អាជ្ញាធរ​មីននិង​សមាគម​ចិន ធ្វើ​យុទ្ធនាការ​ឱ្យ​ខេត្ត​ព្រះសីហនុ​ជា​ខេត្ត​គ្មាន​គ្រាប់​មីននិង​សំណល់​ជាតិ​ផ្ទុះ​ពី​សង្គ្រាមឲ្យ​អស់​ត្រឹម​ឆ្នាំ២០២៥

ដោយ ម៉ៅ សុធានី
2021-10-27
Share
អាជ្ញាធរ​មីននិង​សមាគម​ចិន ធ្វើ​យុទ្ធនាការ​ឱ្យ​ខេត្ត​ព្រះសីហនុ​ជា​ខេត្ត​គ្មាន​គ្រាប់​មីននិង​សំណល់​ជាតិ​ផ្ទុះ​ពី​សង្គ្រាមឲ្យ​អស់​ត្រឹម​ឆ្នាំ២០២៥ គ្រាប់បែកចង្កោមបន្សល់ពីសម័យសង្គ្រាមប្រមូលដោយក្រុមស៊ីម៉ាក់ (CMAC) ស្ថិតនៅភាគពាយ័ព្យនៃប្រទេសកម្ពុជា។
រូប៖ CMAC

អាជ្ញាធរ​មីន និង​សមាគម​ជួយសង្គ្រោះ​ប្រជាជន​នៅ​កម្ពុជា​នៃ​ប្រទេស​ចិន ធ្វើ​យុទ្ធនាការ​ឱ្យ​ខេត្ត​ព្រះសីហនុ ដើម្បី​ជួយ​ខេត្ត​ជាប់មាត់​សមុទ្រ​មួយ​នេះ សម្អាត​គ្រាប់​មីន​ និង​សំណល់​ជាតិ​ផ្ទុះ​ពី​សង្គ្រាមឲ្យ​អស់​ត្រឹម​ឆ្នាំ២០២៥។

យុទ្ធនាការ​នេះចាប់​ផ្ដើម​ឡើង កាល​ពី​ថ្ងៃ​ទី២៥ ខែតុលា។ អាជ្ញាធរ​មីន និង​សមាគម​ជួយសង្គ្រោះ​ប្រជាជន​នៅ​កម្ពុជា​នៃ​ប្រទេស​ចិន បាន​ចុះ​អនុស្សរណៈ​នៃ​ការ​យោគយល់​គ្នា​ដើម្បី​កៀរគរ​ធនធាន​ពី​អ្នក​វិនិយោគ​ជនជាតិ​ចិន ទាំង​ក្នុង​និង​ក្រៅ​ប្រទេស​គាំទ្រ​ដល់​ការងារ​បោសសម្អាត​មីន​ឱ្យ​អស់ពី​ខេត្ត​ព្រះសីហនុ ខណៈ​រដ្ឋាភិបាល បាន​កំណត់​ក្នុង​ផែនការ​រៀបចំ​ដែនដី​ខេត្ត​នេះ ជា​ប៉ូល​អភិវឌ្ឍន៍​ជាតិ​ប្រកបដោយ​ចីរភាព​នៅ​តំបន់​ឆ្នេរសមុទ្រ​កម្ពុជា។

ទេសរដ្ឋមន្ត្រីលោក លី ធុជ អនុប្រធាន​ទី​១ អាជ្ញាធរ​មីន បាន​ថ្លែង​ថា នៅក្នុង​វិស័យ​មីន​នៅ​កម្ពុជា​វិញ សាធារណរដ្ឋ​ប្រជាមានិត​ចិន​បាន​ចូលរួម​ជាមួយ​កម្ពុជា​ចាប់​តាំង​ពី​ឆ្នាំ២០១៥ ដោយបាន​ឧបត្ថម្ភ​គាំទ្រ​ទាំង​ថវិកា​សម្ភារៈ​បច្ចេកទេស និង​ការ​បណ្ដុះបណ្ដាល​ធនធាន​មនុស្ស។

រដ្ឋបាល​ខេត្ត​ព្រះសីហនុ ឲ្យ​ដឹង​ថា ខេត្ត​នេះ មាន​ផ្ទៃដី​សរុប​​ប្រមាណ ជាង ២៦​ម៉ឺន (២៦៥៨,៩០) គីឡូម៉ែត្រ​ក្រឡា ក្នុង​នោះ​មាន​ចម្ការ​មីន និង​ចម្ការ​គ្រាប់​ទំហំ​ ៥,៥ គីឡូម៉ែត្រ​ក្រឡា ស្មើ​នឹង ៤៨​ចម្ការ​មីន ក្នុង​នោះ​ មាន​នៅស្រុក​ព្រៃនប់ ៣​ចម្ការ​មីន និង​ស្រុក​កំពង់សីលា ៤៥ ចម្ការ។ ចម្ការ​ទាំងអស់​នេះ មិនបាន​បោសសម្អាត​នៅឡើយ​ទេ ដែល​ជា​ក្ដី​ព្រួយបារម្ភ និង​ជា​ការ​គំរាមកំហែង​មួយ ទើប​អាជ្ញាធរ​មីន​ខិតខំ​ខ្នះខ្នែង​កៀរគរ រក​ជំនួយ​ពី​ដៃគូ​គាំទ្រ​លើ​វិស័យ​មីន៕

Prahsihanouk vill and china sign on mine_26_10_2021_by_Mine_authoritie_Facebook.jpg
អាជ្ញាធរមីន បានចុះអនុស្សារណៈយោគយល់ជាមួយលោក Wang Jiang ប្រធានសមាគមជួយសង្គ្រោះប្រជាជននៅកម្ពុជា (សមាគមចិន) ដើម្បីស្វែងរកការគាំទ្រពីវិស័យឯកជន និងអ្នកធុរ:កិច្ចជនជាតិចិន ឲ្យចូលរួមក្នុងការងារបោសសម្អាតមីន/គ្រាប់មិនទាន់ផ្ទុះក្នុងខេត្តព្រះសីហនុកាលពីថ្ងៃទី២៥ ខែតុលា ឆ្នាំ២០២១។ (រូប៖ ហ្វេសប៊ុកអាជ្ញាធរមីនកម្ពុជា)

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល