កម្ពុជា​នៅ​មិន​ទាន់​ស្នើ​ថៃ​ដកទ័ព​ចេញ​ពី​តំបន់​ប្រាសាទ​ព្រះវិហារ

ដោយ វណ្ណ វិចារ
2014-09-01
អ៊ីម៉ែល
មតិ
Share
បោះពុម្ព
រដ្ឋមន្ត្រី​ក្រសួង​ការពារ​ជាតិ​កម្ពុជា លោក ទៀ បាញ់ (ឆ្វេង) ទទួល​ស្វាគមន៍​ប្រមុខ​យោធា​ថៃ លោកតាណាសក្តិ ប៉ាទីម៉ាប្រាកន (Natasak Patimapragorn) នា​ទីស្ដីការ​ក្រសួង​ការពារ​ជាតិ​កម្ពុជា នៅ​ថ្ងៃ​ទី​១ កញ្ញា ២០១៤។
រដ្ឋមន្ត្រី​ក្រសួង​ការពារ​ជាតិ​កម្ពុជា លោក ទៀ បាញ់ (ឆ្វេង) ទទួល​ស្វាគមន៍​ប្រមុខ​យោធា​ថៃ លោកតាណាសក្តិ ប៉ាទីម៉ាប្រាកន (Natasak Patimapragorn) នា​ទីស្ដីការ​ក្រសួង​ការពារ​ជាតិ​កម្ពុជា នៅ​ថ្ងៃ​ទី​១ កញ្ញា ២០១៤។
RFA/Van Vichar

កម្ពុជា ​នៅ​តែ​មិន​ស្នើ​ថៃ ​ដកទ័ព​ចេញ​ពី​តំបន់​ប្រាសាទ​ព្រះវិហារ ​ឡើយ។ នេះ​ជា​ការ​អះអាង​របស់​រដ្ឋមន្ត្រី​ក្រសួង​ការពារ​ជាតិ លោក ទៀ បាញ់ ក្នុង​​ពេល​ដែល​លោក​ជួប​សវនាការ​ជាមួយ​មេទ័ព​ថ្មី​របស់​ថៃ គឺ​លោក តាណាសក្តិ ប៉ាទីម៉ាប្រាកន (Natasak Patimapragorn) នា​ទីស្ដីការ​ក្រសួង​ការពារ​ជាតិ​កម្ពុជា នៅ​ថ្ងៃ​ទី​១ ខែ​កញ្ញា។

ដំណើរ​ទស្សនកិច្ច​របស់​ប្រមុខ​យោធា​ថៃ មក​កាន់​កម្ពុជា​ ពេល​នេះ គឺ​ធ្វើ​ឡើង​ដើម្បី​ស្នើ​សុំ​ការ​​ទទួល​ស្គាល់​រដ្ឋាភិបាល​ថ្មី​របស់​ថៃ ដែល​មេ​រដ្ឋ​ប្រហារ​យោធា លោក ប្រាយុទ្ធ ចាន់អូចា (Brayuth Chan Ocha) ទើប​ត្រូវ​បាន​សភា​ថៃ បោះ​ឆ្នោត​ឲ្យ​ធ្វើ​នាយករដ្ឋមន្ត្រី​កាល​ពី​ខែ​សីហា កន្លង​ទៅ។ ភាគី​ថៃ ​បាន​ស្នើ​ឲ្យ​កម្ពុជា យោគយល់​នយោបាយ​ផ្ទៃ​ក្នុង​ថៃ ហើយ​បន្ត​កិច្ច​សហប្រតិបត្តិការ​ក្នុង​នាម​ជា​ប្រទេស​ជិត​ខាង​ល្អ។ ក៏​ប៉ុន្តែ ​កម្ពុជា មិន​បាន​ស្នើ​ឲ្យ​ភាគី​ថៃ ដកទ័ព​ចេញ​ពី​តំបន់​​ប្រាសាទ​ព្រះវិហារ តាម​ដីកា​បង្គាប់​របស់​តុលាការ​អន្តរជាតិ​ទីក្រុង​ឡាអេ ​នោះ​ទេ។

រដ្ឋមន្ត្រី​ក្រសួង​ការពារ​ជាតិ លោក ទៀ បាញ់ មាន​ប្រសាសន៍​ប្រាប់​អ្នក​កាសែត​ថា ភាគី​ថៃ ​​សន្យា​រដ្ឋ​សន្តិសុខ​នៅ​តាម​ព្រំដែន និង​សន្យា​ថែ​រក្សា​ការពារ​ពលករ​ខ្មែរ​ដែល​កំពុង​ធ្វើ​ការងារ​នៅ​ប្រទេស​ថៃ ដោយ​យក​ចិត្ត​ទុក​ដាក់ រួម​មាន​ការ​ផ្ដល់​សេវា​សុខាភិបាល និង​សេវា​អប់រំ​សម្រាប់​កូនៗ​ពលករ​ខ្មែរ ​ជាដើម។ លោក​បន្ត​ថា កម្ពុជា​ និង​ថៃ ក៏​ជជែក​គ្នា​ពី​បញ្ហា​មួយ​ចំនួន​ទាក់ទិន​នឹង​ព្រំដែន​នៃ​ប្រទេស​ទាំង​ពីរ​ដែរ ហើយ​ចំណុច​ដែល​ពិភាក្សា​មិន​ទាន់​ត្រូវរ៉ូវ​គ្នា​នោះ ​នឹង​បន្ត​ជជែក​គ្នា​នៅ​ពេល​ក្រោយ។

ចំពោះ​ការ​អនុវត្ត​សាលដីកា​រឿង​ព្រះវិហារ​ វិញ លោក ទៀ បាញ់ បញ្ជាក់​ថា លោក​មិន​អាច​ឆ្លើយ​ជួស​ថៃ ថា​នឹង​ដកទ័ព​ពេល​ណា​ទេ ហើយ​កម្ពុជា ក៏​មិន​បាន​លើក​រឿង​នេះ​ជជែក​ជាមួយ​ថៃ ​ដែរ៖ «អា​រឿង​ដក​រឿង​អី​ហ្នឹង​សុទ្ធតែ​សុទ្ធតែ​របស់​គេ​ទាំង​អស់ យើង​ឃើញ​ថា គេ​យល់​ទាំង​អស់​អ្វី​ដែល​គេ​ធ្វើ​ទៅ​ហើយ គេ​មិន​បាន​រំលឹក​ឡើង​វិញ ហើយ​អ្វី​ដែល​មិន​ទាន់​ធ្វើ​គេ​នឹង​ធ្វើ»

រដ្ឋមន្ត្រី​ក្រសួង​ការពារ​ជាតិ​កម្ពុជា បាន​ទៅ​ទស្សនកិច្ច​នៅ​ប្រទេស​ថៃ កាល​ពី​ចុង​ខែ​កក្កដា ហើយ​ក៏​គ្រោង​ពិភាក្សា​ជាមួយ​ថៃ ពី​បញ្ហា​ព្រះវិហារ​ដែរ ប៉ុន្តែ​ថៃ ​មិន​ព្រម​ជជែក​ទេ។ លោក​ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំហុង ក៏​ធ្លាប់​បញ្ជាក់​​ថា ការ​ពន្យារ​ជជែក​រឿង​ព្រះវិហារ ជាមួយ​ថៃ ជា​ការ​យោគយល់​របស់​កម្ពុជា។ ប៉ុន្តែ​លោក​ថា ​កម្ពុជា ​មិន​អាច​បណ្ដោយ​ឲ្យ​ភាគី​ថៃ ចេះ​តែ​ពន្យារ​ពេល​ក្នុង​បញ្ហា​នេះ​ទេ។

​ទាក់ទង​នឹង​សំណុំ​រឿង​ប្រាសាទ​ព្រះវិហារ ​នេះ អគ្គនាយក​អាជ្ញាធរ​ព្រះវិហារ លោក​សាស្ត្រាចារ្យ ជុច ភឿន ធ្លាប់​មាន​ប្រសាសន៍​ប្រាប់​វិទ្យុ​អាស៊ីសេរី​ ថា ការ​អភិវឌ្ឍ​នៅ​តំបន់​ប្រាសាទ​​ព្រះវិហារ មិន​មាន​អ្វី​ចោទ​នោះ​ឡើយ។ លោក​ថា អ្នក​ជំនាញ​អភិរក្ស​ និង​អភិវឌ្ឍន៍​ប្រាសាទ ​អាច​បំពេញ​ការងារ​ធម្មតា តែ​ចំពោះ​រឿងរ៉ាវ​ទាក់ទង​នឹង​យោធា​ ភាគី​យោធា​នៃ​ប្រទេស​ទាំង​​ពីរ​ជា​អ្នក​ចេញ​មុខ​ចរចា​គ្នា។

ទោះ​ជា​បែប​ណា​ក្តី អ្នក​ជំនាញ​វិទ្យាសាស្ត្រ​នយោបាយ លោក​បណ្ឌិត សុខ ទូច លើក​ឡើង​​ថា រដ្ឋាភិបាល​ថៃ នៅ​ពេល​នេះ សុទ្ធ​ជា​ក្រុម​មនុស្ស​ដែល​ផ្ដួចផ្ដើម​គំនិត​ចង់​បាន​ប្រាសាទ​ព្រះវិហារ ហេតុ​នេះ​ កម្ពុជា ត្រូវតែ​ទាមទារ​ឲ្យ​ថៃ ដក​ទ័ព​ចេញ​ពី​តំបន់​ប្រាសាទ​ព្រះវិហារ។

លោក​​បន្ត​ថា ថៃ ​នៅតែ​ព្យាយាម​ពន្យារ​ពេល​ម្ដង​ហើយ​ម្ដង​ទៀត ​ក្នុង​បំណង​រក​លេស​កាន់កាប់​ប្រាសាទ​ព្រះវិហារ រួម​គ្នា​ជាមួយ​កម្ពុជា ហើយ​កម្ពុជា ​មិន​ត្រូវ​ភ្លេច​ការ​ឈ្លានពាន​របស់​ថៃ កាល​​ពី​មុន​ជា​ដាច់​ខាត៖ «ឥឡូវ​នេះ​រដ្ឋាភិបាល​ថ្មី​នេះ​ជា​រដ្ឋាភិបាល​មាន​ឥទ្ធិពល​ទាំង​កងទ័ព ទាំង​រាជវាំង ទាំង​នៅ​ក្នុង​រដ្ឋាភិបាល ដូច្នេះ​កម្ពុជា ត្រូវ​ប្រើប្រាស់​ឱកាស​មាស​នេះ​ដើម្បី​ឲ្យ​ថៃ ដក​ទ័ព​ចេញ​ពី​​ប្រាសាទ​ព្រះវិហារ គោរព​តាម​ការ​បកស្រាយ​សាលក្រម។ រដ្ឋាភិបាល​ត្រូវ​ដើរ​តួ​ប្រាប់​អាស៊ាន​ពី​បញ្ហា​នេះ»

ថៃ​ បាន​ឈ្លានពាន​ប្រាសាទ​ព្រះវិហារ តាំង​ពី​ឆ្នាំ​២០០៨ បន្ទាប់​ពី​អង្គការ​យូណេស្កូ (NESCO) បាន​ដាក់​​បញ្ចូល​ប្រាសាទ​ព្រះវិហារ ទៅ​ក្នុង​បញ្ជី​បេតិកភណ្ឌ​ពិភពលោក។ កងទ័ព​កម្ពុជា និង​ថៃ បាន​​ផ្ទុះ​អាវុធ​ជា​ច្រើន​ដង​ច្រើន​សា​ មុន​នឹង​កម្ពុជា បញ្ជូន​សំណុំ​រឿង​ប្រាសាទ​ព្រះវិហារ ទៅ​តុលាការ​យុត្តិធម៌​អន្តរជាតិ ដើម្បី​ឲ្យ​បកស្រាយ​សាលក្រម​តាំង​ពី​ឆ្នាំ​១៩៦៥។ តុលាការ​អន្តរជាតិ ក៏​បាន​បកស្រាយ​សាលក្រម​តាម​បណ្ដឹង​របស់​កម្ពុជា តាំង​ពី​ចុង​ឆ្នាំ​២០១៣ បង្គាប់​ឲ្យ​ថៃ​ ដកទ័ព​​ចេញ​ពី​តំបន់​ប្រាសាទ​ព្រះវិហារ។ ទោះ​បី​ជា​ថៃ មិន​ព្រម​ដកទ័ព​ចេញ​ក៏ដោយ ​ក៏​កម្ពុជា មិន​​បាន​លើក​យក​បញ្ហា​នេះ​ទៅ​ជជែក​ក្នុង​កិច្ច​ប្រជុំ​អាស៊ាន​នៅ​ប្រទេស​ភូមា ឬ​មីយ៉ាន់ម៉ា ដែរ ខណៈ​ដែល​វៀតណាម បាន​លើក​យក​សំណុំរឿង​ជម្លោះ​ជាមួយ​ចិន ទៅ​ជជែក​គ្នា​ក្នុង​កិច្ចប្រជុំ​ការបរទេស​អាស៊ាន​នេះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

អ្នក​អាន​អនាមិក

Tea Banh needs to push Preah Vihear in accordance to national court, if he cannot do it, then let's someone else take over his position that is not afraid to speak up.

Sep 01, 2014 11:00 PM

អ្នក​អាន​អនាមិក

លោកអ្នកជាទីស្រឡាញ់ តើដល់ពេលណាទើបលោកអ្នកឈប់​ដាក់​ខ្លួន​ធ្វើជាអ្នកមិនចេះទៅ តើៗឲ្យលើករឿងដ៏មានតម្លៃយ៉ាងហ្នឹងមក​ពិភាក្សាយ៉ាងណាទៅ បើខ្ឡនឯងអត់ចេះអីសោះនោះ សឹងតែមួយ​ពាក្យៗមួយឃ្លាៗគេប្រាប់គេសរសេរឲ្យយកមកទន្ទិញឲ្យរត់មាត់សិន ទើបយកមកថាតាមបាននោះ បើរឿងប្រវត្តិសាស្រ្តរឿងច្បាប់គឺ​ទៅ​មិនរួច​ទាល់តែសោះសម្រាប់បក្សមួយនេះ។

Sep 01, 2014 10:24 PM

KONE KHMER

ពី PHNOM PENH

TO ALL KHMER:
I THINK HUN SEN OR KHMER GOVERNMENT MAY HAVE CONTRACT WITH THAI TO SELL PRAH VIHEAR TO THAI. ALL KHMER MAY MUST WATCH HUN SEN AND THAI. WE ARE KHMER WE HAVE THE RIGHT TO KNOW ABOUT THE MATTER OF PRAH VIHEAR. PRAH VIHEAR BELONGS TO ALL KHMER.

Sep 01, 2014 06:59 PM

Srornos DeyKhmer

ពី USA

It has been true in history that both Thai and Yuon are persistently stealing Cambodian land and sea. What will the Cambodian people and government and the international community can do to stop this type of greedy expansions and invasions ? If Thai and Yuon do not want to talk, the Cambodian people need to urge the Cambodian government to bring these problems and protest them at the UN. It is the roles and obligations of the Cambodian government and the international community to help protect what are left in Cambodia.

Sep 01, 2014 01:07 PM

អ្នក​អាន​អនាមិក

ពី Lexington

This thai ruthless behavior military dictatorship will not backup their plan around khmer ancient temple heritage area .Don' trust the crooks and thieves as be honoured your reputation...not talk nooow...until we smash your born into a hundreds of pieces .If thai govn't realy respect to ICC and its neighbor friendship it should do for along-long time ago .What's thai rogue govn't will do next ? , war...destroy temple...and hey...we did it .Because they " Thai " knew the dictator H.Sen govn't are very dumbest...very weakest that they can play with .Ok , don't worry we will take care all your poor pple who looking for a job in thailand...there jobs that my pple dislike to work with payless check but we welcome u anytime .

Sep 01, 2014 12:44 PM

មើល​មតិ​ទាំង​អស់.

គេហទំព័រ​ទាំងមូល