ក្រសួងការបរទេសប្រដូចប្រតិកម្មរបស់អង្គទូតបរទេសក្នុងរឿងចាប់ខ្លួនលោក ថាច់ សេដ្ឋា ថា ជាការជ្រៀតជ្រែកផ្ទៃក្នុងកម្ពុជា
2023.01.22
លោក ប្រាក់ សុខុន រដ្ឋមន្ត្រីក្រសួងការបរទេសកម្ពុជា និងលោក អែនតូនី ប្ល៊ីងខិន (Antony J.Blinken) រដ្ឋមន្រ្តីការបរទេសសហរដ្ឋអាមេរិក នៅក្នុងជំនួបមួយកាលពីខែឧសភា ឆ្នាំ២០២២។
រូប៖ ក្រសួងការបរទេសកម្ពុជា
ក្រសួងការបរទេសកម្ពុជាបានបញ្ចេញប្រតិកម្មឆ្លើយតបនឹងស្ថានទូតអាមេរិកថា មធ្យោបាយដ៏ល្អបំផុតក្នុងការធានាឯករាជ្យសម្រាប់កម្ពុជា គឺការមិនជ្រៀតជ្រែកចូលកិច្ចការផ្ទៃក្នុង ឬការគាំទ្រភាគីម្ខាងប្រឆាំងនឹងភាគីម្ខាងទៀត។ ក្រសួងបន្ថែមទៀតថា លទ្ធិប្រជាធិបតេយ្យ និងសិទ្ធិត្រូវតែភ្ជាប់មកជាមួយនូវកាតព្វកិច្ចតាមផ្លូវច្បាប់ ហើយការមិនគោរពកាតព្វកិច្ចទាំងនោះនឹងនាំមកនូវផលវិបាកតាមផ្លូវច្បាប់។ នេះបើតាមការចេញផ្សាយរបស់ប្រព័ន្ធឃោសនារបស់លោក ហ៊ុន សែន នៅថ្ងៃទី២១ ខែមករានេះ។
ប្រតិកម្មរបស់ក្រសួងការបរទេសកម្ពុជានេះ គឺបន្ទាប់ពីស្ថានទូតសហរដ្ឋអាមេរិកបានជំរុញឱ្យអាជ្ញាធរកម្ពុជាពង្រឹងលទ្ធិប្រជាធិបតេយ្យសេរីពហុបក្ស ដោយអនុញ្ញាតឱ្យមានទស្សនៈនយោបាយផ្ទុយ ជំរុញការប្រកួតប្រជែងតាមរយៈការបោះឆ្នោតដោយសេរី និងយុត្តិធម៌សម្រាប់ភាគីទាំងអស់ ព្រមទាំងលើកកម្ពស់ការផ្លាស់ប្ដូរគំនិតយោបល់ដោយសេរី និងបើកចំហ។ ជាមួយគ្នានេះ ស្ថានទូតសហរដ្ឋអាមេរិកក៏ជំរុញឱ្យរដ្ឋាភិបាលកម្ពុជាបើកឱ្យមានសេរីភាពនៃការប្រមូលផ្ដុំ និងការចងក្រងជាសមាគម ព្រមទាំងបើកឱ្យសង្គមស៊ីវិល និងប្រព័ន្ធផ្សព្វផ្សាយបំពេញការងាររបស់ខ្លួនបានដោយសេរីផងដែរ។
ស្ថានទូតសហរដ្ឋអាមេរិកបញ្ចេញសារទាំងនេះ ក្រោយពីអាជ្ញាធររដ្ឋាភិបាលលោក ហ៊ុន សែន បានចាប់ខ្លួន លោក ថាច់ សេដ្ឋា អនុប្រធានគណបក្សភ្លើងទៀន ដាក់ពន្ធនាគារកាលពីសប្ដាហ៍មុន ដែលគេមើលឃើញជាទូទៅថា ករណីនេះជាការធ្វើទុក្ខបុកម្នេញលើអ្នកនយោបាយប្រឆាំងមុនការបោះឆ្នោត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ហ៊ុន សែន និងលោក សេង សារី បន្តឆ្លើយឆ្លងគ្នាលើបណ្ដាញសង្គមពាក់ព័ន្ធសារបែកធ្លាយ
- លោក ហ៊ុន សែន ថា មានអ្នកប៉ុនប៉ងសម្លាប់លោក ដោយប្រើយន្តហោះដ្រូន ខណៈបក្សប្រឆាំងថា ជារឿងប្រឌិត
- លោក ហ៊ុន ម៉ាណែត ជះលុយជិត ២លានដុល្លារឱ្យក្រុមហ៊ុនហ្វេសប៊ុកផ្សព្វផ្សាយសកម្មភាពរបស់លោកក្នុងរយៈពេល ៣ឆ្នាំ
- តុលាការថា នឹងដកហូតទ្រព្យសម្បត្តិលោក រ៉ុង ឈុន និងសកម្មជនពីរនាក់ទៀត បើគ្មាន ១០ម៉ឺនដុល្លារបង់ទៅឱ្យដើមបណ្ដឹង
- ពលរដ្ឋខ្មែរនៅជប៉ុនបាតុកម្មជំរុញឱ្យរដ្ឋាភិបាលប្តឹងទាមទារចំណែកកម្ពុជានៅលើកោះគជ់
អត្ថបទពេញនិយម
នយោបាយ
- ការព្រមានរបស់ចិនបង្ក្រាបសំឡេងរិះគន់ទំនាក់ទំនងកម្ពុជា-ចិន «ដើម្បីការពារអំណាចផ្ដាច់ការទៅវិញទៅមក»
- លោក ហ៊ុន សែន បញ្ចេញសារសំឡេង ដែលប៉ុនប៉ងធ្វើឃាតលោក
- បណ្ដាញយុវជនកម្ពុជានៅជប៉ុនទាមទារឱ្យលោក ហ៊ុន ម៉ាណែត ចុះចេញពីតំណែងនាយករដ្ឋមន្ត្រី
- លោក ហ៊ុន សែន ធ្វើទស្សនកិច្ចនៅឡាវ ដើម្បីរឹតចំណងមិត្តភាព និងពង្រឹងអំណាចរវាងបក្សនៃប្រទេសទាំងពីរ
- មេដឹកនាំបក្សប្រឆាំងអំពាវនាវអ្នកប្រជាធិបតេយ្យងាកមកលាតត្រដាងបញ្ហាកោះគជ់ និងឃាតកម្មលើលោក លិម គិមយ៉ា