ຂ.ຊຽງຂວາງຕ້ອງການງົປເພີ້ມ ເພື່ອ ກູ້ຣະເບີດ

ອະວາຣີ
2014-12-01
ອີແມວລ໌
ຄໍາເຫັນ
Share
ພິມ
ຂ.ຊຽງຂວາງ ມີເສດເຫຼືອ ຂອງຣະເບີດ ຢ່າງຫຼວງຫຼາຍ ຊາວບ້ານນໍາມາ ໝຸນໃຊ້ເປັນປໂຍດ
ຂ.ຊຽງຂວາງ ມີເສດເຫຼືອ ຂອງຣະເບີດ ຢ່າງຫຼວງຫຼາຍ ຊາວບ້ານນໍາມາ ໝຸນໃຊ້ເປັນປໂຍດ
Citizen Journalist

 

ປີນີ້ ແຂວງ ຊຽງຂວາງ ເກັບກູ້ ຣະເບີດ ທີ່ ຍັງບໍ່ແຕກ ໄດ້ ຫຼາຍຂຶ້ນ ຈຳນວນ ຜູ້ ເສັຍຊີວິດ ກໍໜ້ອຍລົງ ແຕ່ ກໍຍັງ ຕ້ອງການ ງົບປະມານ ເພີ້ມຢູ່. ດັ່ງ ເຈົ້າໜ້ທີ່ ຫ້ອງການ ເກັບ ກູ້ຣະເບີດ ແຂວງ ຊຽງຂວາງ ເວົ້າວ່າ:

“550 ເຮັກຕາ ຣະເບີດ ທຳລາຍຖິ້ມ ໄດ້ 9,694 ໜ່ວຍ ສຳລັບ ອຸປຕິເຫດ ປີນີ້ ມັນຈະມີ ການ ຫລຸດລົງ ເນາະ ແມ່ນມີ ຢູ່ 14 ບາດເຈັບ 10 ເສັຍ ຊີວິດ 4.”

ເຈົ້າໜ້າທີ່ ອະທິບາຍ ວ່າ ເມື່ອ ປີກາຍ ແຂວງ ຊຽງຂວາງ ເກັບ ກູ້ຣະເບີດ ໄດ້ປະມານ 500 ເຮັກຕາ ແຕ່ປີນີ້ ໄດ້ຫລາຍຂຶ້ນ ເພາະ ໄດ້ ຮັບ ອຸປກອນ ທີ່ ທັນສມັຍ. ແຕ່ ເຖິງຢ່າງໃດ ກໍຕາມ ໜ່ວຍເກັບກູ້ ຣະເບີດ ຢູ່ ແຂວງ ຊຽງຂວາງ ກໍຄືຢູ່ ແຂວງ ອື່ນໆ ຂອງລາວ ຍັງປະ ສົບ ກັບຄວາມ ທ້າທາຍ ຫລາຍຢ່າງ ເປັນຕົ້ນ ຍັງຂາດ ຄົນງານ ແລະ ງົບປະມານ. ອີກຢ່າງນຶ່ງ ການຊອກຫາ ຣະເບີດ ໜ່ວຍໃຫຍ່ ກໍ ຍາກ ລຳບາກ ເພາະມັນຝັງ ຢູ່ເລີກ ເລີກ ກວ່າ 5 ແມັດ. ຊຽງຂວາງ ເປັນ ແຂວງນຶ່ງ ທີ່ ມີຣະເບີດ ຍັງບໍ່ແຕກ ຫລາຍທີ່ສຸດ ແຕ່ລະປີ ໄດ້ຮັບເງິນ ຊ່ວຍເຫລືອ ເພື່ອ ເກັບ ກູ້ຣະເບີດ ປະມານ 10 ລ້ານ ດອນລ່າ ສະຫະຣັຖ ແຕ່ຍັງບໍ່ ພຽງພໍ.

ທ່ານ ບຸນເຮືອງ ດວງພະຈັນ ຫົວໜ້າ ໂຄງການ ເກັບ ກູ້ຣະເບີດ ແຫ່ງຊາດ ລາວ ກ່າວຢູ່ ກອງ ປະຊຸມ ຣະຫວ່າງ ຊາດ ເມື່ອ ບໍ່ດົນ ຜ່ານມາວ່າ ແຂວງ ຫລວງພຣະບາງ ຊຽງຂວາງ ຫົວພັນ ແລະ ຄຳມ່ວນ ຂາດ ງົບປະມານ ເພື່ອເກັບ ກູ້ຣະເບີດ ຢ່າງໜັກ ຖ້າບໍ່ໄດ້ ຮັບເງິນ ຊ່ວຍເຫລືອ ເພີ້ມຂຶ້ນ ພະນັກງານ ເກັບ ກູ້ຣະເບີດ ອາຈຖືກ ຢຸດງານ.

ຄໍາເຫັນ (1)
Share

ູກລາວ ຫລານລາວ

ຈາກ ແປ້ນຜ້າ ປະເທດລາວ

ເຖີງ: ຄະນະັຖບາລ ສປປລາວ ເຣື້ອງງົປະມານ ເກັບກູ້ລະເບີດ ບໍ່ທັນແຕກ ຢູ່ປະເທດລາວ ນັ້ນພວກທານ ໄດ້ຮັບການ ຊ່ວຽເຫືລອ ຈາກ ໂລກເສຣີ ຫລາຽຮ້ອຽລ້ານ ແລ້ວ ພວກທ່ານ ກໍຍັງວ່າຂາດ ງົປະມານ ຢູ່ຕລອດ.ໃຫ້
ພວກທ່ານ ໄປຂໍເອົານຳ ອາ້ຽໃຫ່ຍ ຫລືວ່າ ພໍ່ໃຫ່ຍ ຂອງພວກທ່ານ ຄື ຈີນ ແລະ ຫວຽດນາມ ຈື່ງຈະຖືກຕ້ອງ ບໍ່ຕອ້ງຂໍນຳ ໂລກເສຣີ ເພາະວ່າ ໂລກເສຣີ ແລະ ລາວ ທີ່ຢູ່ຕ່າງປະເທດ ພວກທ່ານ ເອີ້ນວ່າ ຄົນບໍ່ດີ ແລະກໍວ່າ ແມ່ນ ປະຕີການ ຂາຽຊາດ. ສນັ້ນເຮົາຈື່ງ ຂໍສເນີໃຫ້ ພວກທ່ານ ໄປຂໍນຳຫວຽດນາມ ຈະດີກວ່າ ເພາະວ່າຫວຽດນາມ ເປັນນາຽເໜືອຫົວ ຂອງບັນຜູ້ນຳ ລາວ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 02, 2014 04:50 PM

ເຕັມຫນ້າ