Доктур әсәт сулайман “муһаҗирәттики уйғур әдәбияти”дегән тимида лексийә бәрди

Доктур әсәт сулайман бирқанчә айлардин бери, шветсийә уйғур маарип уюшмисиниң орунлаштуруши билән шветсийәдә яшаватқан уйғур җамаитигә уйғурларниң тарихи, мәдәнийити, тили вә башқа тимиларда лексийә берип кәлмәктә иди.Униң бу қетимқи тимиси муһаҗирәттики уйғурлар яратқан уйғур әдәбиятиға беғишланди.

Әсәт сулайман лексийсидә әдәбиятниң вәзиписи һәққидә тохтилип:“өз әркинликини қолға кәлтүрүш үчүн күрәш қиливатқан милләтләргә ниспәтән ейтқанда, милләтниң өзини тонуши, өз вәтинигә болған һәқдарлиқ туйғусини йитилдүрүш вә ойғитишта әдәбиятниң тәсир күчи интайин зор” деди.

Әсәт сулайманниң лексийиси муһаҗирәттики уйғур әдәбиятиниң шәкиллинишидә муһум рол ойниған муһәммәд имин буғраниң һаяти вә иҗадийтигә көпирәк беғишланған болуп, у лексийисидә муһәммәд имин буғраға наһайти йүксәк баһа бериду.

Әсәт сулайманниң баян қилишичә, муһәммәд имин буғраниң өлүми муһаҗирәттики уйғурлар үчүн, җүмлидин уйғур елидики уйғурлар үчүнму наһайти чоң бир йоқитиш болған. Шуңа әйни чағда муһәммәд имин буғраниң өлүмигә беғишланған нурғун мәрсийәләр барлиққа кәлгән.

“муһаҗирәттики уйғур әдәбияти” темиси уйғурлар үчүн техи тәтқиқ қилинмиған йеңи бир тима болуп, лексийә аңлиғучиларда алаһидә бир қизиқиш қозғиған. Биз лексийә аңлиғучиларниң ашу һесияти билән ортақлишиш үчүн лексийә иштиракчилириниң бири болған ясин қаримни зиярәт қилдуқ. ясин қарим лексийәдин кийинки һаяҗенини баян қилди.

Лексийини уюштурған шиветсийә уйғур маарип уюшмисиниң рәиси ниҗат турғунниң баян қилишичә, лексийә орунлаштурғандин бери лексийәгә қизиқидиғанларниң сани күндин - күнгә ешиватқан болуп, тәрәп - тәрәпләрдин яхши инкаслар келиветипту.