អាជ្ញាធរ​បង្ហាញ​សញ្ញា​នៃ​ភាព​លំបាក​ក្នុង​ការ​ស៊ើប​អង្កេត​ករណី​ឃាតកម្ម​លោក​បណ្ឌិត កែម ឡី

ដោយ ថា កិត្យា
2016-07-26
អ៊ីម៉ែល
មតិ
Share
បោះពុម្ព
លោក ខៀវ សុភ័គ អ្នកនាំពាក្យ​ក្រសួង​មហាផ្ទៃ ចូលរួម​ក្នុង​កិច្ចប្រជុំ​បូក​សរុប​ពី​ការ​អនុវត្ត​ច្បាប់​ចរាចរណ៍​ដើម​ឆ្នាំ២០១៦ នា​ក្រសួង​មហាផ្ទៃ កាល​ថ្ងៃទី២១ ខែ​មករា ឆ្នាំ​២០១៦។
លោក ខៀវ សុភ័គ អ្នកនាំពាក្យ​ក្រសួង​មហាផ្ទៃ ចូលរួម​ក្នុង​កិច្ចប្រជុំ​បូក​សរុប​ពី​ការ​អនុវត្ត​ច្បាប់​ចរាចរណ៍​ដើម​ឆ្នាំ២០១៦ នា​ក្រសួង​មហាផ្ទៃ កាល​ថ្ងៃទី២១ ខែ​មករា ឆ្នាំ​២០១៦។
RFA

អាជ្ញាធរ​កម្ពុជា ចាប់​ផ្តើម​បង្ហាញ​សញ្ញា​នៃ​ភាព​លំបាក​បន្តិច​ម្តងៗ​ជុំវិញ​ការ​ស៊ើប​អង្កេត​ករណី​ឃាតកម្ម​លើ​លោក​បណ្ឌិត កែម ឡី ដោយ​មក​ដល់​ពេល​នេះ អាជ្ញាធរ​គ្មាន​តម្រុយ​បន្ថែម​ទៀត​ទេ​នៅ​ក្នុង​សំណុំ​រឿង​នេះ។ រីឯ​បក្ស​ប្រឆាំង និង​អង្គការ​សង្គម​ស៊ីវិល ក៏​ចាប់​ផ្តើម​អស់​សង្ឃឹម​ពី​ការ​ទទួល​បាន​យុត្តិធម៌។ ពួក​គេ​ថា សមត្ថកិច្ច​អាច​ស្វែងរក​ការ​ពិត​ឃើញ ប្រសិន​បើ​មាន​ឆន្ទៈ​ពិត​ប្រាកដ។

គិត​មក​ដល់​ពេល​នេះ ឃាតកម្ម​លើ​បណ្ឌិត កែម ឡី អ្នក​វិភាគ​ដ៏​ល្បី​នៅ​កម្ពុជា មាន​រយៈពេល​ជាង​កន្លះ​ខែ​ហើយ នៅ​ឡើយ​តែ​យុត្តិធម៌​ដែល​ក្រុម​គ្រួសារ និង​មជ្ឈដ្ឋាន​ទូទៅ​កំពុង​រង់ចាំ​មើល​យ៉ាង​អន្ទះសា ថា​តើ​យុត្តិធម៌​នឹង​អាច​មាន​ដែរ​ឬ​ទេ ឬ​ក៏​ត្រូវ​ក្លាយ​ជា​សព​អយុត្តិធម៌​ដូចជា​សព​អ្នក​ការពារ​ព្រៃ​ឈើ អ្នក​ការពារ​កម្មករ ព្រះសង្ឃ និង​អ្នក​សិល្បៈ​ល្បីៗ​ដទៃ​ទៀត?

អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ មាន​ប្រសាសន៍​ថា សមត្ថកិច្ច​ជំនាញ​កំពុង​បន្ត​បេសកកម្ម​ស្រាវជ្រាវ​ឲ្យ​អស់​លទ្ធភាព ដើម្បី​បង្ហាញ​ការ​ពិត ថា​តើ​មាន​អ្វី​នៅ​ពី​ក្រោយ​ខ្នង​សំណុំ​រឿង​ឃាតកម្ម​ដ៏​សាហាវ​នេះ ព្រោះ​លោក​ក៏​មិន​ជឿ​ថា ផ្ដើម​ចេញ​ពី​ជំពាក់​លុយ ៣​ពាន់​ដុល្លារ​មិន​សង​នោះ​ឡើយ៖ «ពូ​មិន​ទាន់​បាន​ព័ត៌មាន​អី​ថ្មី​ពី​ខាង​ជំនាញ​យើង​ទេ ប៉ុន្តែ​ពូ​គ្រាន់​តែ​ដឹង​ថា ជន​ដៃ​ដល់​វា​រឹង​ក្បាល វា​មិន​ព្រម​ឆ្លើយ​អ្វី​ទាំងអស់ រហូត​វា​ឆ្លើយ​ថា​មិន​ស្គាល់​ម្តាយ​វា​ទៀត​ផង។ វា​មាន​ភាព​រឹងរូស​ក្នុង​ការ​បង្ហាញ​ការ​ពិត​ដល់​សមត្ថកិច្ច​របស់​យើង។ នេះ​ជា​ការ​លំបាក​មួយ​ដែល​យើង​កំពុង​តែ​ខិតខំ​រក​បន្ថែម​ទៀត»

លោក ខៀវ សុភ័គ បន្ថែម​ថា បើ​ទោះ​បី​ជា​ការ​ស្រាវជ្រាវ​ត្រូវ​អូស​បន្លាយ​ពេល​យូរ ឬ​គ្មាន​លទ្ធភាព​ស្រាវជ្រាវ​រក​ឃើញ​ការ​ពិត​ក្តី ក៏​ច្បាប់​របស់​កម្ពុជា មិន​អនុញ្ញាត​ឲ្យ​មាន​ការ​ចូលរួម​ស៊ើប​អង្កេត​ពី​ក្រុម​ណា​មួយ​ក្រៅ​តែ​ពី​សមត្ថកិច្ច​របស់​កម្ពុជា ឡើយ។

មន្ត្រី​ជាន់​ខ្ពស់​គណបក្ស​សង្គ្រោះ​ជាតិ លោក អេង ឆៃអ៊ាង យល់​ថា ការ​បង្ហាញ​សញ្ញា​នៃ​ភាព​លំបាក​បន្តិច​ម្តងៗ​របស់​អាជ្ញាធរ​នេះ ហាក់​ដូចជា​បង្ហាញ​ពី​អសមត្ថភាព និង​គ្មាន​ឆន្ទៈ។ លោក​បន្ថែម​ថា បើ​យោង​ទៅ​លើ​សម្ភារៈ​ភស្តុតាង​ជា​មូលដ្ឋាន ដូចជា​មិន​ពិបាក​ឡើយ ព្រោះ​ឃាតកម្ម​នេះ​កើត​ឡើង​នៅ​ក្នុង​ហាង​ស្តារ​ម៉ាត (Star Mart) កណ្ដាល​ទីក្រុង​ភ្នំពេញ ដែល​មាន​កាមេរ៉ា​សុវត្ថិភាព​ទាំង​ក្នុង ក្រៅ និង​ជ្រុង​ផ្សេងៗ​ទៀត។ លើស​ពី​នេះ ក៏​មាន​មនុស្ស​ចេញ​ចូល​ច្រើន​អាច​ធ្វើ​ជា​សាក្សី​ខុស​ឆ្ងាយ​ពី​ករណី​ឃាតកម្ម​លើ​លោក ឈុត វុទ្ធី សកម្មជន​ការពារ​ព្រៃ​ឈើ​ដែល​គេ​បាញ់​ប្រហារ​ក្នុង​ព្រៃ៖ «បើ​យោង​ទៅ​លើ​ទីតាំង​នៃ​អំពើ​ឃាតកម្ម ខ្ញុំ​យល់​ថា​វា​មិន​លំបាក​រក​ទេ។ យើង​មិន​ចាំ​ពឹង​ផ្អែក​តែ​លើ​ឃាតក​នោះ​ទេ បើ​ឃាតក​ឆ្លើយ​បែប​នេះ យើង​ត្រូវ​ពិនិត្យ​មើល​ទៅ​លើ​អ្វី​ដែល​ជា​ភស្តុតាង​ផ្សេង​ទៀត។ ហើយ​បើ​ខ្លួន​ជួប​ការ​លំបាក​បែប​នេះ ម្ដេច​អាជ្ញាធរ​មិន​រក​អ្នក​ជំនាញ​ស៊ើប​អង្កេត​ខាង​បទល្មើស​ឧក្រិដ្ឋ​បែប​ហ្នឹង​ផ្សេង​ទៀត។ ខ្ញុំ​យល់​ថា បើ​សមត្ថកិច្ច​មាន​សុឆន្ទៈ អាច​សុំ​ទៅ​បណ្ដា​ប្រទេស​ជា​មិត្ត​នោះ ច្បាស់​ជា​គេ​ជួយ»

លោក អេង ឆៃអ៊ាង បន្ត​ថា ប្រសិន​បើ​យុត្តិធម៌​មិន​មាន​នៅ​ពេល​នេះ​ទេ មាន​តែ​រង់ចាំ​ការ​ផ្លាស់ប្ដូរ​អំណាច​គ្រប់គ្រង​តាម​រយៈ​ការ​បោះឆ្នោត​នា​ពេល​ខាង​មុខ។

ចំពោះ​បញ្ហា​វីដេអូ​កាមេរ៉ា​សុវត្ថិភាព​នោះ អ្នក​នាំ​ពាក្យ​ក្រសួង​មហាផ្ទៃ បញ្ជាក់​ថា អាជ្ញាធរ​មិន​ទាន់​បញ្ចេញ​ភ្លាមៗ​តាម​ការ​ទាមទារ​នោះ​ទេ ព្រោះ​ត្រូវ​ទុក​បម្រើ​ការ​ស៊ើប​អង្កេត​បន្ត​ទៀត។ លោក ខៀវ សុភ័គ ក៏​បដិសេធ​ថា រដ្ឋាភិបាល និង​អាជ្ញាធរ មិន​ជាប់​ពាក់ព័ន្ធ​នឹង​ការ​ស្លាប់​របស់​លោក កែម ឡី នោះ​ទេ។

អ្នក​គ្រប់គ្រង​បច្ចេកទេស​ការិយាល័យ​ស៊ើប​អង្កេត​នៃ​អង្គការ​សិទ្ធិ​មនុស្ស​លីកាដូ (LICADHO) លោក អំ សំអាត ជឿ​ថា សមត្ថកិច្ច​កម្ពុជា មាន​សមត្ថភាព​ខ្ពស់​ក្នុង​ការ​ស្វែងរក​ការ​ពិត​នៃ​ឃាតកម្ម​លើ​លោក​បណ្ឌិត កែម ឡី ប្រសិន​បើ​មាន​ឆន្ទៈ​ពិត​ប្រាកដ ហើយ​មិន​មាន​អ្វី​អាថ៌កំបាំង​នៅ​ពី​ក្រោយ៖ «ខ្ញុំ​សង្ឃឹម​ថា ករណី​នេះ សមត្ថកិច្ច​លោក​នឹង​ធ្វើ​ការ​ស្រាវជ្រាវ ហើយ​អាច​ចាប់​ឃាតក​ពិត អ្នក​សម​គំនិត ក៏ដូចជា​អ្នក​នៅ​ពី​ក្រោយ​ខ្នង ទៅ​ផ្ដន្ទាទោស​ទៅ​តាម​ផ្លូវ​ច្បាប់ បើ​មិន​អ៊ីចឹង​ទេ មជ្ឈដ្ឋាន​ជាតិ និង​អន្តរជាតិ នឹង​ចោទ​ថា​ការ​បាញ់​សម្លាប់​លោក កែម ឡី គឺ​ជា​រឿង​នយោបាយ»

