អត្ថបទចំនួន៥ដែលលោកអ្នកនាងគួរអានកាលពីថ្ងៃសុក្រ ទី២៦ ខែសីហា
១ . អ្នករាយការណ៍ពិសេសអង្គការសហប្រជាជាតិស្នើកែសម្រួលសមាសភាព គ . ជ . ប និងបើកលំហសិទ្ធិពលរដ្ឋនិងគណបក្សនយោបាយ
អ្នករាយការណ៍ពិសេសអង្គការសហប្រជាជាតិទទួលបន្ទុកផ្នែកសិទ្ធិមនុស្សប្រចាំនៅកម្ពុជា លោក វិទិតមុនតាប៊ន(Vitit Muntarbhorn) ស្នើឲ្យមានការកែសម្រួលក្បាលម៉ាស៊ីនគណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប និងបើកលំហសិទ្ធិពលរដ្ឋនិងគណបក្សនយោបាយក្នុងការចូលរួមការបោះឆ្នោតឆ្នាំ២០២៣ខាងមុខ។មន្ត្រីសង្គមស៊ីវិលគាំទ្រការលើកឡើងនេះនិងជំរុញទៅរដ្ឋាភិបាលនិងស្ថាប័នពាក់ព័ន្ធរៀបចំការបោះឆ្នោតឆ្នាំ២០២៣ខាងមុខរៀបចំការបោះឆ្នោតមួយដែលមានភាពសេរី ត្រឹមត្រូវ និងយុត្តិធម៌។
អានអត្ថបទបន្ថែម៖ https://bit.ly/3pNknCK
២ . ក្រសួងមហាផ្ទៃអំពាវនាវឲ្យស្ថានទូតបរទេសនិងភាគីពាក់ព័ន្ធសហការលុបបំបាត់អំពើជួញដូរមនុស្ស
ក្រសួងមហាផ្ទៃ នៅថ្ងៃសុក្រ ទី២៦ សីហា នេះ បានចេញ សេចក្ដី អំពាវនាវ មួយ ឱ្យស្ថាប័នតំណាងបរទេស និងភាគីពាន់ព័ន្ធនានា សហការផ្ដល់ព័ត៌មាននិងចូលរួមបង្ការ ទប់ស្កាត់ និងបង្ក្រាប អំពើជួញដូរមនុស្សនិងឧក្រិដ្ឋកម្មឆ្លងដែន ផ្សេងៗ ក្នុងប្រទេសកម្ពុជា។ មន្ត្រីសង្គមស៊ីវិល យល់ថា សេចក្ដីអំពាវនាវនេះគឺជារឿងល្អព្រោះវាបានង្ហាញថារដ្ឋាភិបាលទទួលស្គាល់អំពើជួញដូរមនុស្សនៅកម្ពុជាមានការកើនឡើងនិងមានផែនការទទួលយកកិច្ចសហការពីភាគីពាក់ព័ន្ធផ្សេងៗបង្ក្រាបអំពើ ជួញដូរ មនុស្សនៅកម្ពុជា។
អានអត្ថបទបន្ថែម៖ https://bit.ly/3RfTrau
៣ . ក្រុមស្រ្តីថ្ងៃសុក្រកោរសក់បន់ស្រន់និងដាក់ញត្តិសុំស្ថានទូតបរទេសអន្តរាគមន៍ឱ្យមានការដោះលែងគ្រួសារពួកគាត់
ក្រុមស្រ្តីថ្ងៃសុក្រចេញតវ៉ាស្វែងរកយុត្តិធម៌ជូនសមាជិកគ្រួសារពួកគាត់ដោយកោរសក់បន់ស្រន់បែបសាសនាព្រមទាំងស្នើសុំកិច្ចអន្តរាគមន៍ពីមន្រ្តីស្ថានទូតសហភាពអឺរ៉ុបនិងអាមេរិកប្រចាំក្រុងភ្នំពេញដោយសារពួកគាត់អស់ជំនឿលើស្ថាប័នតុលាការខ្មែរ។ មន្រ្តីសង្គមស៊ីវិលស្នើយ៉ាងទទូចដល់រដ្ឋាភិបាលទទួលយកអនុសាសន៍សហគមន៍ជាតិ និងអន្តរជាតិទៅកែលម្អ ដើម្បីគោរពសិទ្ធិមនុស្ស និងស្តារលទ្ធិប្រជាធិបតេយ្យឡើងវិញ។
អានអត្ថបទបន្ថែម៖ https://bit.ly/3AoWrdT
៤ . មេធាវីស្នើតុលាការប្តូរការឃុំខ្លួនកញ្ញា សេង ធារី មកពន្ធនាគារព្រៃសវិញ
មេធាវីការពារក្ដីឲ្យកញ្ញា សេង ធារី កាលពីថ្ងៃទី២៤ ខែសីហាបានដាក់ពាក្យប្ដឹងនៅសាលាឧទ្ធរណ៍ជំទាស់នឹងសាលក្រមសាលាដំបូងរាជធានីភ្នំពេញស្នើឲ្យដោះលែងកូនក្ដីរបស់លោកឲ្យមានសេរីភាពឡើងវិញ។លោក ជូង ជូងី ក៏បានដាក់លិខិតស្នើសុំដល់ក្រសួងមហាផ្ទៃឲ្យផ្ទេរកញ្ញា សេង ធារី ពីពន្ធនាគារខេត្តព្រះវិហារមកមណ្ឌលអប់រំកែប្រែទី២ឬគុកព្រៃសនៅភ្នំពេញវិញ។
អានអត្ថបទបន្ថែម៖ https://bit.ly/3PQkxnz
៥ . គណបក្សភ្លើងទៀនទទួលយកអតីតមន្ត្រីជាន់ខ្ពស់បក្សប្រជាជនជាសមាជិកតាមការស្នើសុំ
មន្ត្រីជាន់ខ្ពស់គណបក្សភ្លើងទៀន លោក ថាច់ សេដ្ឋា ឲ្យដឹងថា អតីតសមាជិកគណបក្សប្រជាជនកម្ពុជា និងជាអតីតឯកអគ្គរាជទូតកម្ពុជាប្រចាំប្រទេសកូរ៉េខាងត្បូង លោក ស៊ុត ឌីណា បានដាក់ពាក្យសុំចុះចូលជាសមាជិកគណបក្សភ្លើងទៀន កាលពីថ្ងៃទី២៥ សីហា។ គណបក្សភ្លើងទៀន ទទួលយកលោក ស៊ុត ឌីណា ធ្វើជាសមាជិកគណបក្សហើយ។
អានអត្ថបទបន្ថែម៖ https://bit.ly/3QWVPn1
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។