2‏-Qétimliq “Junggo yoli” yéghinida Uyghur musteqilliqigha a'it pikirler otturigha qoyulghan

Gollandiyening paytexti denhax shehiride ötküzülgen 2‏-qétimliq “Junggo yoli” yéghinida Uyghurlarning musteqilliq dewasigha munasiwetlik pikirler otturigha qoyulghan.

2015‏-Yili 16‏-awghust yekshenbe küni chüshtin kéyin sa'et 15:00 tin, etisi kech sa'et 9gha qeder dawam qilghan mezkur pa'aliyetni gollandiyediki“Yawropa junggo yoli tetqiqat merkizi” uyushturghan.

Xongkong, teywen, gérmaniye, firansiye, daniye, gollandiye we amérika qatarliq ellerdiki démokratik xitay ziyaliyliri ishtirak qilghan mezkur pa'aliyetke “Gollandiye Uyghur birliki” teshkilatining mes'ullirimu teklip bilen qatnashqan we yighinda muhim söz qilip, Uyghurlarning musteqilliq dewasigha munasiwetlik pikirlirini otturigha qoyghan.

Mezkur pa'aliyetning tepsilati heqqide ziyaritimizni qobul qilghan bextiyar nasir, gheyretjan rozi we sadiqjan seley ependiler özliri muhim dep qarighan mezmunlarni radi'o anglighuchilirimizgha bayan qilip, démokratik angdiki xitay ziyaliyliri ichide, Uyghurlarning musteqilliq xahishi we tallishigha hörmet qilish, sherqiy türkistandiki yerlik milletlerning saylimigha köchmen xitaylarning arilishish we dexli-teruz qilishining démokratiye prinsiplirigha uyghun emeslikini ilgiri sürüshtek ehwallarning barliqqa kéliwatqanliqini anglatti.