ្រប់ចំនួនកំណត់រយៈពេលមួយឆ្នាំ។
លោកស្រី ខន ទន់ ថ្លែងប្រាប់វិទ្យុអាស៊ីសេរីក្រោយចេញពីពន្ធនាគារថា ការចាប់ឃុំខ្លួន និងផ្ដន្ទាទោសលោកស្រី គឺជារឿងអយុត្តិធម៌ និងជារឿងគួរឱ្យឈឺចាប់។ លោកស្រីអះអាងថា លោកស្រីមិនបានប្រព្រឹត្តបទល្មើសដូចការចោទប្រកាន់របស់អាជ្ញាធរ និងតុលាការនោះឡើយ ហើយសកម្មភាពរបស់លោកស្រីកន្លងមក គឺជាការអនុវត្តសិទ្ធិសេរីភាពស្របតាមច្បាប់ជាតិ និងអន្តរជាតិ។
អាជ្ញាធរបានចាប់ខ្លួនលោកស្រី ខន ទន់ កាលពីថ្ងៃទី២៦ មករា ឆ្នាំ២០២១ នៅរាជធានីភ្នំពេញ ដោយសារតែលោកស្រីតែងចូលរួមតវ៉ាដោយសន្តិវិធីជាមួយក្រុមស្ត្រីថ្ងៃសុក្រ ដើម្បីទាមទារឱ្យអាជ្ញាធរដោះលែងសកម្មជនគណបក្សសង្គ្រោះជាតិដែលកំពុងជាប់ឃុំ។ តុលាការខេត្តត្បូងឃ្មុំបានផ្ដន្ទាទោសលោកស្រីដាក់ពន្ធនាគារមួយឆ្នាំ និងពិន័យជាប្រាក់ចំនួន ២លានរៀល ពីបទ «សមគំនិតក្នុងអំពើញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម»។
ទោះជាធ្លាប់ជាប់ពន្ធនាគារយ៉ាងនេះក្ដី លោកស្រី ខន ទន់ ដែលជាពលរដ្ឋខេត្តត្បូងឃ្មុំ អះអាងថា លោកស្រីនឹងមិនបោះបង់ចោលសកម្មភាពតវ៉ាដោយសន្តិវិធីជាមួយក្រុមស្ត្រីថ្ងៃសុក្រ ដើម្បីទាមទារយុត្តិធម៌សង្គមនោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
រឿងដែលគេអានច្រើនបំផុត
RFA
- លោក ហ៊ុន សែន បន្តឌឺដងដាក់សហភាពអឺរ៉ុបរឿងដក EBA
- ក្រសួងមហាផ្ទៃព្រមានថា ការតែងតាំងលោក សុន ឆ័យ ជាអនុប្រធានបក្សភ្លើងទៀនមានភាពមិនប្រក្រតី
- ថ្នាក់ដឹកនាំបក្សភ្លើងទៀនជួបឯកអគ្គរដ្ឋទូតសហភាពអឺរ៉ុបជជែកពីរឿងបោះឆ្នោត និងលទ្ធិប្រជាធិបតេយ្យនៅកម្ពុជា
- អ្នកសារព័ត៌មានអាជីពម្នាក់ប្រឡូកចូលនយោបាយឈរឈ្មោះជាបេក្ខជនមេឃុំដើម្បីចង់ដោះស្រាយបញ្ហានៅមូលដ្ឋាន
- យុទ្ធនាការឃោសនាបោះឆ្នោតឃុំសង្កាត់ថ្ងៃទី៣ របស់គណបក្សនយោបាយហាក់ស្ងប់ស្ងាត់
រឿងដែលគេអានច្រើនបំផុត
នយោបាយ
- លោក ហ៊ុន សែន បន្តឌឺដងដាក់សហភាពអឺរ៉ុបរឿងដក EBA
- ក្រសួងមហាផ្ទៃព្រមានថា ការតែងតាំងលោក សុន ឆ័យ ជាអនុប្រធានបក្សភ្លើងទៀនមានភាពមិនប្រក្រតី
- ថ្នាក់ដឹកនាំបក្សភ្លើងទៀនជួបឯកអគ្គរដ្ឋទូតសហភាពអឺរ៉ុបជជែកពីរឿងបោះឆ្នោត និងលទ្ធិប្រជាធិបតេយ្យនៅកម្ពុជា
- អ្នកសារព័ត៌មានអាជីពម្នាក់ប្រឡូកចូលនយោបាយឈរឈ្មោះជាបេក្ខជនមេឃុំដើម្បីចង់ដោះស្រាយបញ្ហានៅមូលដ្ឋាន
- យុទ្ធនាការឃោសនាបោះឆ្នោតឃុំសង្កាត់ថ្ងៃទី៣ របស់គណបក្សនយោបាយហាក់ស្ងប់ស្ងាត់