ວຽງຈັນຈະສ້າງອ່າງນໍ້າປະປາ ອີກ


2014.01.15
F-Hong ke-Hong xeng ຫ້ວຍ ໜອງ ຄອງ ບຶງ ໃນເຂດບ້ານ ຮ່ອງແກ ແລະບ້ານ ຮ່ອງແຊງ ຄູ້ມທາຕຫລວງ
RFA

 

ກະຊວງໂຍທາທິການ ແລະການຂົນສົ່ງ ສປປລາວ ໄດ້ອອກຄໍາສັ່ງ ໃຫ້ຣັຖວິສາຫະກິດນໍ້າປະປາແຫ່ງຊາດ ສຶກສາ ຄວາມເປັນໄປໄດ້ ໃນການສ້າງອ່າງນໍ້າປະປາເພີ້ມຕື່ມ ທີ່ດົງໝາກຄາຍນະຄອນຫລວງວຽງຈັນ ເພື່ອແກ້ໄຂບັນຫາການຂາດນໍ້າໃນເຂດເທສບານ.

ກົມເຄຫະສຖານ ແລະວາງຜນັງເມືອງ ໄດ້ຕົກລົງ ເຫັນພ້ອມ ໃນມື້ວານນີ້ ໃນການອະນຸມັດເງິນ ໃນການສ້າງປະມານ 3 ແສນກວ່າ ໂດລາ ຫລືປະມານ 2.7 ຕື້ກີບ. ທ່ານ ຄໍາທະວີ ໄຕພະຈັນ ເອກອະທິບໍດີ ກົມເຄຫະສຖານແລະຜູ້ຈັດການຣັຖວິສາຫະກິດນໍ້າປະປາ ທ່ານ ຄໍາໃບ ວົງໄຊຍະຣາດ ໄດ້ລົງນາມ ໃນຂໍ້ຕົກລົງ ດັ່ງກ່າວ ທີ່ ຫ້ອງການ ຂອງກະຊວງ ໃນມື້ວານນີ້.

ກົມເຄຫະສຖານ ແລະ ວາງຜນັງເມືອງ ໄດ້ຕົກລົງກັນ ກັບ ບໍຣິສັດ ວິສວະກັມກໍ່ສ້າງ ຈາກແຂວງຢູນານຂອງຈີນ ໃນການສ້າງ ອ່າງ ນໍ້າປະປາອັນທຳອິດ ໃນເດືອນກັນຍາປີ 2011 ໃນມູນຄ່າ 88 ລ້ານໂດລາ.

ໂຄງການ ສ້າງອ່າງນໍ້າປະປາໃຫມ່ ທີ່ດົງໝາກຄາຍ ດັ່ງກ່າວນີ້ ຈະສາມາດ ຜລິດນໍ້າໄດ້ ປະມານ 1 ແສນແມັດກ້ອນ ຕໍ່ມື້ ຈະເປັນ ການຜ່ອນຄາຍບັນຫາ ການຂາດນໍ້າໃຊ້ ໃນເຂດນະຄອນຫລວງ ໄດ້ຫລາຍພໍສົມຄວນ ໂດຍສະເພາະໃນຍາມແລ້ງ. ປັດຈຸບັນ ມີອ່າງ ນໍ້າປະປາ 3 ແຫ່ງ ທີ່ ນະຄອນຫລວງ ວຽງຈັນ ເຊັ່ນ ທີ່ ຈີ່ນາຍໂມ້ ເກົ້າລ້ຽວ ແລະ ໂພນເຄັງ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.