2-Қетимлиқ “җуңго йоли” йеғинида уйғур мустәқиллиқиға аит пикирләр оттуриға қоюлған
2015.08.20
Уйғур бирлики тәшкилатиниң мәсуллири “җуңго йоли” йиғин әһли билән хатирә сүрәттә. 2015-Йили 16-авғуст, голландийә.
RFA/Pida’iy
Голландийәниң пайтәхти дәнһах шәһиридә өткүзүлгән 2-қетимлиқ “җуңго йоли” йеғинида уйғурларниң мустәқиллиқ дәвасиға мунасивәтлик пикирләр оттуриға қоюлған.
2015-Йили 16-авғуст йәкшәнбә күни чүштин кейин саәт 15:00 тин, әтиси кәч саәт 9ға қәдәр давам қилған мәзкур паалийәтни голландийәдики“явропа җуңго йоли тәтқиқат мәркизи” уюштурған.
Хоңкоң, тәйвән, германийә, фирансийә, данийә, голландийә вә америка қатарлиқ әлләрдики демократик хитай зиялийлири иштирак қилған мәзкур паалийәткә “голландийә уйғур бирлики” тәшкилатиниң мәсуллириму тәклип билән қатнашқан вә йиғинда муһим сөз қилип, уйғурларниң мустәқиллиқ дәвасиға мунасивәтлик пикирлирини оттуриға қойған.
Мәзкур паалийәтниң тәпсилати һәққидә зияритимизни қобул қилған бәхтияр насир, ғәйрәтҗан рози вә садиқҗан сәләй әпәндиләр өзлири муһим дәп қариған мәзмунларни радио аңлиғучилиримизға баян қилип, демократик аңдики хитай зиялийлири ичидә, уйғурларниң мустәқиллиқ хаһиши вә таллишиға һөрмәт қилиш, шәрқий түркистандики йәрлик милләтләрниң сайлимиға көчмән хитайларниң арилишиш вә дәхли-тәруз қилишиниң демократийә принсиплириға уйғун әмәсликини илгири сүрүштәк әһвалларниң барлиққа келиватқанлиқини аңлатти.
Көп көрүлгән хәвәрләр
RFA
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Хитайға қайтурулған уйғурларни “йоқлаш” қа маңған тайланд вәкилләр өмики агаһландурулди
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”
- “шинҗаң вәкиллири” “дөләт ортақ тил-йезиқи қануни” ға өзгәртиш киргүзмәкчи
- Ақсуда розидарларниң розисини бузуш яки роза тутушқа имкан қоймаслиқ үчүн аһалиләр мәҗбурий әмгәккә селинған