Gollandiyede taylandtin qayturulghan Uyghurlar söhbet témisi boldi

Ixtiyariy muxbirimiz pida'iy
2015.07.14
Share on WhatsApp
Share on WhatsApp
gollandiye-uyghur-tayland.JPG Taylandtin qayturulghan Uyghurlar toghrisida élip barghan söhbet sorunidin körünüsh. 2015-Yili 9-iyul, gollandiye.
RFA/Pidaiy

Tayland panahlinish merkizide bir yildin béri tutup turuluwatqan Uyghurlarning xitaygha mejburiy ötküzüp bérilgenlik xewiri 2015‏-yili 9‏-iyul peyshenbe küni ashkarilan'ghandin kiyin, Uyghurlarning ghezep-nepriti hessilep ashti.

Bu téma kishiler arisidiki söhbet-munazirlerning qiziq nuqtisi bolup qaldi we hetta ramizanliq cheklimilerge qarshi qozghalghan inkaslargha qoshulup, qiyandin dolqun'gha aylandi. Dunyaning herqaysi jayliridiki Uyghur pa'aliyetliride bu mesile öz ipadisini tapti.

2015‏-Yili 11‏- iyul iptardin 12‏-iyul sehergiche ibadet erkinlikidin behrimen bolghan gollandiyediki Uyghurlarning hal-mungliri weten ichi-sirtidiki siyasiy we diniy mesililerning tereqqiyatini boylap kélip, taylandtin qayturuwétilgen wetendashlirining erkinlik chüshige merkezleshti.

Pa'aliyet Uyghurlarning bes-beste pikir qétishi netijiside weten-milletning istiqbali üchün, aldi bilen gollandiyediki pa'aliyetlirini janlandurush we künséri küchiyiwatqan qanliq bedellerning eks sadasini erkin dunyada sadalandurush arqiliq, taylandtin qayturulghan Uyghurlar tragédiyesining tekrarlanmasliqigha ehmiyet bérishtek mezmunlar bilen netijilendi.

Pa'aliyettin kéyin ziyaritimizni qobul qilghanlar taylandtin qayturulghan Uyghurlarning hijret sepiridiki bu ongushsizliq heqqidiki hés-tuyghulirini radi'o anglighuchilirimiz bilen ortaqlashti.

Beziler ularning ehwaligha échinip, “Ular menpe'etler toqunushidiki siyasiy oyunlarda qurban boldi” dep qarap köngli yérim bolghan bolsa, beziler ularning musibetlik aqiwetliride yoshurunup yatqan, qandaqtur bir xeyrlik sirlarning bolup qilishinimu ümid qilidighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.