លោក អំ សំអាត យល់​ថា ប្រសិន​បើ​សមត្ថកិច្ច​កម្ពុជា រក​មិន​ឃើញ​តម្រុយ​ណា​ផ្សេង​នោះ​ទេ គួរ​តែ​មាន​កិច្ច​សហការ​ជាមួយ​ក្រុម​អ្នក​ជំនាញ​ស៊ើប​អង្កេត​ផ្សេង​ទៀត ដូចជា​ភ្នាក់ងារ អេហ្វ.ប៊ី.អាយ (FBI) ជាដើម ដើម្បី​បង្ហាញ​សាធារណជន​ថា ខ្លួន​ពិត​ជា​មាន​ឆន្ទៈ​ធ្វើ​រឿង​នេះ។

សព​លោក​បណ្ឌិត កែម ឡី អ្នក​រិះគន់​រដ្ឋាភិបាល​ដ៏​មាន​ប្រជាប្រិយ ត្រូវ​បាន​ក្រុម​គ្រួសារ​បញ្ចុះ​កាល​ពី​ថ្ងៃ​ទី​២៥ ខែ​កក្កដា នៅ​ស្រុក​កំណើត​របស់​លោក ឋិត​នៅ​ស្រុក​ត្រាំកក់ ខេត្ត​តាកែវ ក្រោយ​ពី​ដង្ហែ​ចេញ​ពី​រាជធានី​ភ្នំពេញ​អម​ដោយ​អ្នក​ចូលរួម​ប្រមាណ ២​លាន​នាក់៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (28)
Share

Former Sniper

Cambodian People must wake up! They are sleeping too long. Learn how to snipe at long range. It's a simple task. There are plenty of tools out there to use but the Cambodian people chose not to do anything about it. Remember the KR regime? The innocent were scared and didn't do anything about it and they ended up dead more than 2.5 million.

I encourage the Cambodian to act now to survive.

Jul 28, 2016 09:15 PM

God goes to get HUN NAL@HUNSEN please..

Heeey...Ta K.Sophak how much HS,HT@HM paid you to dismiss this criminal case? with million $ plus a new luxury mansion with promote you to the top job better than the old one?,but be careful with your best comrade CHOUN SOVAN will turn this down"4u",if he would make a false accusing to u and then u will become a trash picker on the street or become a homeless man at landfield in Stung Mean Chey...be watch out old man"dangerous game out there".

Jul 27, 2016 04:36 PM

Fact is the Fact...u can run...but u can hide...

Ta K.Sophak says...our authority has no capacity to find other serial killer at this time...if everybody want to know who did this behind please go to ask big comrade HUN NAL"Aka HUNSEN" with his two mafia junior comrades HUN MANETH and HUN TO"millionaire@billionaire run criminal business Inc.,.".Zombie dictator HUNSEN as a ringleader in this case before hired CHOUB SALAB=meet to kill.They don't want us to show a memory card at this time...because they want to keep all these secretly and they're trying to figure out and setup the criminal scam file before release it to public.Otherwise ,u can go to ask comrade CHOUN SOVAN specialist in hit@run network Corp,.But this time i"K.Sophak"can't do anything at all...because i were really concern about life safety or life threatening or lose my best corruption job there...so everybody have to know what i mean?,and sorry for your unconvenient at this time.CEO serial killer said"HS";before gunned down KL at the Star Mart grocery store next to Caltex gas station...no anybody can against or talk about me@my family and no one can wear an iron helmet at all and u will see...

Jul 27, 2016 04:14 PM

Dan

ពី LA

សុទ្ធតែគ្នាវាហ្នឹង ពួកវាមិនភ្លើទៅហែកកេរ្តិ៏គ្នាវាទេ

Jul 27, 2016 12:17 PM

អ្នក​អាន​អនាមិក

Yes it is hard but not to hard to find,it is hard to lie to millions of eyes.

Jul 27, 2016 09:11 AM

មើល​មតិ​ទាំង​អស់.

គេហទំព័រ​ទាំងមូល