ບໍຣິສັດໄຟຟ້າຫາລື ກັບ ທາງການລາວ

ໄມຊູລີ
2018-07-25
ອີແມວລ໌
ຄໍາເຫັນ
Share
ພິມ
ແຜນທີ່ໂຄງຮ່າງກໍ່ສ້າງ ເຂື່ອນເຊປຽນ-ເຊນໍ້ານ້ອຍ
ແຜນທີ່ໂຄງຮ່າງກໍ່ສ້າງ ເຂື່ອນເຊປຽນ-ເຊນໍ້ານ້ອຍ
Screen captured : Sourioudong Sundara FB page

ບໍຣິສັດໄຟຟ້າເຊປຽນ-ເຊນໍ້ານ້ອຍ ກໍາລັງປະຊຸມຫາລື ກັບທາງຣັຖບານລາວ ທີ່ນະຄອນຫລວງວຽງຈັນ ເພື່ອວາງແຜນແນວທາງການ ຊ່ວຍເຫລືອ ປະຊາຊົນ ປະມານ 6,600 ຄົນ ຢູ່ເມືອງສນາມໄຊ ແຂວງອັຕຕະປື ທີ່ໄດ້ຮັບຜົນກະທົບ ຈາກນໍ້າທ້ວມ ສາເຫດມາຈາກ ຄູກັ້ນນໍ້າ ຫຼື ສັນເຂື່ອນ D ເຂື່ອນໄຟຟ້າ ເຊປຽນ-ເຊນໍ້ານ້ອຍ ແຕກ ແລະຍຸບລົງ ເຮັດໃຫ້ນໍ້າ 5 ລ້ານ ຕັນ ໄຫລຖ້ວມເມືອງສນາມໄຊ ຢ່າງໄວວາ. ດັ່ງເຈົ້າໜ້າທີ່ ຕາງໜ້າບໍຣິສັດ ເຊປຽນ-ເຊນໍ້ານ້ອຍ ຈໍາກັດ (PNPC) ນະຄອນຫລວງວຽງຈັນ ກ່າວຕໍ່ວິທຍຸ ເອເຊັຍ ເສຣີ ໃນມື້ວັນທີ່ 25 ກໍຣະກະດາ ນີ້ວ່າ:

“ໂອ້ ປັຈຈຸບັນນີ້ ທາງບໍຣິສັດ ກໍາລັງປືກສາຫາລື ກັບຣັຖບານຢູ່ ເພາະວ່າມັນບໍ່ທັນໄດ້ປະເມີນຄວາມເສັຍຫາຍ ອອກມາ ຊັດເຈນເທື່ອ ຍັງບໍ່ໄດ້ຄອນເຟິມເນາະ ຍັງບໍ່ທັນຢຶນຢັນ ຈາກທາງພາກສ່ວນໄດ້ເທື່ອ.”

ທ່ານກ່າວຕື່ມວ່າ ທາງບໍຣິສັດ ຍິນດີທີ່ຈະຊ່ອຍເຫລືອປະຊາຊົນ ຜູ້ຖືກຜົນກະທົບຢ່າງເຕັມທີ່ ແຕ່ຂນະນີ້ ກໍຍັງຢູ່ໃນຣະຫວ່າງ ຫາລືກັນກັບ ທາງຣັຖບານລາວ ວ່າຈະຊ່ອຍເຫລືອໃນລັກສນະໃດ, ອີກຢ່າງນຶ່ງຕ້ອງລໍຖ້າການມະເມີນຜົນເສັຍຫາຍ ແລະຜົນກະທົບ ຂອງປະຊາຊົນ ຈາກທາງການລາວ ຕື່ມເສັຍກ່ອນ.

ໃນຂນະດຽວກັນ ບໍຣິສັດ SK Engineering and Construction (SKE) ຂອງເກົາຫຼີໃຕ້ ຊຶ່ງເປັນບໍຣິສັດຖືຫຸ້ນໃຫຍ່ ກໍໄດ້ສົ່ງທີມງານ ຂອງຕົນ ໄປເມືອງສນາມໄຊ ແຕ່ມື້ວານນີ້, ມີທັງ ເຮລີຄອບເຕີ ເຮືອ ແລະ ເຈົ້າໜ້າທີ່ກູ້ພັຍ ໄປຊ່ວຍເຫລືອປະຊາຊົນ ແລ້ວ.

ບໍຣິສັດໄຟຟ້າ ເຊປຽນ-ເຊນໍ້ານ້ອຍ ເປັນເຈົ້າຂອງໂຄງການກໍ່ສ້າງ ເຂື່ອນໄຟຟ້າພາຍໃຕ໊ ການຮ່ວມຫຸ້ນສ່ວນຂອງບໍຣິສັດ SKE ຈາກ ປະເທດເກົາຫຼີໃຕ້ ຖືຫຸ້ນ 26 ສ່ວນຮ້ອຍ, ບໍຣິສັດ Korea Western Power ຫຼື KOWEPO  ຈາກປະເທດເກົາຫຼີໃຕ້ ຖືຫຸ້ນ 25 ສ່ວນຮ້ອຍ, ບໍຣິສັດ General Holding Public ຫຼື RATCH ຈາກປະເທດໄທ 25 ສ່ວນຮ້ອຍ ແລະບໍຣິສັດ ຣັຖວິສາຫະກິດລາວ ຫຼື LHSE ຖືຫຸ້ນ 24 ສ່ວນຮ້ອຍ.

ເຂື່ອນໄຟຟ້າ ເຊປຽນ-ເຊນໍ້ານ້ອຍ, ມີມູນຄ່າການລົງທຶນ 1,020 (1 ພັນ 20 ລ້ານ ) ດອນລ່າ ສະຫະຣັຖ. ມີພລັງການຜລິດໄຟຟ້າ 410 megawat ຊຶ່ງໄຟຟ້າທີ່ຜລິດ ຈະສົ່ງຂາຍໃຫ້ ປະເທດໄທ 90 ສ່ວນຮ້ອຍ ແລະ ຣັຖວິສາຫະກິດ ໄຟຟ້າລາວ 10 ສ່ວນຮ້ອຍ.

ຢ່າງໃດກໍຕາມ ໂຄງການເຂື່ອນໄຟຟ້າ ເຊປຽນ-ເຊນໍ້ານ້ອຍ ມີອາຍຸສັມປະທານ 27 ປີ ແລະໂຄງການ ມີລັກສນະ ກໍ່ສ້າງດ້ວຍຮູບແບບ ການຈັດສັນນໍ້າ ຫມາຍຄວາມວ່າ ເປັນການຜັນນໍ້າ ຈາກບ່ອນສູງ ລົງສູ່ບ່ອນຕໍ່າ ໂດຍຄູກັ້ນນໍ້າ ຫຼື ສັນເຂື່ອນ D ເປັນເຂື່ອນຍ່ອຍ ທີ່ແຕກແລະຍຸບລົງນັ້ນ ເປັນສ່ວນນື່ງ ຂອງເຂື່ອນໄຟຟ້າ ເຊປຽນ-ເຊນໍ້ານ້ອຍ ທີ່ແຕກ ແລະຍຸບລົງ ຊື່ງມີ ຄວາມກວ້າງ ຄູນໍ້າ 8 ແມັດ ມີຄວາມສູງ 16 ແມັດ ຍາວ 700 ແມັດ ແລະ ພື້ນທີ່ ອ່າງນໍ້າ 217 ຕາຣາງ ກິໂລແມັດ  ສາມາດເກັບນໍ້າໄດ້ ຫລາຍເຖິງ 28 ລ້ານ ແມັດກ້ອນ ຕາມຣາຍງານ.

ຄໍາເຫັນ (2)
Share

(

John, I'm afraid they are the same and only syndicate called Lao party-state and Co. I don't think that Lao government is going to put one their own people on trial - think of Mr Sisouk Daoheuang, the drug lord. If Lao people want to have justice they will have to take justice into their own hands. These commies don't function by the rule of law neither by the rule of justice.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 07, 2018 06:15 AM

John

ຈາກ ນະຄອນຫລວງວຽງຈັນ

ສະບາຍດີ RFA Lao
ມັນແມ່ນແທ້ບໍ່ ຂໍ້ມູນລຸ່ມນີ້
ນາຍຄຳມະນີ ອິນທິລາດ ລັດທະມົນຕີ ພະລັງງານບໍ່ແຮ່ ຖືກສັ່ງປົດອອກຈາກໜ້າທີ່ໃນວັນນີ້ 27/7/2018 ພອ້ມໃຫ້ມີການສືບສວນ ໃຫ້ຮັບຜິດຊອບ ຕໍ່ເຫດການເຂື່ອນແຕກ ແຕ່ຜູ້ກ່ຽວບໍ່ຍອມໃຫ້ກວດສອບຊັບສິນ ສ່ວນຕົວແລະຄອບຄົວ, ອ້າງເປັນຂອງສ່ວນຕົວ, ໃນເມື່ອມີຄວາມຜິດຕ້ອງມີການກວດສອບ ລົງໂທດວິໄນ ຕາມທີ່ປະຊາຊົນຮຽກຮ້ອງ, ຖ້າພັກລັດປ່ຽນໃຫ້ຜູ້ກ່ຽວລອຍນວນ ຄື:ພວກໂຈນປົ້ນຊາດ ຫລາຍຄົນຜ່ານມາ ທີ່ພັກລັດບໍ່ລົງໂທດ #ປະຊາຊົນ ຈະເປັນຜູ້ລົງໂທດພັກລັດຂາຍຊາດ ຂ້າປະຊາຊົນລາວ #ຄັ້ງນີ້ເປັນຄັ້ງທີ່3 ທີ່ມີເຫດການເຂື່ອນແຕກ ໃນລະຍະ3ປີ ທີ່ຜ່ານມາ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 06, 2018 04:41 AM

ເຕັມຫນ້າ