Доктор әркин әкрәм: түркийә, русийә вә иранниң һәмкарлиқи уйғурларға сәлбий тәсир көрситиду

Мухбиримиз әркин
2016-12-26
Share
erkin-ekrem-qerindashliq-uchrishish.jpg Доктор әркин әкрәм 6-нөвәтлик дуня шәрқий түркистанлиқлар қериндашлиқ учришиш йиғинда сөз қилди. 2014-Йили 5-авғуст, истанбул.
RFA/Arslan

Түркийәниң йеқинқи бир қанчә йиллиқ сүрийә сиясити өктичиләрни қоралландуруп, әсәд һөкүмитини ағдуруп ташлаш асасиға қурулған иди. Лекин түрк һөкүмити өткән һәптә русийә, иран билән москвада ортақ баянат елан қилип, иран вә русийә билән сүрийәдики террорлуқ күчләргә қарши һәмкарлишидиғанлиқини елан қилди.

Бу 3 дөләт ташқи ишлар министирлириниң елан қилған ортақ баянатида, әл-нусра даеш билән бирдәк йоқитилидиған террорлуқ гуруһ дейилгән. Бу түркийәниң әл-нусрани тунҗи қетим ашкара террорлуқ гуруһ, дәп қобул қилишидур. Ортақ баянатта йәнә, бу 3 дөләтниң әсәд һөкүмити билән қанунлуқ өктичи гуруһлар оттурисида имзалинидиған келишимләрдә капаләтчилик ролини үстигә алидиғанлиқи қәйт қилинған.

Анализчиларниң илгири сүрүшичә, бу түркийәниң сүрийә сияситидә 180 градуслуқ бурулуш болғанлиқини көрситиду. Түркийә немә үчүн өзиниң сүрийә сияситини өзгәртишкә мәҗбур болди? униң сияситидики өзгириш уйғурларға қандақ тәсир көрситиду?

Биз бүгүн түркийә һаҗитәпә университетиниң дотсенти, түркийә истратегийилик чүшәнчиләр институтиниң тәтқиқатчиси доктор әркин әкрәмни зиярәт қилип, униң билән бу мәсилиләр һәққидә сөһбәт елип бардуқ.

Юқиридики улиништин, мухбиримиз әркинниң әркин әкрәм билән өткүзгән сөһбитиниң тәпсилий мәзмунини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт