អង្គការ​ចំនួន​៤​នឹង​សម្ពោធ​គម្រោង​អភិបាលកិច្ច​ល្អ​ដែល​គាំទ្រ​ដោយ​សហភាព​អឺរ៉ុប

ដោយ ទីន ហ្សាការីយ៉ា
2016-08-29
អ៊ីម៉ែល
មតិ
Share
បោះពុម្ព
សេចក្ដី​ប្រកាស​ព័ត៌មាន​ស្ដីពី​ពិធី​សម្ពោធ​ដំណើរ​ការ​អភិបាលកិច្ច​ល្អ​ដែល​គាំទ្រ​ដោយ​សហភាព​អឺរ៉ុប។ Screenshot
សេចក្ដី​ប្រកាស​ព័ត៌មាន​ស្ដីពី​ពិធី​សម្ពោធ​ដំណើរ​ការ​អភិបាលកិច្ច​ល្អ​ដែល​គាំទ្រ​ដោយ​សហភាព​អឺរ៉ុប។ Screenshot
Screenshot

អង្គការ វី.អេស.អូ កម្ពុជា (VSO Cambodia) និង​ដៃគូ​អនុវត្ត​គម្រោង​អភិបាលកិច្ច រួម​មាន គណៈកម្មការ​សហប្រតិបត្តិការ​ដើម្បី​កម្ពុជា (CCC) វេទិកា​នៃ​អង្គការ​មិន​មែន​រដ្ឋាភិបាល​ស្ដីពី​កម្ពុជា (NGO Forum) អង្គការ​យេនឌ័រ និង​អភិវឌ្ឍន៍​ដើម្បី​កម្ពុជា (GADC) នឹង​សម្ពោធ​ដំណើរ​ការ​គម្រោង “ការ​ពង្រឹង​បណ្ដាញ​អង្គការ​សង្គម​ស៊ីវិល​ដើម្បី​ការ​អភិវឌ្ឍ​ប្រកប​ដោយ​ប្រសិទ្ធភាព(Strengthening Civil Society Organizations Networks for Inclusive Development) នៅ​សណ្ឋាគារ​កាំបូឌីយ៉ាណា នៅ​ថ្ងៃ​ទី​៣០ សីហា វេលា​ម៉ោង ២​រសៀល។

សេចក្ដី​ប្រកាស​ព័ត៌មាន​នៅ​ថ្ងៃ​ទី​២៩ សីហា ឲ្យ​ដឹង​ថា គម្រោង​នេះ​មាន​រយៈពេល ៣០​ខែ មាន​ការ​គាំទ្រ​ពី​សហភាព​អឺរ៉ុប ប្រចាំ​នៅ​កម្ពុជា។ គម្រោង​នេះ​នឹង​ផ្ដល់​ការ​ពង្រឹង​បណ្ដាញ​អង្គការ​សង្គម​ស៊ីវិល ដើម្បី​ក្លាយ​ខ្លួន​ទៅ​ជា​តួ​អង្គ​សំខាន់​ក្នុង​ការ​ធ្វើ​ឲ្យ​ប្រសើរ​ឡើង​នូវ​អភិបាលកិច្ច គណនេយ្យ​ភាព និង​ជំរុញ​ឲ្យ​មាន​ការ​បង្កើត​គោល​នយោបាយ​ប្រកប​ដោយ​ប្រសិទ្ធភាព។ ក្រៅ​ពី​នេះ នឹង​បង្កើន​សមត្ថភាព​លើ​ការ​គ្រប់គ្រង​បណ្ដាញ ការ​គ្រប់គ្រង​ចំណេះ​ដឹង ការ​កៀរគរ​ធនធាន និង​ការ​តស៊ូ​មតិ​ដើម្បី​បង្កើត​ឲ្យ​មាន​លទ្ធផល​កាន់​តែ​ទៅ​ដល់​ប្រជាពលរដ្ឋ​ក្នុង​ខេត្ត​ទាំង​៨ មាន​ខេត្ត​សៀមរាប កំពង់ធំ ព្រៃវែង ស្វាយរៀង ក្រចេះ ស្ទឹងត្រែង រតនគិរី និង​ខេត្ត​មណ្ឌលគិរី។

អង្គការ វី.អេស.អូ កម្ពុជា ដើរ​តួនាទី​ជា​អ្នក​សម្របសម្រួល​ក្នុង​ការ​គ្រប់គ្រង និង​ការ​ធានា​នូវ​ការ​អនុវត្ត​គម្រោង​ប្រកប​ដោយ​គុណភាព​ខ្ពស់។

នាយក​ប្រចាំ​ប្រទេស​នៃ​អង្គការ វី.អេស.អូ កម្ពុជា លោក ហ្គីឡូម សៅវ៉ល (Guillaume Sauval) មាន​ប្រសាសន៍​ថា ការ​ពង្រឹង​គណនេយ្យ​ភាព គឺ​មាន​តម្រូវ​ការ​យ៉ាង​ខ្លាំង ដើម្បី​ការពារ និង​បើក​ចំហ​ឱកាស​ដល់​សង្គម​ស៊ីវិល​ក្នុង​ការ​គាំទ្រ​ដល់​សកម្មភាព​ដែល​នាំ​មុខ​ដោយ​ប្រជាពលរដ្ឋ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (1)
Share

ម៉ាមី

ពី ភ្នំពេញ

សូមស្វាគមន៍គំរោងមួយនេះ ។ បើពិតជាមានគណនេយ្យភាពសង្គមមែននោះវាជារឿងប្រសើរ ។ ប្រសិនបើសង្គមស៊ីវិលយល់ច្បាស់នោះ អាជ្ញាធរដែនដីយល់ច្បាស់ នោះប្រជាជនពិតជាយល់និងហ៊ាន បញ្ចញមតិ ហើយវាពិតជារឿងល្អមួយដែលអ្នកផ្តល់សេវ៉ាយល់ថាខ្លួនគេមានកំហុស និងចេះកែប្រែ តែថាអ្នកទទួលសេវាហ៊ាននិយាយហ៊ានថាយ៉ាងណានោះ ម៉ាមីគិតថាវាពិតជាត្រូវចំណាយពេលយូបន្តិចហើយ ។ ភាគច្រើនលោកបញ្ចេញមតិពេលណាដែលគាត់បាត់បង់ផលប្រយោជន៍ផ្ទាល់ខ្លួនរបស់គាត់ តែបើផលប្រយោជន៍រួមវិញវាដូចជាលំបាកបន្តិចហើយ ។ ប្រសិនបើអាជ្ញាធរថ្នាក់ក្រោមជាតិចង់ឲ្យមានការផ្លាស់ប្តូរពិតមែននោះ វាជារឿងជោគជ័យ តែបើគាត់យល់ហើយគាត់នៅតែអនុវត្តឲ្យមានកំហុស តើបានគណេយ្យភាពសង្គមពីណាមក ។ ដូចជា ដាក់ឲ្យដេញថ្លៃរឿងអ្វីមួយ ធ្វើម៉េចធ្វើឲ្យមានតម្លាភាព បើមានតែក្រុមហ៊ុន១ ឫ២ ដេញថ្លៃ ប្រជាពលរដ្ឋអត់ចូលរួម នោះវាមិនបាត់តម្លាភាព ។ ក្តាខៀនពត៌មាននៅតាម ឃុំ/សង្កាត់ មានគេបិទឯកសារនានាឲ្យមើលដែរឫទេ? បើបិទតើដែលតាមដានមើលទេថា នរណាអ្នកមើល? ប្រអប់សំបុត្រគ្មានមួយសន្លឹកសោះ ។ វិស័យនានានៅថ្នាក់ក្រោមជាតិគួរតែមានយន្តការនិងទស្សនៈវិស័យបែបណាដែលត្រូវប្រជាជនថ្នាក់ក្រោមយល់ដឹងពីសកម្មភាពនិងការងាររបស់ខ្លួន ឧ៖ មន្ទីរបរិស្ថាន បរិស្ថានស្រុក ឃុំ/សង្កាត់ អប់រំប្រជាជនដូចម្តេចក្នុងការបោះចោលកាកសំណល់ទន់រឹងទៅលើទីលានសាធារណៈ ឃុំ/សង្កាត់អប់រំប្រជាជនយ៉ាងម៉េចពីការសាងសង់លំនៅស្ថានដែលពាក់ព័ន្ធចំណីរដីរបស់ផ្លូវ ឫប្រឡាយ កុំដល់ទៅគេសាងសង់ហើយ ហើយរស់នៅច្រើនឆ្នាំបានយើងទៅដេញគេនោះម៉ាមីយល់ថាវាមិនត្រូវទេ អជ្ញាធរមូលដ្ឋានត្រូវតែទទួលបានការសិក្សារៀនសូត្រ/ពីការបណ្តុះបណ្តាលឲ្យបានសមរម្យទើបអាចឆ្លើយតបទៅនឹងតម្រូវការនានាពីប្រជាជន ។ យ៉ាងណាម៉ាមី សារទរនេះជាគម្រោងមួយល្អសម្រាប់សង្គមកម្ពុជា។ អរគុណ

Sep 08, 2016 12:26 AM

គេហទំព័រ​ទាំងមូល