លោកនាយករដ្ឋមន្ត្រី ហ៊ុន ម៉ាណែត ថ្លែងក្នុងបទសម្ភាសជាមួយសារព័ត៌មាន Bloomberg ថា អាមេរិកបានដាក់ទណ្ឌកម្មលើក្រុមសមាជិកព្រឹទ្ធសភាលោក លី យ៉ុងផាត់ និងលោក កុក អាន ពាក់ព័ន្ធនឹងឧក្រិដ្ឋជកម្មឆបោកអនឡាញ និងការរំលោភសិទ្ធិមនុស្ស គឺជារឿងបុគ្គលរវាងឧកញ៉ាទាំងពីររូបនេះ ជាមួយសហរដ្ឋអាមេរិក។ លោកបន្តថា លោក កុក អាន និងលោក លី យ៉ុងផាត់ ក៏បានជួលមេធាវី ដើម្បីតតាំងនឹងការចោទប្រកាន់ពីសហរដ្ឋអាមេរិក តាមផ្លូវតុលាការ។
លោក ហ៊ុន ម៉ាណែត បានបន្ថែមថា លោកក៏មិនអាចបកស្រាយថា ភាគីខាងណាខុសឬត្រូវឡើយ ដោយវាអាស្រ័យលើភស្ដុតាង និងការសម្រេចពីតុលាការអាមេរិកប៉ុណ្ណោះ។ ទោះជាយ៉ាងណា ការបកស្រាយរបស់លោក ហ៊ុន ម៉ាណែត នេះ ត្រូវបានគេចាត់ទុកថា ជាការគេចវេះ និងដោះសារយករួចខ្លួន ពីការទទួលខុសត្រូវ៕
#រូបត្លុកនេះ ជាគំនិតរបស់អ្នកគូររូបត្លុក!
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។