Almatada türk dunyasi tetqiqati ilmiy muhakime yighini ötküzüldi

20-Maydin 22-mayghiche almata shehirige jaylashqan qazaq dölet qizlar pédagogika uniwérsitétida 2-nöwetlik türk dunyasi tetqiqatliri ilmiy muhakime yighini bolup ötti.

Uninggha qazaqistan, türkiye, a q sh, xitay, koréye, gollandiye, sérbiye, musteqil döletler hemkarliqi memliketliridin bolup 500 din oshuq wekil qatnashti. Uninggha shundaqla türkiyening qazaqistandiki bash konsuli sübhi atan, türkiyening niydé uniwérsitéti mudiri adnan gorur, aqmulla namidiki bashqurt dölet pédagogika uniwérsitéti mudirining orunbasari gülnaz shafikowa, türkiy xelqler medeniy fondining prézidénti exmet daghduran, baytursinof namidiki tilshunasliq institutining mudiri mirzabérgén malbaqof, bashqimu qazaqistanliq we chet'el aliy oqush orunlirining rehberliri, körneklik alimlar ishtirak qildi.

Qazaq dölet qizlar pédagogika uniwérsitéti, niydé uniwérsitéti we aqmulla namidiki bashqurt dölet pédagogika uniwérsitétining uyushturushi bilen ötken mezkur ilmiy muhakime yighinida türkiy xelqler boyiche asasiy jehettin toqquz mesile, shu jümlidin türkiy filologiyesining muhim mesililiri, xelq'ara derijidiki bilim yönilishliri, türkiyshunasliqning türkümleshtürüsh mesililiri, élipbe mesililiri we bashqilar muhakime qilindi.

Radi'omiz ziyaritini qobul qilghan filologiye penlirining namzati xalminem mesimowa bu heqte öz qarashlirini otturigha qoydi.