កម្មករ​នៅ​សង្កាត់​ចោមចៅ​ជិត​១០០​នាក់​ធ្វើ​កូដកម្ម

ដោយ ទេព សុរ៉ាវី
2014.04.30
Share on WhatsApp
Share on WhatsApp
កម្មករ តវ៉ា ៦១០ កម្មករ​រោងចក្រ ភើមៀរ (Pemir) ស្ថិត​នៅ​ភូមិ​ត្រពាំងថ្លឹង សង្កាត់​ចោមចៅ ក្នុង​ខណ្ឌ​ពោធិ៍សែនជ័យ ធ្វើ​កូដកម្ម នៅ​ថ្ងៃ​៣០ មេសា ឆ្នាំ​២០១៤។
RFA/Mom Sophon

កម្មករ​ជិត ១០០​នាក់ នៅ​រោងចក្រ ភើមៀរ (Pemir) ស្ថិត​នៅ​ភូមិ​ត្រពាំងថ្លឹង សង្កាត់​ចោមចៅ ក្នុង​ខណ្ឌ​ពោធិ៍សែនជ័យ បាន​ឈរ​ធ្វើ​បាតុកម្ម​យ៉ាង​ស្ងប់ស្ងាត់ ឈាន​ចូល​ថ្ងៃ​ទី​៨ ហើយ គិត​ត្រឹម​ថ្ងៃ​ទី​៣០ ខែ​មេសា ដើម្បី​ទាមទារ​ឲ្យ​ក្រុមហ៊ុន​កុំ​បញ្ឈប់​កម្មករ​ដោយ​គ្មាន​កំហុស និង​ផ្ដល់​លុយ​ថ្លៃ​បាយ​ថ្ងៃត្រង់​ចំនួន ២​ពាន់​រៀល។

តំណាង​កម្មករ​ដែល​ឈរ​តវ៉ា​នៅមុខ​រោងចក្រ លោក ថុន រ៉ន ឲ្យ​ដឹង​ថា មូលហេតុ​ដែល​កម្មករ​ធ្វើ​បាតុកម្ម ដោយសារ​តែ​កម្មករ ៤០​នាក់ ត្រូវ​បាន​ក្រុមហ៊ុន​បញ្ឈប់​ពី​ការងារ បន្ទាប់ពី​ពួកគេ​មក​ចូល​ធ្វើ​ការ​យឺត​មួយ​ថ្ងៃ ក្រោយ​ការ​កំណត់​របស់​រោងចក្រ ដែល​តម្រូវ​ឲ្យ​ចូល​ធ្វើ​ការ​វិញ​នៅ​ថ្ងៃ​ទី​១៨ មេសា គឺ​ក្រោយ​ពី​ក្រុមហ៊ុន​អនុញ្ញាត​ឲ្យ​ឈប់​សម្រាក​បុណ្យ​ចូល​ឆ្នាំ​ខ្មែរ​រួច។

​លោក ថុន រ៉ន៖ «ខាង​រោងចក្រ​គេ​គ្មាន​ដំណោះស្រាយ​ឲ្យ​យើង​ទេ គេ​គ្រាន់តែ​ជួល​ក្មេង​ស្ទាវ​ឲ្យ​មក​រក​រឿង​យើង គំរាម​យើង ឲ្យ​យើង​ចូល​ធ្វើ​ការ និង​ជួល​សមត្ថកិច្ច​ជា​ទាហាន​កាន់​កាំភ្លើង​គំរាម​យើង​ឲ្យ​ចូល​ធ្វើការ តែ​យើង​អត់​យល់​ព្រម​ទេ»

តំណាង​កម្មករ​បន្ត​ថា កម្មករ​ស្នើ​សុំ ៤​ចំណុច​ទៅ​ក្រុមហ៊ុន គឺ​ទី​១ សុំ​ឲ្យ​ក្រុមហ៊ុន​កុំ​បញ្ឈប់​កម្មករ​ដោយ​គ្មាន​កំហុស និង​ទទួលយក​កម្មករ ៤០​នាក់​នោះ​ចូល​ធ្វើ​ការ​វិញ។ ទី​២ សុំ​ឲ្យ​ក្រុមហ៊ុន​ផ្តល់​លុយ​បាយ​ថ្ងៃត្រង់ ២​ពាន់​រៀល សុំ​ឲ្យ​ក្រុមហ៊ុន​រក្សា​ប្រាក់​ឈ្នួល និង​ប្រាប់​រង្វាន់​ក្នុង​រយៈពេល​កម្មករ​ធ្វើ​កូដកម្ម និង​ទី​៤ ស្នើ​សុំ​ឲ្យ​ក្រុមហ៊ុន​កុំ​បង្ខំ​កម្មករ​ឲ្យ​ធ្វើការ​ថែម​ម៉ោង។ ភាគី​រោងចក្រ​និង​មន្ត្រី​ក្រសួង​ការងារ និង​បណ្ដុះបណ្ដាល​វិជ្ជាជីវៈ ធ្លាប់​ចរចា​សម្របសម្រួល​ខាង​ជាមួយ​កម្មករ​ម្ដង​រួច​ហើយ កាល​ពី​ថ្ងៃ​ទី​២៣ និង​ថ្ងៃ​ទី​២៤ មេសា ដោយ​ខាង​ក្រុមហ៊ុន​យល់​ព្រម​ទទួល​យក​សំណើ ២​ចំណុច​ក្នុង​ចំណោម ៤​ចំណុច​ដែល​កម្មករ​ទាមទារ។ ប៉ុន្តែ​ខាង​កម្មករ​បដិសេធ​មិន​ទទួល​យក និង​បន្ត​ធ្វើ​កូដកម្ម​ដោយ​ឈរ​នៅ​មុខ​រោងចក្រ​យ៉ាង​ស្ងៀមស្ងាត់ រហូត​ដល់​ខាង​ក្រុមហ៊ុន​ទទួល​យក​សំណើ​ទាំង ៤​ចំណុច​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។