Yaponiye iqtisad zhurnilida "28-Iyul yeken weqesi" ge a'it maqale élan qilindi

Ixtiyariy muxbirimiz haji qutluq qadiri
2014-12-04
Share
yaponiye-zhurnal-yeken-weqesi-turmuhemmet-305.jpg Uyghur ziyaliysi doktor turmuhemmet hashim teripidin yézilghan "Yaponiye iqtisad zhurnili" da neshr qilin'ghan "28-Iyul yeken weqesi" namliq maqale. 2014-Yili, yaponiye.
RFA/Qutluq

Yaponiyediki nopuzluq metbu'atlardin biri bolghan iqtisad zhurnilining bu yilliq 11-sanida "28-Iyul yeken weqesi" ge a'it maqale élan qilin'ghan.

Yaponiye iqtisad zhurnili bolsa yaponiyediki mötiwer sodigerler, iqtisadshunaslar, siyasetchiler we shundaqla xitay bilen iqtisadiy ish birliki élip baridighan karxanichilarni asas qilghan ilmiy zhurnal bolup, asiyada tarqilish tirazhi köp bolghan zhurnallardin biri hésablinidu.

Mezkur zhurnalda élan qilin'ghan maqalide, bu yil 28-iyul yeken nahiyesining élishqu qatarliq yézilirida yüz bergen bir qatar qanliq weqeler we shundaqla bu weqelerning xitay da'iriliri teripidin qattiq basturulush jeryani hemde weqening heqiqiy ehwalini tor arqiliq sirtqi dunyagha ashkarilighanliqi sewebidin qolgha élinip, xitay türmisige qamalghan wijdan mehbusi abubekir toghrisida toxtalghan.

Maqale, yaponiyede közge körün'gen Uyghur ziyaliysi doktor turmuhemmet hashim teripidin yézilghan bolup, bügün ziyaritimizni qobul qilghan maqale sahibi doktor turmuhemmet hashim mezkur maqalisi heqqide qisqiche toxtilip ötti.

Tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet