១ . លោក ហ៊ុន សែន និងកូនប្រុសពីរនាក់ជួបប្រធានាធិបតីចិន
លោកនាយករដ្ឋមន្ត្រី ហ៊ុន សែន បានដឹកដៃកូនប្រុសរបស់ខ្លួនពីរនាក់ គឺលោក ហ៊ុន ម៉ាណែត និងលោក ហ៊ុន ម៉ានី ជួបប្រធានាធិបតីចិន ស៊ី ជីនពីង (Xi Jinping) ខណៈដែលចិនបានសន្យាផ្តល់ប្រាក់ឥតសំណងរាប់លានដុល្លារ។ អ្នកនាំពាក្យគណបក្សប្រជាជនកម្ពុជាអះអាងថា លោក ហ៊ុន សែន នាំកូនប្រុសជួបមេដឹកនាំចិននេះ ពុំមែនជារឿងចម្លែកនោះទេ គឺស្ថិតក្នុងក្របខ័ណ្ឌ ពង្រឹង និងពង្រីកទំនាក់ទំនងកិច្ចសហប្រតិបត្តិការនៃការរឹតចំណងមិត្តភាពរវាងកម្ពុជាចិន។ ចំណែកមន្ត្រីបក្សប្រឆាំងមើលឃើញថា លោក ហ៊ុន សែន កំពុងស្ទាបស្ទង់ចិន ដើម្បីពឹងពាក់ឱ្យជួយគាំទ្រលើផែនការផ្ទេរអំណាចត្រកូល «ហ៊ុន» បន្តក្ដោបក្ដាប់កម្ពុជា។
អានព័ត៌មានពិស្ដារ ...
២ . ចិនជំរុញឱ្យកម្ពុជាពង្រឹងសហគមន៍រួមគ្នាជាមួយចិនកាន់តែខ្លាំងឡើង
ភាគីប្រទេសចិនចាត់ទុកលោកនាយករដ្ឋមន្ត្រី ហ៊ុន សែន ជាមិត្តល្អរបស់ប្រជាជាតិចិន ហើយចិនក៏ជំរុញឱ្យមានការកសាងសហគមន៍ចិនកម្ពុជាអនាគតរួមគ្នា និងបន្តទំនាក់ទំនងមិត្តភាពចិន-កម្ពុជា ពីមួយជំនាន់ទៅមួយជំនាន់។ ការលើកឡើងរបស់ភាគីចិនបែបនេះ ស្របពេលលោក ហ៊ុន សែន កំពុងទៅទស្សនកិច្ចប្រទេសចិននៅថ្ងៃនេះ។ អ្នកឃ្លាំមើលរិះគន់ថា គម្រោងទស្សនកិច្ចរបស់លោក ហ៊ុន សែន ទៅប្រទេសចិនដើម្បីពង្រឹងអំណាច ច្រើនជាងផលប្រយោជន៍ជាតិ។ អានព័ត៌មានពិស្តារ ...
៣ . អ្នកឃ្លាំមើលជំរុញកម្ពុជាឱ្យប្រកាន់ជំហរអព្យាក្រឹត្យ ខណៈលោក ហ៊ុន សែន ទៅចិន
លោកនាយករដ្ឋមន្ត្រី ហ៊ុន សែន បានទៅដល់ចិនហើយ ក្នុងដំណើរបំពេញទស្សនកិច្ចផ្លូវការ បីថ្ងៃចាប់ពីថ្ងៃទី៩ ដល់ថ្ងៃទី១១ ខែកុម្ភៈ។ លោកគ្រោងនឹងពិភាក្សាជាមួយរដ្ឋាភិបាលចិនកុម្មុយនីស្ដ ដើម្បីពង្រឹងទំនាក់ទំនងមិត្តភាពដែកថែប និងចុះហត្ថលេខាលើឯកសារកិច្ចសហការមួយចំនួន។ ជុំវិញដំណើរទស្សនកិច្ចរបស់លោក ហ៊ុន សែន នេះ អ្នកឃ្លាំមើលស្នើថា ទន្ទឹមរដ្ឋាភិបាលចង់រក្សាទំនាក់ទំនងល្អនឹងប្រទេសចិន កម្ពុជាក៏ត្រូវប្រកាន់គោលនយោបាយអព្យាក្រឹត្យ និងរក្សាទំនាក់ទំនងល្អជាមួយបណ្ដាប្រទេសលោកខាងលិចដែរ ដើម្បីប្រយោជន៍ជាតិ។ អានព័ត៌មានពិស្ដារ ...
៤ . កម្ពុជាបន្តស្វាគមន៍ទេសចរចិនជាង ១រយនាក់ ខណៈមន្ត្រីសង្គមស៊ីវិលស្នើការពារសន្តិសុខ
ក្រសួងទេសចរណ៍បន្តធ្វើពិធីស្វាគមន៍ភ្ញៀវទេសចរចិនដោយជូនបាច់ផ្កា និងជូនក្រមាដល់ដល់ពួកគេនៅព្រលានយន្តហោះអន្តរជាតិភ្នំពេញ ខណៈនៅប្រទេសចិននៅតែបន្តមានករណីឆ្លងជំងឺ-១៩ ថ្មីក្នុងមួយថ្ងៃរាប់ម៉ឺននាក់។ ជាមួយគ្នានេះ មន្ត្រីសង្គមជំរុញដល់រដ្ឋាភិបាលពិចារណារឹតបន្តឹងផ្នែកសុខាភិបាល និងបង្កើនការគ្រប់គ្រងជនបរទេសឱ្យមានប្រសិទ្ធភាព ដើម្បីធានាសន្តិសុខសណ្ដាប់ធ្នាប់សង្គម។ អានព័ត៌មានពិស្តារ ...
៥ . គណបក្សភ្លើងទៀនបន្ថែមចំនួនថ្នាក់ដឹកនាំនិងដាក់គោលនយោបាយដោះស្រាយបញ្ហាពលរដ្ឋ
គណបក្សភ្លើងទៀនសម្រេចបង្កើនសមាសភាពក្បាលម៉ាស៊ីនគណបក្សនេះ ដោយបង្កើតឱ្យមានអនុប្រធានគណបក្សចំនួន ៥រូប បន្ថែមចំនួនសមាជិកអចិន្ត្រៃយ៍ចំនួនកើនដល់ ៣២នាក់ និងបង្កើនសមាជិកគណៈកម្មការនាយកចំនួនកើនដល់ ១១៧នាក់។ អានព័ត៌មានពិស្តារ...
៦. លោក សម រង្ស៊ី ប្រកាសស្វាគមន៍បណ្តឹងរបស់លោក ហ៊ុន សែន រឿងចោទសម្លាប់ប្អូនថ្លៃ
មេបក្សប្រឆាំង ប្រកាសស្វាគមន៍បណ្តឹងមួយទៀតរបស់លោកនាយករដ្ឋមន្ត្រី ហ៊ុន សែន នៅចំពោះមុខតុលាការប្រទេសបារាំង ពាក់ព័ន្ធនឹងករណីដែលលោក ចោទប្រកាន់ថា លោក ហ៊ុន សែន ជាអ្នកសម្លាប់អតីតប្អូនថ្លៃរបស់ខ្លួនឈ្មោះ កូវ សាមុត កាលពីជិត៣០ឆ្នាំមុន។ អានព័ត៌មានពិស្តារ ...
៧ . គណបក្សយុវជនកម្ពុជាបែកបាក់ផ្ទៃក្នុង ព្រោះមិនពេញចិត្តលោក ពេជ្រ ស្រស់ ទទួលលុយពីលោក ហ៊ុន សែន
មន្ត្រីជាន់ខ្ពស់គណបក្សយុវជនកម្ពុជាជាច្រើនរូបបានលាលែងពីតំណែង ដោយសារមិនពេញចិត្តប្រធានគណបក្សដោយចោទថា លោក ពេជ្រ ស្រស់ ទទួលប្រាក់ពីលោក ហ៊ុន សែន សម្រាប់ប្រយោជន៍ផ្ទាល់ខ្លួន។ ប៉ុន្តែលោក ពេជ្រ ស្រស់ បដិសេធការចោទប្រកាន់នេះ។ អានព័ត៌មានពិស្តារ ...
៨ . គណបក្សភ្លើងទៀនផ្ញើសាររំលែកទុក្ខប្អូនថ្លៃលោក ហ៊ុន សែន ទោះរងការធ្វើទុក្ខបុកម្នេញពីគណបក្សកាន់អំណាច
មន្ត្រីគណបក្សភ្លើងទៀនបង្ហាញពីការផ្សះផ្សានយោបាយ និងគោលជំហរលទ្ធិប្រជាធិបតេយ្យដោយការចូលរួមរំលែកទុក្ខប្អូនថ្លៃលោក ហ៊ុន សែន នៅថ្ងៃទី៦ ខែកុម្ភៈ។ អ្នកតាមដានស្ថានការណ៍សង្គម យល់ឃើញថា ការបន្ទន់ឥរិយាបថរបស់មន្ត្រីគណបក្សភ្លើងទៀន ជារឿងល្អដើម្បីបន្ធូរបន្ថយបរិយាកាសនៅមុនពេលបោះឆ្នោត។ អានព័ត៌មានពិស្តារ ...
៩ . គណបក្សនយោបាយមួយចំនួនត្រៀមបេក្ខជនរួចរាល់ ដើម្បីចុះបញ្ជីឈរឈ្មោះបោះឆ្នោតជ្រើសតាំងតំណាងរាស្ត្រ
គណបក្សនយោបាយ ដែលទទួលបានប្រជាប្រិយភាពក្នុងការបោះឆ្នោតឃុំសង្កាត់អាណត្តិទី៥ បានត្រៀមខ្លួនរួចជាស្រេចក្នុងការចុះបញ្ជីគណបក្សនយោបាយឈរឈ្មោះបោះឆ្នោត និងបេក្ខជនឈរឈ្មោះបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។ អានព័ត៌មានពិស្តារ ...
១០ . បក្សប្រជាធិបតេយ្យមូលដ្ឋានស្នើរដ្ឋសភាដោះស្រាយបញ្ហាប្រព័ន្ធបោះឆ្នោតឡើងវិញ
គណបក្សប្រជាធិបតេយ្យមូលដ្ឋានស្នើរដ្ឋសភាពិចារណាដោះស្រាយបញ្ហាប្រព័ន្ធបោះឆ្នោតឡើងវិញ ដើម្បីធានាថា គណៈកម្មាធិការជាតិរៀបចំការបោះឆ្នោត មានភាពឯករាជ្យ និងអព្យាក្រឹត្យ ក្នុងការបញ្ចប់វិបត្តិនយោបាយក្រោយការបោះឆ្នោត។ ការលើកឡើងនេះ ធ្វើឡើងបន្ទាប់ពីគណៈកម្មការទី១ នៃរដ្ឋសភាបដិសេធសំណើរបស់បក្សនេះទាក់ទងសំណើសុំធ្វើវិសោធនកម្មរដ្ឋធម្មនុញ្ញស្ដីពីសមាសភាពស្ថាប័នគណៈកម្មការរៀបចំការបោះឆ្នោត (គ.ជ.ប)។
អានព័ត៌មានពិស្ដារ ...
១១. សកម្មជនបរិស្ថានស្នើរដ្ឋាភិបាលដកហូតដីចំណីឆ្នេរអូរឈើទាលក្រោយវាយកម្ទេចរបងថ្ម
យុវជនចលនាមាតាធម្មជាតិស្នើសុំឱ្យរដ្ឋាភិបាលដកហូតដីចំណីឆ្នេរអូឈើទាល ដែលត្រូវបានបុគ្គលឯកជនហ៊ុំព័ទ្ធធ្វើរបងយកដាក់ជាទ្រព្យសម្បត្តិសាធារណៈរបស់រដ្ឋវិញ។ ការស្នើសុំនេះធ្វើឡើង បន្ទាប់ពីក្រុមហ៊ុនឯកជនដែលបានធ្វើរបងហ៊ុំព័ទ្ធដីឆ្នេរអូរឈើទាលនោះ បានវាយរបងចេញកាលពីយប់ថ្ងៃទី៨ ខែកុម្ភៈ។ មន្ត្រីអង្គការសង្គមស៊ីវិល គាំទ្រចំពោះការស្នើសុំនេះ និងស្នើសុំឱ្យរដ្ឋាភិបាលបង្ហាញពីតម្លាភាពក្នុងការផ្ទេរកម្មសិទ្ធិដីមួយកន្លែងនេះជាសាធារណៈ។ អានព័ត៌មានពិស្ដារ ...
១២ . ក្រសួងសង្គមកិច្ចត្រៀមបិទមណ្ឌលព្រៃស្ពឺ និងចាប់ផ្ដើមបញ្ជូនមនុស្សចេញពីមណ្ឌល
ក្រសួងសង្គមកិច្ច ចាប់ផ្ដើមបញ្ជូនមនុស្សចេញពីមណ្ឌលសង្គមកិច្ចព្រៃស្ពឺនៅរាជធានីភ្នំពេញហើយនៅថ្ងៃទី៩កុម្ភៈ ដើម្បីត្រៀមបិទមណ្ឌលនេះ បន្ទាប់ពីអង្គការសង្គមស៊ីវិលរកឃើញថាមានមនុស្សស្លាប់នៅក្នុងមណ្ឌលនេះជាបន្តបន្ទាប់។ ទោះជាយ៉ាងណា អតីតអ្នកជាប់ឃុំនៅមណ្ឌលនេះ និងមន្ត្រីសង្គមស៊ីវិល ថារដ្ឋាភិបាល គួរតែបិទមណ្ឌលសង្គមកិច្ចព្រៃស្ពឺឱ្យបានឆាប់ ដើម្បីកុំឱ្យអ្នកជាប់ឃុំស្លាប់បន្តទៀត។ អានព័ត៌មានពិស្ដារ ...
១៣ . អ្នកជំនាញមិនរំពឹងថា នឹងមានដំណោះស្រាយនៅឯសន្និសីទកំពូលមេគង្គជុំវិញរឿងចិនបើកទឹកមុនកំណត់
អ្នកជំនាញមិនរំពឹងថា អាចនឹងមានកិច្ចពិភាក្សានៅឯសន្និសីទកំពូលមេគង្គ (Mekong Summit) នៅឯទីក្រុងវៀងចន្ទន៍ (Vientiane) ប្រទេសឡាវ (Lao) នាដើមខែមេសាខាងមុខនេះ ជុំវិញដំណោះស្រាយលើបញ្ហាដែលចិនបានបើកទ្វារទឹកទំនប់វារីអគ្គិសនីនៅមុនកាលកំណត់នៅរដូវប្រាំងឆ្នាំនេះ។ អ្នកជំនាញរូបនោះលើកឡើងថា ការណ៍នេះ គឺដោយសារតែប្រទេសនៅខ្សែទឹកខាងលើមិនចង់លើកឡើងពីផលប៉ះពាល់អវិជ្ជមានដែលបង្កឡើងដោយទំនប់វារីអគ្គិសនីរបស់ខ្លួន។ អានព័ត៌មានពិស្ដារ ...
១៤. តុលាការក្រុងភ្នំពេញគ្មានភស្តុតាងចោទប្រកាន់អតីតមេឃុំជាប់ឆ្នោតបក្សប្រឆាំងអ្នកស្រី កឹម តុលា ក្នុងសំណុំរឿងញុះញង់
តុលាការក្រុងភ្នំពេញគ្មានភស្តុតាងចោទប្រកាន់អតីមេឃុំជាប់ឆ្នោតបក្សប្រឆាំងអ្នកស្រី កឹម តុលា ក្នុងសំណុំរឿងញុះញង់ ប៉ុន្តែតុលាការនឹងប្រកាសសាលក្រមនៅចុងខែកុម្ភខាងមុខ ក្រោយបញ្ចប់សវនាការជំនុំជម្រះសាឡើងវិញនៅព្រឹកថ្ងៃទី៦ ខែកុម្ភៈ។ មេធាវី និងមន្រ្តីសិទ្ធិមនុស្សស្នើដល់តុលាការទម្លាក់ការចោទប្រកាន់ និងដោះលែងអ្នកស្រី កឹម តុលា ឱ្យមានសេរីភាពជួបជុំគ្រួសារឡើងវិញ។ អានព័ត៌មានពិស្តារ...
១៥ . គណបក្សនយោបាយមួយចំនួនត្រៀមបេក្ខជនរួចរាល់ ដើម្បីចុះបញ្ជីឈរឈ្មោះបោះឆ្នោតជ្រើសតាំងតំណាងរាស្ត្រ
គណបក្សនយោបាយ ដែលទទួលបានប្រជាប្រិយភាពក្នុងការបោះឆ្នោតឃុំសង្កាត់អាណត្តិទី៥ បានត្រៀមខ្លួនរួចជាស្រេចក្នុងការចុះបញ្ជីគណបក្សនយោបាយឈរឈ្មោះបោះឆ្នោត និងបេក្ខជនឈរឈ្មោះបោះឆ្នោត សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។ អានព័ត៌មានពិស្តារ ...
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។