ຂ.ສາຣະວັນໂຈະຣະບົບ ນໍ້າລິນ

ມະນີຈັນ
2016-08-18
Share
F-saravanh ໝູ່ບ້ານໃນແຂວງ ສາຣະວັນ
Screen captured travel Laos video

ໂຄງການ ກໍ່ສ້າງຣະບົບ ນໍ້າລິນ ນໍ້າສະອາດ ຢູ່ ແຂວງສາຣະວັນ ຕ້ອງໄດ້ໂຈະ ບາງບ່ອນ ໃນ ຣະດູຝົນ ຍ້ອນເສັ້ນທາງ ຖືກຕັດຂາດ ບໍ່ສາມາດ ໄປມາໄດ້ ໂດຍສະເພາະ ໃນເຂດ ສະມ້ວຍ ແລະ ເມືອງຕາໂອ້ຍ. ຕາມການເປີດເຜີຍ ຂອງ ເຈົ້າໜ້າທີ່ ໂຄງການ ນໍ້າສະອາດ ແຂວງ ຕໍ່ RFA ໃນວັນທີ 17 ສິງຫາ ນີ້:

"ເວົ້າເຣື່ອງຄວາມຫຍູ້ງຍາກ ມັນ ກໍຫຍູ້ງຍາກ ແທ້ ເພາະວ່າ ເສັ້ນທາງ ບ້ານເຮົາ ມັນກໍບໍ່ ທົ່ວເຖິງ ມີບາງບ່ອນ ມັນກໍໄປໄດ້ ຣະດູດຽວ ຊ່ວງຝົນນີ້ ມັນກໍ ໄປບໍ່ໄດ້ ຍ້ອນເສັ້ນທາງ ຄົມມະນາຄົມ ແຫລະ ເພາະວ່າ ຣະດູຝົນ ເດ໊ ເພາະເສັ້ນທາງ ມັນຖືກ ຕັດຂາດ ສ່ວນຫຼາຍແລ້ວ ມັນຈະຢູ່ ໃນເຂດ ເມືອງສະມ້ວຍ ຕະໂອ້ຍ".

ໃນຣະຍະນີ້ ປະຊາຊົນ ບາງພື້ນທີ່ ປະສົບບັນຫາ ນໍ້າບາດານ ຫລື ນໍ້າລິນ ຂຸ່ນ ຍ້ອນຝຸ່ນ ທີ່ຖືກພັດມາ ກັບນໍ້າຝົນ ຍ້ອນຣະບົບ ນໍ້າລິນ ທີ່ ສ້າງໄປນັ້ນ ບໍ່ແໜ້ນໜາ ເຮັດໃຫ້ ປະຊາຊົນ ຕ້ອງໄປ ຕັກນໍ້າ ຈາກ ລໍາຫ້ວຍ ມາໃຊ້. ທ່ານ ເວົ້າຕໍ່ໄປວ່າ ໃນຣະດູ ແລ້ງ ນໍ້າ ໃນລໍາຫ້ວຍ ກໍມີບັນຫາ, ນໍ້າບົກ ແລະ ບໍ່ພຽງພໍກັບ ຄວາມຕ້ອງການ ຂອງ ປະຊາຊົນ. ແຕ່ ທາງແຂວງ ຈະຂໍທຶນ ຈາກ ຣັຖບານ ເຂົ້າຊ່ວຍເຫລືອ ສ້າງຣະບົບ ນໍ້າລິນ ນັ້ນ.

ຕາມຂໍ້ມູນ ຈາກໂຄງການ ອະນາມັຍ ນໍ້າສະອາດ ແຂວງ ສາຣະວັນ ມີປະຊາຊົນ ໄດ້ໃຊ້ ນໍ້າສະອາດ ແລ້ວ 86 ສ່ວນຮ້ອຍ, ມີວິດຖ່າຍ ພຽງ 36 ສ່ວນຮ້ອຍ ຂນະທີ່ ແຜນພັທນາ ຂອງ ທາງການລາວ ກໍານົດໃຫ້ ປະຊາຊົນ ທົ່ວ ປະເທດ ສາມາດ ໄດ້ໃຊ້ ນໍ້າສະອາດ ແລະ ມີວິດຖ່າຍ ເຖິງ 95 ສ່ວນຮ້ອຍ ພາຍໃນ ປີ 2020.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