Хитай чәтәлләрдики уйғурларни өзигә хизмәт қилдуруш истратегийисини күчәйтмәктә

Мухбиримиз гүлчеһрә
2013.07.24
eli-ablimit.jpg Түркийә уйғур сода-санаәтчилик җәмийити ианә қилған 30000 йүән пулни ели аблимит яан районидики апәткә учриғанларға вакалитән қобул қилди. 2013-Йили 25-апрел.
wqb.xinjiang.gov.cn

Хитайниң уйғур аптоном районлуқ маарип назарити тор бетиниң 23-июл хәвиригә қариғанда, чәтәлләрдики “шинҗаңлиқ оқуғучилар алақә понкити” дәсләптә америка, фирансийә, австралийә, японийә вә русийәдин ибарәт бәш дөләттә иш башлиған.

Бу һәқтики хәвәрдә “шинҗаң аптоном райони чәтәлләрдә қурған бу алақә понкитлири арқилиқ чәтәлләрдики шинҗаңлиқ ихтисас игилири вә зиялийлар билән алақә бағлап,уларни уйғур елигә қайтип хизмәт қилишқа риғбәтләндүрүш вә улар арқилиқ шинҗаңни чәтәлләргә тонуштурушқа охшаш паалийәтләрни елип бариду” дәп көрситилгән. Уйғур америка бирләшмисиниң муавин рәиси илшат әпәндиниң инкасиға қариғанда, йеқинда хитай даирилири америкини өз ичигә алған бир қисим әлләрдә уйғурлар билән йошурун һалдики алақә орнитишни мәқсәт қилип мәхсус адәм әвәтип һәрикәт башлиған болсиму нәтиҗигә еришәлмигән, әксичә уйғур җамаитиниң нәприти вә һошярлиқини ашурған.

Сөһбитимиз җәрянида елшат һәсән әпәнди уйғурларни хитайниң җасуслуқ һәрикәтлиригә қарита һошяр болушқа вә өзи яшаватқан дөләтләрдики қанунлардин пайдилинип өзини қоғдашқа агаһландурди вә йәнә хитайниң һәр хил нам, һәр хил тактика қоллинип чәтәлләрдики уйғур һәрикитини парчилаш, уйғур тәшкилати вә уйғур җамаити ичигә иттипақсизлиқ яғдурушни мәқсәт қилип елип бериватқан истратегийилик җасуслуқ һәрикәтлиригә қарши сәгәклик билән турушқа, уйғурларниң ортақ мәнпәтини қоғдашта инсаний вә миллий бурчини ада қилишқа чақирди.

Юқиридики аваз улинишидин, мухбиримизниң илшат һәсән әпәнди билән бу һәқтә өткүзгән сөһбитигә диққәт қилғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.