ທາງການວ່າຣົດເມຈີນຖືກ ປຸ້ນຊື່ໆ

ສິດນີ
2016-03-28
ອີແມວລ໌
ຄໍາເຫັນ
Share
ພິມ
ກະຊວງການຕ່າງປະເທດຈີນ ຖແລງໃນວັນທີ 24 ມິນາ ວ່າຄົນຈີນໄດ້ບາດເຈັບ 6 ຄົນ ຈາກການລັດຍິງ ຣົດເມໂດຍສານ ຢູ່ເມືອງກາສີ ເທື່ອນີ້
ກະຊວງການຕ່າງປະເທດຈີນ ຖແລງໃນວັນທີ 24 ມິນາ ວ່າຄົນຈີນໄດ້ບາດເຈັບ 6 ຄົນ ຈາກການລັດຍິງ ຣົດເມໂດຍສານ ຢູ່ເມືອງກາສີ ເທື່ອນີ້
Citizen Journalist

ເຈົ້າຫນ້າທີ່ ແຂວງວຽງຈັນ ທ່ານນຶ່ງ ກ່າວຕໍ່ RFA ໃນວັນທີ 25 ມິນາ ນີ້ວ່າ ເຫດການ ຄົນຮ້າຍ ລັດຍິງ ຣົດເມ ໂດຍສານ ຂອງຈີນ ແລະ ຣົດກະບະ ສ່ວນຕົວ ທີ່ແລ່ນ ນຳກັນມາ ຕາມເສັ້ນທາງ ຣະຫວ່າງ ເມືອງກາສີ ແຂວງວຽງຈັນ ໄປຫາ ເມືອງນານ ແຂວງ ຫຼວງພຣະບາງ ໃນ ມື້ວັນທີ 23 ມິນາ ຜ່ານມາ ທີ່ເຮັດໃຫ້ ຄົນລາວ ຢູ່ໃນ ຣົດກະບະ 1 ຄົນ ເສັຽຊີວິດ ແລະ ຄົນຈີນ ຢູ່ ຣົດເມ 6 ຄົນ ໄດ້ຮັບ ບາດເຈັບ ນັ້ນແມ່ນ ການປຸ້ນຈີ້ ຊິງຊັພຊື່ໆ ບໍ່ແມ່ນ ການໂຈມຕີ ຊາວຈີນທີ່ ເຂົ້າມາລາວ ໂດຍຕຣົງ ແຕ່ຢາງໃດ:

"ລັດຍິງຣົດເມ ຖືກຣົດຄົນຈີນ ບັງເອີນໄປພໍ້ ຜູ້ໃດ ມັນກໍຍິງ ຢູ່ຫັ້ນ ຂະເຈົ້າ ຈະບໍ່ຮູ້ດອກ ຣົດເມຈີນ ຣົດເມລາວ ເພາະ ມື້ຄືນເດ ເນາະ ພວກນັ້ນມັນ ກໍ່ກວນ ຄວາມບໍ່ສງົບ ລະກະ ປຸ້ນເອົາຊັພສິນ ຊື່ໆນະ ພວກນີ້ມັນ ຈະບໍເລັ່ງໃສ່ ວ່າຈີນ ວ່າລາວ".

ທ່ານກ່າວ ຕື່ມວ່າ ຄັນແມ່ນວ່າ ພວກດັ່ງກ່າວ ຕ້ອງການມຸ້ງເປົ້າ ການໂຈມຕີ ຈີນ ໂດຍສະເພາະ ມັນຈະບໍ່ມີ ຄົນລາວ ຖືກລູກຫລົງ ເສັຽຊີວີດເລີຍ ເພາະວ່າ ການຍິງຣົດ ຫຼາຍຄັ້ງ ທີ່ຜ່ານມາ ມີຄົນລາວ ຢູ່ໃນເຫດການ ນຳດ້ວຍ, ດັ່ງນັ້ນ ຈຶ່ງເຊື່ອວ່າ ເປັນການລັດຍິງ ແບບບໍ່ເລືອກ ເປົ້າຫມາຍ.

ແຕ່ເຖິງຢ່າງໃດ ກໍຕາມ ເຫດເກີດຂຶ້ນ ບໍ່ໄດ້ເຮັດໃຫ້ ຊາວຈີນ ຢູ່ ນະຄອນຫຼວງ ວຽງຈັນ ມີຄວາມຢ້ານກົວ ແຕ່ຢ່າງໃດ. ທ່ານວ່າ ໃນ ປັດຈຸບັນ ເຈົ້າຫນ້າທີ່ ທະຫານ ແລະ ຕຳຣວດ ຈາກ ສູນກາງ ແລະ ພາຍໃນ ແຂວງວຽງຈັນ ກຳລັງ ລົງພື້ນທີ່ ຕິດຕາມ ຄົ້ນຫາ ກຸ່ມດັ່ງກ່າວ ນັ້ນຢູ່ ແລະມີການ ອອກເວັນຍາມ ຕາມແຄມທາງ ຢ່າງເຂັ້ມງວດ.

ໂຄສົກ ກະຊວງການ ຕ່າງປະເທດຈີນ ຖແລງ ໃນວັນທີ 24 ມິນາ ຜ່ານມາວ່າ  ມີຄົນຈີນ ໄດ້ບາດເຈັບ 6 ຄົນ ຈາກການ ລັດຍິງຣົດ ເທື່ອນີ້ ແລະຮຽກຮ້ອງ ໃຫ້ຣັຖບານ ລາວ ຊ່ອຍເຫລືອ ຄົນຈີນ ຜູ້ທີ່ໄດ້ຮັບ ບາດເຈັບ ແລະ ໃຫ້ເພີ້ມມາຕການ ຮັກສາ ຄວາມປອດພັຍ ໃຫ້ແກ່ຄົນຈີນ ໃນລາວ.

ໃນເຫດການ ເກີດຂຶ້ນຄັ້ງນີ້ ວິທຍຸ ເອເຊັຽເສຣີ ກໍໄດ້ ໂທຣະສັບ ໄປຍັງ ສະຖານທູດ ຈີນ ທີ່ ນະຄອນຫຼວງ ວຽງຈັນ ເພື່ອຂໍ ຣາຍລະອຽດ ແຕ່ບໍ່ສາມາດ ຕິດຕໍ່ ເຈົ້າຫນ້າທີ່ ພະນັກງານ ກ່ຽວຂ້ອງໄດ້.

ຣົດເມ ໂດຍສານຈີນ ທີ່ຖືກລັດຍິງ ນັ້ນແມ່ນ ຂົນສົ່ງຊາວຈີນ ຈຳນວນ 28 ຄົນ ຈາກ ເມືອງຂຸນໝິງ ແຂວງຢູນານ ພາກໃຕ້ ຂອງຈີນ ເດີນທາງ ມຸ້ງໜ້າສູ່ ນະຄອນຫຼວງ ວຽງຈັນ. ນັບແຕ່ຕົ້ນປີ 2016 ເປັນຕົ້ນມາ ຄົນຮ້າຍ ໄດ້ກໍ່ເຫດ ລັດຍິງຣົດ ທັງໝົດ 3 ເທື່ອ ເຮັດໃຫ້ຄົນ ເສັຽຊີວີດ 4 ຄົນ ໃນນັ້ນແມ່ນ ຄົນຈີນ 3 ຄົນ.

ຄໍາເຫັນ (4)
Share

Lao Patriot

ຈາກ Vientiane, Laos

While the Lao Deng and the Vietnamese troops were playing a fun game with the Chinese, the poor Lao driver suddenly appeared at the scene, they had to finish him to eliminate a witness so, the attack will remain secret.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 06, 2016 02:45 PM

ກອງຈັນ

ຈາກ ລາດຄ້າຍ ຊຽງຂວາງ

ປະກາດ ໃຫ້ ບັນດາ ທ່ານ ຮບັຮູ້ ວ່າໃນ ວັນທີ່ 23/3/2016 ມີກອງ ກຳລັງ ປະກອບອາວູດ ມາປິດລັອມຍິງຄ້າຍທະຫານສປປລາວ ແລະໝູ່ບ້ານ ຮ້ອຍແຫ້ງ ຕາມເສັ້ນທາງ ລ່ອງແຈ້ງ ໄປຫາ ລາດຄ້າຍ ຊຽງຂວາງ ໃກ້ກັບ ພູຜາໄຊ ເຮັດໃຫ້ ປະຊາຊົນເຮືອນຊານບ້ານຊ່ອງ ແລະປະຊາຊົນ ໃນ ຄອບຄົວ ເຊຽຢິງວື່ ແລະໄດ້ວັງ ລະເບິດເຮັດໃຫ້ ປະຊາຊົນ ແລະ ທະຫານ ໄດ້ ສູນເສັຽ ຢ່າງ ໜັກ ດຽວນີ້ ປະຊາຊົນ ພາກັນ ລົບໜີ ກັບ ໄປ ໃນ ເມືອງ ໂພນສະຫວັນ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 06, 2016 01:17 PM

ຄົນມີອາວຸດ

ຈາກ ເຈົ້າໜ້າທີ່ນອກແຖວ

ການປຸ້ນຍຶງລົດມີມາຫລາຍສຶບໆປີແລ້ວ ຕາມເສັ້ນທາງສາຍເໜືອ ເປັນຫຍັງຈືງຈັບຄົນຮ້າຍບໍ່ໄດ້ ເປັນຕາງຶດງໍ້ເນາະ ເປັນຫຍັງຄົນຮ້າຍຈືງມີອາວຸດ ຫລືມີອາວຸດສົງຄາມ ມີ 3 ກໍລະນີຄື: 1.ກຸ່ມຄ້າຍາເສບຕິດແລະທັ້ງເປັນກຸ່ມຕໍ່ຕ້ານລັດຖະບານ
2. ອະດີດເຈົ້າໜ້າທີ່ມີອາວຸດ ຫລືອາວຸດສົງຄາມກໍ່ເຫດ 3.ເຈົ້າໜ້າທີ່ປະຈຸບັນທີ່ມີອາວຸດ ອອກນອກແຖວ ຫາລາຍໄດ້ພິເສດໂດຍກໍ່ກວນ ລວມທັ້ງກຸ່ມຍາດຕິພີ່ນ້ອງ ຫລືໝູ່ຄູ່ ຮວມຢູ່ນຳສ້າງສະຖານະການ. ຈັງໃດກໍ່ຕາມເບີ່ງຊົງວ່າ ຄົນທີ່ມີອາວຸດ ຢູ່ໃນມືຂາດເຂີນປັດໄຈ ວັດຖຸເງີນຄຳກຳແກ້ວ ກໍ່ເລີຍກໍ່ເຫດຂື້ນອີກ ສຶບທອດຫລາຍລຸ້ນຄົນເນາະ ຕາມເສັ້ນທາງຂົນສ່ົງໄປ ທາງສາຍເໜືອຂອງລາວ. ສະຫລຸບບໍ່ໄດ້ຮູ້ວ່າແມ່ນໃຜ ແຕ່ເຈົ້າໜ້າທີ່ລະດັບສູງຂອງລາວ ຮູ້ດີວ່າແມ່ນໃຜ ຈືງມິດງຽບຜິດປົກກະຕິ ບໍ່ເລ່ງຕາມຈັບໃຫ້ໄດ້ວ່າໄອ້ໂມ່ງດຳ ແມ່ນໃຜກັນແທ້ ປະຊາຊົນທົ່ວໄປກໍ່ຢາກຮູ້ຄືກັນ

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Apr 04, 2016 04:24 PM

(ເເຫລ້

ຈາກ ເເຫລ້

ຂ້າພະເຈົ້າຄຶດວ່າ ເຫດການນີ້ ແມ່ນເກີດຈາກການຂັດແຍ້ງ ອຳນາດກັນລະວ່າງ ຈີນກັບຫວຽດ, ສ່ວນປະຊາຊົນລາວ ຈະເປັນຜູ້ຮັບເຄາະ ຜູ້ທີ່ອອກມາກ່່ເຫດນັ້ນ ອາດຈະເປັນມືປືນຮັບຈ້າງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 28, 2016 04:30 PM

ເຕັມຫນ້າ